السعير والشدادي

[فايز الشدادي]

السعير=
يافايز بعد ماغبت نبغااك في محراف=وقاف المعاني قوووم والحس مشاهيبه
ولا قلت انا مطلق ولا قلت انا صياف=ولكن ضلع المعرفه يحتمي ذيبه
فايز الشدادي=
انا لاحضرت وجيتك يطول الميقاف=تبى تلحس المشهاب حتى تهذريبه
انا خابرك منته بمطلق ولانواف=ولكن كل اللي تغني نغنيبه
السعير=
يقولون دار الترك حلووو بها الأشراف=وابا امر محرابك بسرعه واصليبه
يابيض الصعو لو يذكرونك ولا تنشاااف=ابا اعطيك علم وتاالي الليل تسريبه
فايز الشدادي=
ترى من سمع ماهو كما من بعينه شاف=سجود السعير ما اكثره في محاريبه
ترى ادوختنا بالهرج يامحمد الصحاف=كلامه كثير وحزة الفعل ياطيبه
السعير=
اثر فايز البارح سعى عندها واطااف=وهي طيبه توفي لفايز مطاليبه
نبا نرفع الموضوع عن حذفة الحذاف=خلاص انتهينا كل شارب طلع شيبه
فايز الشدادي=
تراك انته اطيب مايجي من طرفك خلاف=ولا داخلك من يمنا الشك والريبه
تجينا بربع ومره تجيب معك انصاف=ولا ادري بعدها ويش تبغى تجيني به
السعير=
ياكثر المواشي والبلا صااار فالأعلاف=وراع المواشي قام ينفض لنا جيبه
يافايز لقيت الددسن اللي صدمها الهاف=على درب حرب وتاالي الدرب لعتيبه
فايز الشدادي=
على كثر ماتاكل من العشب ليه ضعاف=الا ليت عد البدو تصفي مشاريبه
عساها تنكس من على عالي المشراف=ومن جرف في دحديرة الجرف وشعيبه

السعير=
بعضها تجيك ديون والا تجيك اسلاف=ولا فيه طير ويحتمنه مخاليبه
انا كل ما شفت الدداسن مع الأكتااف=ذكرت ان غسان اعدمنه لغابيبه
فايز الشدادي=
كسورالجما والفك لو جالها الاسعاف=يركب بعضها والبعض صعب تركيبه
احد لابس جبه واحد لابس شفاف=ومن جاء بدون ثياب انا ويش اسوي به