عبدالله بن مستور الحارثي
18 - 02 - 2007, 22:37
اخواني واخواتي اعضاء وشعراء الميدان
يسرني أن أقدم لكم هذه النادرة لإستاذي حسن بن محمد الحبشي الحارثي رحمه الله
أسندها في أخر حياته للشاعر حسين بن ضيف الله الدوسري اليكم القصيدة وسوف اوافيكم بالرد بعد حين
على هجعة السالي ومـع فـزة المشتـاق= طلع مطلع أول بيت مـع طلعـة الفجـري
وقمت استعيد الذاكـره واكشـف الأوراق= وأدوّر على شئْ فاقـده والزمـن يجـري
جنيه الذهب ماعـاد لـه فالبلـد عشـاق= وأريت أغلب التجّار عـن قيمتـه مـزري
واريت الشراء والبيـع فالمعـدن البـراق =ربح من يبيع وفارق الربـح مـن يشـري
بضاعه رخيصه مير ضاقت بها الأسـواق= وكلٍ يشـوف بضاعتـه فرصـة العُمْـري
وأنا اللي تعبت وشاب راسي وصدري ضاق =عسى الله يضيّقهم بعـد ضيّقـوا صـدري
وألا يانديبي فـوق حـرٍ خفيـف السـاق= تولّـم ورح لحسيـن ضيـف الله الكبـري
وسلّـم عليـه وقلّـه الحارثـي مشتـاق = وليلـه طويـل وينتظـر طلعـة البـدري
وياكثر صبـر اللـي تحمّـل مـلا يطّـاق= وأنا ياكثر صبري على المـر والصِبْـري
شكت لي بيوت الشعر من سطـوة اللفـاق= وقالت قصيف المعرفـه ماعـرف قـدري
يحَسْب إن من سافر على الباخـره سـواق= ويقدر يجيـب الـدُرْ مـن غبـة البحـري
وقلـت الغبـيّ اللـي بغيبوبتـه مـافـاق = تـدور الدوايـر واهبـل العقـل مايـدري
وأنا خابـرك ياحسيـن مايسبقـك سبّـاق= على المشترا الغالي وخلك علـى خبـري
وهذا كـلام الصـدق ماهـو ريـا ونفـاق= ولاهـو جسـر مبنـي لغايـه ولا كبـري
بيوتك سمان ومن وراهـا الحبـال وثـاق= وغيرك بعـد مايعـرف الشفـع والوتـري
بغيتـك تساعدنـي علـى مـر ماينـذاق =تحمّل مثل حملي وتصبر مثـل صَبْـري
لو إن السريقه تنمسك فـي يـد السـراق = ماكان الحصين أخْذ الفريسه من النمـري
ولَكِن بعض الناس تشفـق عليـه إشفـاق =ليا قام يِتْنافـض بريشـه كمـا القمـري
حليو اللسان ليـا لقيتـه وحَسْـن أخـلاق =وقلبه كما لو كان يغلـي علـى الجمـري
ولو يصبـح الأمـر ابْيـده قطّـع الارزاق = عسى الله لا يجعل في يده دبرتي وأمـري
ومن عقب هذا الوضع جاء وضع ما ينطاق = زرعها التطـوّر فالبلـد وانتجـت بـدري
تحكّم بنا العامـل وعـذرب بنـا الحـلاق = وعيّد بنا الهندي وضحّـى بنـا المصـري
وقامت تناهشنا الضـواري مـن المعـلاق = وحنا علـى البيلـوت والراتـب الشهـري
ترا السائق الجندي موظّف معـه سـواق =وخدامـةٍ فالبيـت تجهـر كمـا البـدري
يـوزّع عليهـم راتـبـه والله الــرزاق= وكيف السلف والدين مـن ذمّتـه يبـري
سقا الله زمانٍ قـد لحقنـا عليـه إلحـاق = ولا هـو مبيّـن صغـر سنّـي ولا كبـري
لحقنا شقاً واجـد وجانـا تعـب وأرهـاق= وكان الرجل منّـا سـوات القلـم مبـري
نجوب الديار ونخرج الماء مـن الأعمـاق= وناخذ مراجلنـا مـن اليسـر والعسـري
واشوف الهموم اليوم يخفق بهـا الخفـاق = فقدنا الدواء والداء بـدا بالجسـد يسـري
