عبدالأله(الوعد) وحمد الدحابيب

[حمد الدحابيب]

الوعد
سلام ردة ولي شرهه ولي حق ومعازيب = ماجيت منكور ياهل الشات جايتني عزيمه
الطيب يبغى رجال يقابلون الطيب بالطيب = ما ينجحد مثل نور سهيل والدنيا مقيمه

حمد الدحابيب
يامرحبا في حلالٍ جهدها للهل المواجيب = شرواك له حق وأصحابه ماترضى له هضيمه
قد قالوا الأولين أن الكريم أمعان يا ذيب = ياللي على المرقب العالي عواك أصبح ظليمه

الوعد
ماهي غريبة ترحبي وتفرح يا الدحابيب = دام البقا والسواير عرف والنيه سليمه
الصقر يشهر جناحه وأنت ياراع التراحيب = حرام تترك شداد الطيب وتسوق البهيمه

حمد الدحابيب
يوم أنك داري وراك أبطيت يا عطب المضاريب = والناس لناس وقلوب البشر مسرح جريمه
الصقر عانق صقورٍ له عشاها بالمخاليب = والطيب مبلغ وكلٍ يجتهد والله عليمه

الوعد
عندي دواء للقلوب اللي بها شك وعذاريب = ماجيتكم غير جايك بالعلاج وبالغنيمه
أقول مخطي وطيرك ما رقى يوم الشلاهيب = تشوي طيور البحر يوم الطيور بدون قيمه

حمد الدحابيب
ما جا من أهل الوفا مقبول لا ريبٍ ولا عيب = ودواك نرفعه للقاضي ويكتب لك قسيمه
غيبك وقتك وجيت وجا الحيا مع شمخ النيب = رحمه لها وأنت لك وجهة نظر لو هي غشيمه

الوعد
مافيه عذروب فالقاضي ولا عذربه الشيب = العيب فالحاشيه والساس في جدره خريمه
أنا ليا قلت لي وجهة نظر أتصيب وتصيب = شاعر وراعي شداد وحكمتي ماهي سقيمه

حمد الدحابيب
هذي محاباه منك له ليا جنبت تجنيب = خايف يكلبشك وأنت أزريت في علم الوسيمه
الله يخليك خل المدح من غيرك بتهذيب = وما كل من حصل أله شداد قال الشداد ريمه

الوعد
الوسم فالحاشيه موجود من فوق العراقيب=والوسم واضح وبيان فوق عرقوب العقيمه