القاضي والحميد وللعب أبداع موعد

[حمد الدحابيب]

زبن القاضي
عوض ياعوض من حط له فالخشيم ازمام = عوض لو لقيته ياعوض وش تسويبه
ابنشدك وامشي معك واقدمك قدام = وابامشي معك في كل دربن تاتمشيبه

عوض القرني
أجنب عنه لو كان من خيرة أهل الشام = ولاهمني طيبه ولا وصلني عيبه
انا ما تقدم وانت قاضي تعد ايمام = ونص الحديث اظن شرواك يدريبه

زبن القاضي
انا مانشدتك ويش اصاله وويش اريام = اسولف مع الي خابر ٍ كل اساليبه
اناخابرك مشرف وباهديك طقم اقلام = وتكتبه الطاروق ولا تماريبه

عوض القرني
وأنا مابعد فسرت يالقاضي الأحلام = بغني معك في كل طرقٍ تغنيبه
انا عدتي عندي عط اخوك والاعمام = وتشكر على طيبك ويشكر على طيبه

زبن القاضي
توكل على الله ياكريمن لفيت اكرام = ابصرف ذهب وانت الذهب منك محريبه
ترى الارض لوهي تنصدع تبلع الاهرام = وتصير المصيبه كارثه واكبر امصيبه

عوض القرني
توكل على الله هات يالشاعر المقدام = مدام الذهب عندك على ويش تبطيبه
ترا القسم الاكبر جاك ياموزع الاقسام = ليا اصبحت تصبحبه ليا امسيت تمسيبه

زبن القاضي
اباعطيك واحد رقم من خيرة الارقام = وانصبك وانته منصب العز ضاريبه
مدامن قسمك ياعوض عنده استفهام = ليا اقبلت تقبلبه ليا اقفيت تقفيبه

عوض القرني
انا اقول قاضينا تحول عن الاسلام = حرامي مدرب صح والداب في جيبه
مدام ان حيلك بعد والجسم فيه عضام = فلا لك سوى منصبك وانت امتهنيبه