الدحابيب والشدادي

[فايز الشدادي]

حمد الدحابيب=
السلام أبداه يافايز الشدادي = من هجوس المري اللي يقص الجره
شفت لك مالا أنتبه له زعيم النادي = غير ما تمشي على واحد من ال مره
فايز الشدادي=
ياهلا يامرحبا يوم علمك قادي=من هجوس اللي ليا غاص جاب الدره
شف بعينك وان سمعت استمع فالرادي=كل علم هات خيره وجنب شره
حمد الدحابيب=
والبقا والعلم بين العرب متحادي = واحدٍ يقبل وحد لعن ابو ذا الفره
خيلت من كل مزنه وسال الوادي = وأثر في كبد المسمى علينا حره
فايز الشدادي=
من نقص ينقص ومن زاد قلنا زادي=ومن تردى مالحقنا رداه وضره
للقلوب امراض والشر فالاكبادي=والله اللي يعلم الغيب عنده سره
حمد الدحابيب=
في يدين المعتدي محبره وسنادي = علم العذرا تمش الكحل وتذره
والله أن اهل الوفا غايتي ومرادي = البلا في اللي تخم الحكي وتصره
فايز الشدادي=
انت شايل سيفك وغازي بغدادي=والبلد جوه يابوزيد يحمي بره
الوفا يجزا بمثله ووين البادي=كل من يمشي طريق ترى ماغره
حمد الدحابيب=
لا تقول الا عسى الجم يا ورادي = يروي الضامي وبوخبز جمري كره
أنت طيب والله أنه يرد الغادي = والعيون السود تنقد على المحمره
فايز الشدادي=
لاحصل دله ترى ماتبي برادي=ومن تحصل حاجتك في محله مره
انته اطيب مار من صبح وانت تنادي=واعد الشعار في حفلة المغتره