صقر سليم وقاضي عتيبه ومحاوره رائعه

[حســين الحارثي]

هذه المحاوره جرت بين كلاً من الشاعر / صقر البقيلي السلمي
والشاعر / زبن القاضي العتيبي في يوم الاحد ليلة الاثنين الموافق
7/2/1428هــ


صــــقـــــر ســـلـــيـــم
سلام رديـه علـى عجلـه وقافيهـا لـزوم = تضفي على المتواجدين وتاصل القاضي زبـن

يازبن حنا مانضريهـا علـى حـب الخشـوم = هذي عوايدنا مع العتبان من مـاض الزمـن

زبــــــــن الـــقـــاضـــي
يامرحبا ترحيبـت ٍترفـع صقرفـوق النجـوم = واليارتفع صقـر البقيلـي فالسمـا ماينغبـن

نعم ٍ بكم يالسليم فالظلمـا تحـدون السهـوم = في مامضى واليوم كل سليم في وسط المـدن

صــــقـــــر ســـلـــيـــم
كلمتك هذي يازبن عليـك هـم مـن الهمـوم = احسن لك اعرضها على الدكتور غسان الحسن

ولاعليكم زود في وقـت الدفـاع وفالهجـوم = والله يعـز اللـي رحمكـم ياعتيبـه بالامـن

زبــــــــن الـــقـــاضـــي
ياصقر من سماك صقر وصرت بجناحك تحوم = انته رجل مدرك تعرف العين ماتعـلا الجفـن

لو تنشد ابن جفين علمك السوايـر والسلـوم = وقال الطلب الله ياصقر بالخير لاتثيـر الفتـن

صقر سليم
انا صقر قول وفعل نسل الرياجيـل القـروم = وانته رجل محسوب مثل العين يامال السمن

يازبن ماسب الرياجيل القـروم الا الرخـوم= حنا رجال الدين واهل العرف وحصون الوطن

زبن القاضي
ماقلت فيك اخلاف لاكن لاتوهقك الحلوم=نعمن بكم نعمن بكم والله مايقربك الجبن

حنا مانظلم ياصقر وانته بعد مانت بظلوم=واهل الرطانه طبعهم دايم يحبون الرطن

صقر سليم
انته تحسب ان الطريق من المحاني للجموم = حنا نظرنا فـوق للعليـا بلاشـكٍ وظـن

ماقول ظالم وان ظلمك الوقت مايلحقك لوم = واليوم راسك يازبن مافيه حبـاً ماأنطحـن
زبن القاضي

انته تبا درب السفـر ولا تبـا درب القـدوم=يالي تناظر فوق ناظر بس كن رجـل ٍ فطـن

ماكل من يقدم من الخـارج يسلملـه رسـوم=دور سكن فالشرع في بعض المدن مالك سكن