عيد بن شريم العتيبي
06 - 02 - 2007, 00:04
بسم الله الرحمن الرحيم
هذه قصيده مهداه إلى صاحب السمو الملكي الأمير / سلطان بن عبدالعزيز آل سعود
ولي العهد نائب رئيس مجلس الوزراء ووزير الدفاع والطيران والمفتش العام
حفظه الله ورعاه.ارجو ان تحوز على رضاكم
الله من طيرٍ وهف للمطاليع = ينوض للهده واجود سبوقه
نوضة كسيرٍ يستغيث بفوازيع = نقوة شغاميمٍ تبى فك عوقه
داجو وراجو ثم تناجو هراويع = كن الحساس من الحلوق مخنوقه
لا رس لا حسٍ يخج الأساميع = ولا حالفه حظٍ يتمم لحوقه
ياكود ربه عانزٍ له بتشفيع = ثم صدّفه قرمٍ أصيله عموقه
يعود سلمٍ عودة حميد لمنيع = عقب البطاء ترجيه نفسٍ شفوقه
يا الله ياجامع شتات النواجيع = يا معاود لقيعي حلاله ونوقه
تيقن على مجزل بالأوفاق ويريع = أنحاه ما أرغب كل طلعٍ يتوقه
طيري عزوفٍ ما أقنعوه البراقيع = ولا صاح صقار المقاضيب فوقه
قافٍ صخرته حدر عوج الأضاليع = تصخير مصعارٍ سديسٍ حموقه
هذبت مجْزَل محكم المتن ومطيع = ومجودٍ عجزه بقوة طروقه
طلعي بعيدٍ للحيود الموانيع = ذروة شماريخٍ ذراها يشوقه
آل السعود مطوعين المتاويع = عوق العديم اليا بدر منه بوقه
وملاذ مظهودٍ شكا الضيم ومليع = وعزٍ لمكروبٍ همومه تحوقه
حوق السرايا للنياق المراتيع = تسعين عفراً بالمساهج طهوقه
سهجت رجلي والبرايا هواجيع = مسهاج شيبٍ يابساتٍ شدوقه
مبطيٍٍ كسير الساق دركان وجزْيع = ما عاد له في مطرد الصيد طوقه
وانا دريكٍ ما ارتوى بالقراطيع = ما بل ريقه مي رسٍ محوقه
يشدي لطراد السراب اللواميع = يموت هلكٍ طارده مايذوقه
شفي نواضيح العيون الفوانيع = هداج تيماء بيناتٍ فروقه
وفروق ابو خالد فروقٍ شواسيع = بالجود والنوماس ما حدٍ يفوقه
كريم سبلآً بالدهور الشوانيع = يمناه بجزال العطايا غدوقه
سلطان ريفٍ للكبود الملاويع = مغنى الفقارا باليمين الصدوقه
دار السنا عقبه تعود مرابيع = يشدي لنوٍ ملعجاتٍ بروقه
غيثٍ به الرعاد تقل الصواقيع = بأجنة خيالٍ غياثٍ دفوقه
دفاق شهلولٍ شهل بالمرافيع = مشهلٍ مترهلٍ في دنوقه
نجمه تعلى عن نجوم سواطيع = نفسه على المحتاج شنحاً رفوقه
أرفق على المضنوك من ريفة فديع = في شايبٍ له قرح السهد موقه
واسطى من الفاروق والزير ترويع = يروع ندٍ جوح الزوم توقه
وبالحلم والحكمه وذرب الأسانيع = أنا اشهد أنه وافياتٍ حقوقه
معتق رقابٍ بالمقاضا مهانيع = من حدر سيف الشرع لا اشتد طوقه
ساعٍ بجاهٍ يصلح الشأن ويذيع = مرخص غوال المال شهمٍ يسوقه
نسل الإمام مجدع الروس تجديع = بعضبٍ هذيمٍ ما ترفا فتوقه
عبدالعزيز اليا اعتز يشْبع الجيع = الذيب يلقى بالجنايز ريوقه
يملخ ويقنب للسحام السلافيع = بيومٍ عبوسٍ والمنايا زروقه
حزة تكع الخيل عن مضنك الريع = مما تشوف من الدها والشقوقه
جدع السبايا والنظا والهماليع = مجداع سمرٍ عارياتٍ عروقه
كره بكور السيل كر القواضيع = في مكربٍ للعمر يشتان سوقه
سوقٍ يجوحه يظهر الصيت ويشيع = والمجد باقيٍٍ والليالي دروقه
مجد الإمام مشرع الحق تشريع = تشريع عدلٍ يانعاتٍ عذوقه
عقب جحاجيح الملوك البواتيع = أخوان نوره فارجين الضيوفه
واختامها طيري جزيل المطاليع = في مدح أبو خالد ابا أطلق سبوقه
اخوكم / عيد بن شريم بن صقر الروقي العتيبي
