زبن القاضي وعبدالله الحليفي

[عبدالله الحليفي]

هذه محاوره جرت بيني وبين الشاعر/زبن القاضي بقسم ميدان المحاوره



عبدالله الحليفي

يازبن حديت سيفك وضيقـة الدويـش=والبلا من سلـةٍ قمـت ثـم سليتهـا
تحسب ان النصح ينفع لبو قلبٍ غشيش=مار ليتك يوم شديتهـا مـا ارخيتهـا

زبن القاضي

يالحليفي جعل راع الرديـه مايعيـش=السيـوف الهـا الاشكـال ماحديتهـا
كل راعي طيش خله على طيشه يطيش=الركايـب لجـل هالنـوع ماشديتهـا

عبدالله الحليفي

سوق صنعاء ماجمع غير تجار الدشيش=كل واحـد قـال انـا دوبنـي دشيتهـا
خابرٍ قطف الزهر غير عن حش الحشيش=وانت شخصـت المريضـه ولا داويتهـا

زبن القاضي

سوق صنعا عودو منه تجاره طشيش=سالفه يابو فهد كيتهـا مـن كيتهـا
المصايب كلها جات يم ابو عريـش=يكفـي ان العلـه الخافيـه سميتهـا

عبدالله الحليفي

الطيور اشكال لو كل طيرٍ وله ريش=فالك المنقود ياللـي لنـا لميتهـا
في مرابط خيلنا لا تضوون الكديش=انكر الأصوات نهقة كديش اوحيتها

زبن القاضي

الغلط يابـو فهـد مايـرده ماعليـش=مازهمت اهل الغلط وانـت ماناديتهـا
انت تفكيرك هذا يوم يوم الجيش جيش=الهزيلـه زلهـا يـوم انـا زليتـهـا

عبدالله الحليفي

بعد ما كب القصور وتلوى بالعريش=كنهم قش اصلبه فوق ظهر ونيتها
المفتح وش يسوي بعماش وعميش=ما نفع فيهم لو ان الجروح ادميتها