كم راح من عمري وأنآ ودي أتوب ~ [ زياد بن حجاب ~

[عمر بن سفر بن دويّس]

آلسسلآم عليكم ورحمه آلله وبركآته ..
.
.

إليكم رآئعـه من روآئع آلشآعر زيآد بن حجآب .. http://www.tfasel.com/vb/images/smilies/throb.gif
بإنشآد : فهد مطر .. http://www.tfasel.com/vb/images/smilies/throb.gif


http://www.youtube.com/watch?v=9zgWRJMaIJY




كم راح من عمري وانا ودي اتـوب
ولولا الهوى والنفس كان امس تايب

عشرين عام امني النفس يا ايـوب
لين اكتشفت اني مع الوقت شايـب

راحت حياتي بين طالـب ومطلـوب
ولي خاطر(ن) لو طبت ماهوب طايب

واخاف من يوم به الموت مكتـوب
لا حولوا بي بين عـوج النصايـب

في منزل مظلم عن الناس محجـوب
محجوب حتى عن نسيـم الهبايـب

وصار الكفن يايوب يغني عن الثوب
وفارقت ربعـي والاهـل والقرايـب

ما عاد فيها جاه وأمـوال وسلـوب
ولا عاد فيها حب خشـم وطلايـب

ولا عاد حولي شمر ولا به حرووب
انا وملائكـة الرضـاء والعقايـب

خدعني التسويـف وأغرتنـي دروب
من يامن الدنيـا وغـدر النوايـب

يالله يا فارج علـى كـل مكـروب
يا واحدٍ بامـرك تهـون المصايـب

يا من تقلب بين اصابيعـك قلـوب
خلقتها مـن بيـن صلـب وترايـب

يا غافر لمن جالـك وكلـه ذنـوب
عبدٍ ضعيف وجـاك تايـب ونايـب

يا رب لو قلبي صخر عندك يـذوب
يامن لهيبتـك الجبـل خـر ذايـب

اتوب ثـم اعـود واعـود واتـوب
ماهي عجيبه وانـت رب العجايـب

من المهد لين اللحد وقت محسـوب
ما ضاع شي وما بقى شي غايـب

يارب مالي غير رحمتـك مطلـوب
من لي سواك ان جيت يارب تايـب

كم راح من عمري وانا ودي اتـوب
ولولا الهواء والنفس كان امس تايب





أتمنى تعجبكم ..

: UMAR

[حســين الحارثي]

عمر بن دويس

هلا وغلا

اسعدتني بهذا الرائعه لشاعر المليون الشاعر / زياد بن حجاب.

صح لسانه واله يتوب علينا ولاهنت على النقل.

[عبدالرحمن الحارثي]

اخوي عمر بن دويس
اسعد الله وقتك بكل خير تشكر على هذا النقل
المميز لشاعر وابن شاعر مميز ومعروف
ابيات كانت رائعة في هدفها وبنائها , الشطر
الأول من البيت الخامس عشر يبدولي ان الياء
في كلمة وقتي اضيفت لانها كسرت البيت قليلا
وقد يكون مطبعياً هذا من وجهة نظري المتواضعة
سلمت اناملك اخوي عمر

[**المتميزه**]

شاعرنا / عمر الحارثي
يسلمووووووووووو على النقل الرائع صوتاً وكتابتاً.
وصح لسان الشاعر الجماهيري / زياد

[عمر بن سفر بن دويّس]

ألف شكر لكم على الطله المميزهـ والراقية


أخوي عبدالرحمن / كلامك صحيح تم التعديل

[م-فيصل الحارثي]

الاخ عمر بن سفر

يعطيك ربي العافية على هذا النقل الجميل والمختار

وبيض الله وجهك

تقديري وودي

[عمر بن سفر بن دويّس]

مهندسنــآ فيصل /


ألف شكر لك على المرور الراقي

[أميرة الورد]

يسلمووو ع النقل الرائع اخوي