دولــــة الكـــــويت
هذه قصيده مهداه إلى صاحب السمو الملكي الأمير / سلطان بن عبدالعزيز آل سعود
ولي العهد نائب رئيس مجلس الوزراء ووزير الدفاع والطيران والمفتش العام
حفظه الله ورعاه.ارجو ان تحوز على رضاكم
الله من طيرٍ وهف للمطاليع = ينوض للهده واجود سبوقه
نوضة كسيرٍ يستغيث بفوازيع = نقوة شغاميمٍ تبى فك عوقه
داجو وراجو ثم تناجو هراويع = كن الحساس من الحلوق مخنوقه
لا رس لا حسٍ يخج الأساميع = ولا حالفه حظٍ يتمم لحوقه
ياكود ربه عانزٍ له بتشفيع = ثم صدّفه قرمٍ أصيله عموقه
يعود سلمٍ عودة حميد لمنيع = عقب البطاء ترجيه نفسٍ شفوقه
يا الله ياجامع شتات النواجيع = يا معاود لقيعي حلاله ونوقه
تيقن على مجزل بالأوفاق ويريع = أنحاه ما أرغب كل طلعٍ يتوقه
طيري عزوفٍ ما أقنعوه البراقيع = ولا صاح صقار المقاضيب فوقه
قافٍ صخرته حدر عوج الأضاليع = تصخير مصعارٍ سديسٍ حموقه
هذبت مجْزَل محكم المتن ومطيع = ومجودٍ عجزه بقوة طروقه
طلعي بعيدٍ للحيود الموانيع = ذروة شماريخٍ ذراها يشوقه
آل السعود مطوعين المتاويع = عوق العديم اليا بدر منه بوقه
وملاذ مظهودٍ شكا الضيم ومليع = وعزٍ لمكروبٍ همومه تحوقه
حوق السرايا للنياق المراتيع = تسعين عفراً بالمساهج طهوقه
سهجت رجلي والبرايا هواجيع = مسهاج شيبٍ يابساتٍ شدوقه
مبطيٍٍ كسير الساق دركان وجزْيع = ما عاد له في مطرد الصيد طوقه
وانا دريكٍ ما ارتوى بالقراطيع = ما بل ريقه مي رسٍ محوقه
يشدي لطراد السراب اللواميع = يموت هلكٍ طارده مايذوقه
شفي نواضيح العيون الفوانيع = هداج تيماء بيناتٍ فروقه
وفروق ابو خالد فروقٍ شواسيع = بالجود والنوماس ما حدٍ يفوقه
كريم سبلآً بالدهور الشوانيع = يمناه بجزال العطايا غدوقه
سلطان ريفٍ للكبود الملاويع = مغنى الفقارا باليمين الصدوقه
دار السنا عقبه تعود مرابيع = يشدي لنوٍ ملعجاتٍ بروقه
غيثٍ به الرعاد تقل الصواقيع = بأجنة خيالٍ غياثٍ دفوقه
دفاق شهلولٍ شهل بالمرافيع = مشهلٍ مترهلٍ في دنوقه
نجمه تعلى عن نجوم سواطيع = نفسه على المحتاج شنحاً رفوقه
أرفق على المضنوك من ريفة فديع = في شايبٍ له قرح السهد موقه
واسطى من الفاروق والزير ترويع = يروع ندٍ جوح الزوم توقه
وبالحلم والحكمه وذرب الأسانيع = أنا اشهد أنه وافياتٍ حقوقه
معتق رقابٍ بالمقاضا مهانيع = من حدر سيف الشرع لا اشتد طوقه
ساعٍ بجاهٍ يصلح الشأن ويذيع = مرخص غوال المال شهمٍ يسوقه
نسل الإمام مجدع الروس تجديع = بعضبٍ هذيمٍ ما ترفا فتوقه
عبدالعزيز اليا اعتز يشْبع الجيع = الذيب يلقى بالجنايز ريوقه
يملخ ويقنب للسحام السلافيع = بيومٍ عبوسٍ والمنايا زروقه
حزة تكع الخيل عن مضنك الريع = مما تشوف من الدها والشقوقه
جدع السبايا والنظا والهماليع = مجداع سمرٍ عارياتٍ عروقه
كره بكور السيل كر القواضيع = في مكربٍ للعمر يشتان سوقه
سوقٍ يجوحه يظهر الصيت ويشيع = والمجد باقيٍٍ والليالي دروقه
مجد الإمام مشرع الحق تشريع = تشريع عدلٍ يانعاتٍ عذوقه
عقب جحاجيح الملوك البواتيع = أخوان نوره فارجين الضيوفه
واختامها طيري جزيل المطاليع = في مدح أبو خالد ابا أطلق سبوقه
اخوكم / عيد بن شريم بن صقر الروقي العتيبي
دولــــة الكـــــويت