حمد الدحابيب وفايز الشدادي

[فايز الشدادي]

حمد الدحابيب=
أباخذ مع الشعار وقفه ومحراف = وأبومابغى يلعب على كيف كيفه
مكان الشعر قدره مطلق وصياف = عسى الله يرحم كل نفسٍ عفيفه
فايز الشدادي=
ورى ماتسلم واكثر الناس عراف=تحيه وهي سنه ولاهي كليفه
ومحرم سعى بين الصفا قبل ماطاف=ترى عمرته تنقص ومكه شريفه
حمد الدحابيب=
سرا الليل والتسليم ياخوك قد طاف = ولا فيه داعي للحروف السخيفه
تحسب البلد مافيه خبته ومشراف = عليك الله أكبر وأنت راع الوظيفه
فايز الشدادي=
قلوب عمرها الشر وقلوب نظاف=عسى غيرنا يفدى القلوب النظيفه
اشوف البلد مافيه للنقد صراف=وكل يحدد سعر من كيف كيفه
حمد الدحابيب=
ما يلحق مدا اللي يحتمى كل ميقاف = مشاعرك لا تتلف تراها رهيفه
يتلك هواء الغربي مع كل مهياف = كما أن الرديف اللي يتله رديفه
فايز الشدادي=
لياصار امام وراتبه عند الاوقاف=محد يشتكي لو جت صلاته خفيفه
ترى من سمع ماهوكما واحد شاف=ولاقادت المبصر عيون كفيفه
حمد الدحابيب=
على كل حال المسرف أسرافه أسراف = وأنا شفت حالات الأوادم كسيفه
معك علم غير الوقت مجرم ونكاف = ماباقي سوا التسليم قبل النكيفه
فايز الشدادي=
انا خابر ان الوقت به ربع وانصاف=وبه عالم تغش لو هي لطيفه