مصيبه كان ثوب العيد في شهرين والله باد

[حســين الحارثي]

هذه المحاوره جرت في صوتية شعراء الميدان
بتاريخ 24/1/1428هـــ


[المحيريق]
سلام الله سلام مثل نور الصبح يوم انقاد = ارددها على وضحى النقا بو جود صدقاني

زمان الحب والرومانسية يالحسيكي عاد = توارى وقتنا الماضي وجانا وقتنا الثاني

[حسين الحارثي]
هلا يامرحبا يارايد مخاوي مع الروااد=تراحيبٍ من الاعماق ترجمها لك الساني

انا مالي بعير بدربهم واشري معاه اشداد=لكن قيل الحليفي من دروب الحب مرضاني

[المحيريق]
اقول ابك البقا مليون مرة والخبر ينعاد = مع شرواك الاقي رغبتي واودّع اشجاني

حذفت السالفة يم اتربه وانا اتجاهي غاد = ولكني باسدد ثم اقارب ياكحيلاني

[حسين الحارثي]
ليازاد الوفا من صوبكم من صوبنا لك زاد=وهذي عادة اهل الطيب من ماضية الازماني

انا ماني برب الخلق وادري وش ورا الاجواد=لكن سدد وقارب واحضر لحجتك برهاني

[المحيريق]
ترى الطيب يجاهد في حياته والحياة جهاد = بحول الرب سبحانه براس الريع تلقاني

رجعنا للتراث وقصته وغليس مع رداد = بعد كنا مع نادين هاني وضعنا هاني

[حسين الحارثي]
لياجاهدت غيرك جاهد وفاد المراجل فاد=وانا لاشفتك بريع المعرفه قلت ذيباني

مصيبه كان ثوب العيد في شهرين والله باد=انا اشهد مافرح به لابسه مع قاصي ودااني

[المحيريق]
عرايضنا القديمة كلها صارت بدون مداد = وردتنا المسافة والمطايا حيلها واني


[المحيريق] مابين القرش والدلفين والهامور والحساد = غدينا كلنا هيهات ياسلمى الخريساني

[حسين الحارثي]
ترا اللي مايشاور راحه روحه مالها معوااد=ومن شاور هل الخبرات واهل الشان كسبااني

علامك يوم تنحرها وهي في دبرها المعتاااد=الا يالله دخيلك من وساوس كل شيطاني

[المحيريق]
على قول المثل لابد صيادالرجال يصاد = لكن المشكلة لاصرت طول الحل خسراني

انا من عادتي ماقدم الدلة بدون قناد = كما ان درب اللهابة يختلف عن درب عماني

[حسين الحارثي]
ترا الطماع والمنهوم ماعمره بوقته سااد=يعيش العمر فقراني ويدفن رجل فقراني

علامك يوم جبت النا القدوع امحاذي البراد=وانا قالولي ان البيت فيه ادلال رسلااني

[المحيريق]
علوم ضيعت هقوات اهل الأريا والاستعداد = صحيح الموت واحد والمنايا اشكال والواني

انا مابغى الألوف او لا الميات والأ اقبل الاحاد = انا لي رقم لاهو بابجدي ولا بريحاني

[حسين الحارثي]
انا اشوف ان ضباط الكتايب اكلو الافراااد=وانا لومي على الافراد تدحم قاده اركااني

ختام القول يا كثر الضحايا مالهم عداد = وصح الله السانك ياطويل العمر والساني