يقولون خلّ الخلـق فـي دبـرة الخـلاق = وأنا اقول عن بعـض المواقيـف وش عـذري؟
يسرني أن أقدم لكم هذه النادرة لإستاذي حسن بن محمد الحبشي الحارثي رحمه الله
أسندها في أخر حياته للشاعر حسين بن ضيف الله الدوسري اليكم القصيدة وسوف اوافيكم بالرد بعد حين
على هجعة السالي ومـع فـزة المشتـاق= طلع مطلع أول بيت مـع طلعـة الفجـري
وقمت استعيد الذاكـره واكشـف الأوراق= وأدوّر على شئْ فاقـده والزمـن يجـري
جنيه الذهب ماعـاد لـه فالبلـد عشـاق= وأريت أغلب التجّار عـن قيمتـه مـزري
واريت الشراء والبيـع فالمعـدن البـراق =ربح من يبيع وفارق الربـح مـن يشـري
بضاعه رخيصه مير ضاقت بها الأسـواق= وكلٍ يشـوف بضاعتـه فرصـة العُمْـري
وأنا اللي تعبت وشاب راسي وصدري ضاق =عسى الله يضيّقهم بعـد ضيّقـوا صـدري
وألا يانديبي فـوق حـرٍ خفيـف السـاق= تولّـم ورح لحسيـن ضيـف الله الكبـري
وسلّـم عليـه وقلّـه الحارثـي مشتـاق = وليلـه طويـل وينتظـر طلعـة البـدري
وياكثر صبـر اللـي تحمّـل مـلا يطّـاق= وأنا ياكثر صبري على المـر والصِبْـري
شكت لي بيوت الشعر من سطـوة اللفـاق= وقالت قصيف المعرفـه ماعـرف قـدري
يحَسْب إن من سافر على الباخـره سـواق= ويقدر يجيـب الـدُرْ مـن غبـة البحـري
وقلـت الغبـيّ اللـي بغيبوبتـه مـافـاق = تـدور الدوايـر واهبـل العقـل مايـدري
وأنا خابـرك ياحسيـن مايسبقـك سبّـاق= على المشترا الغالي وخلك علـى خبـري
وهذا كـلام الصـدق ماهـو ريـا ونفـاق= ولاهـو جسـر مبنـي لغايـه ولا كبـري
بيوتك سمان ومن وراهـا الحبـال وثـاق= وغيرك بعـد مايعـرف الشفـع والوتـري
بغيتـك تساعدنـي علـى مـر ماينـذاق =تحمّل مثل حملي وتصبر مثـل صَبْـري
لو إن السريقه تنمسك فـي يـد السـراق = ماكان الحصين أخْذ الفريسه من النمـري
ولَكِن بعض الناس تشفـق عليـه إشفـاق =ليا قام يِتْنافـض بريشـه كمـا القمـري
حليو اللسان ليـا لقيتـه وحَسْـن أخـلاق =وقلبه كما لو كان يغلـي علـى الجمـري
ولو يصبـح الأمـر ابْيـده قطّـع الارزاق = عسى الله لا يجعل في يده دبرتي وأمـري
ومن عقب هذا الوضع جاء وضع ما ينطاق = زرعها التطـوّر فالبلـد وانتجـت بـدري
تحكّم بنا العامـل وعـذرب بنـا الحـلاق = وعيّد بنا الهندي وضحّـى بنـا المصـري
وقامت تناهشنا الضـواري مـن المعـلاق = وحنا علـى البيلـوت والراتـب الشهـري
ترا السائق الجندي موظّف معـه سـواق =وخدامـةٍ فالبيـت تجهـر كمـا البـدري
يـوزّع عليهـم راتـبـه والله الــرزاق= وكيف السلف والدين مـن ذمّتـه يبـري
سقا الله زمانٍ قـد لحقنـا عليـه إلحـاق = ولا هـو مبيّـن صغـر سنّـي ولا كبـري
لحقنا شقاً واجـد وجانـا تعـب وأرهـاق= وكان الرجل منّـا سـوات القلـم مبـري
نجوب الديار ونخرج الماء مـن الأعمـاق= وناخذ مراجلنـا مـن اليسـر والعسـري
واشوف الهموم اليوم يخفق بهـا الخفـاق = فقدنا الدواء والداء بـدا بالجسـد يسـري
يقولون خلّ الخلـق فـي دبـرة الخـلاق = وأنا اقول عن بعـض المواقيـف وش عـذري؟