الشدادي والحليفي

[فايز الشدادي]

فايز الشدادي=
ياسلامي سلام مثل حذف الحصاه=ناس جاء في ظهرها ناس ببطونها
الحليفي خطير ويلفت الانتباه=لكن ام الكباير رافعه شونها
الحليفي=
السلام المشوّه ما سمعنا صداه=رد سلعتك يا فايز بكرتونها
ربك اللي عطاك وربه اللي عطاه=مار ابا اركب الجمره لغليونها
فايز الشدادي=
صاحبي مايرحب يوم صابه بلاه=والا مانه بترجع عند مامونها
يوم ذيب الصحاري شاف ذيب السراه=السلامه يحول البعد من دونها
الحليفي=
جبت علمٍ لنا وجهه يشابه قفاه=مار مثلك عليه ما يمشونها
ابك ذيب السراه اليا تجاذب عواه=هجت اسباعكم ياللي تلمونها
فايز الشدادي=
يترك العلم والا ياخذه من بغاه=مانصلي صلاة ماتصلونها
كان صادق وراه يروح عنا وراه=شفت هذي وهذي ماتشوفونها
الحليفي=
زلة الطيّب اليا زل قلنا فداه=مير فر العراوي مع دركسونها
شغل البوصله ثم اعرف الإتجاه=دوب زانت لنا الحبه ومطحونها
فايز الشدادي=
لا تفر الصحن حتى نفر القناه=كل ناس نظرها في تلفزونها
كان فالوضع يارجال صار اشتباه=اخلط الحنطه الحمرا بكمونها
الحليفي=
ام وجهين اقابلها براس القناه=اصبر شوي انزل ضافي اردونها
واخسارتك ياللي مستعير العباه=كيف تلبس عباةٍ مختلف لونها