خلطة الكيك!!!!!

[عابد العتيبي]

ياللي جذبت القلب والـروح يمـك=وش حيلتك فيه وش حيلتي فيـك
بيني وبينك حـال خالـك وعمـك=وسدوا عليـه بابهـا والشبابيـك
كنت الحكي من فمي أعطيه فمـك=واليوم عوضة الحكي بالمساويـك
سميت حالي وأغرق الحال سمـك=وطويت حبي يالغضي في زواليـك
نبت الخزامى ذاب بانفاس شمـك=لخبتطني وخلطتني خلطـة الكيـك
لا يابعد من خلـف ابـوك وأمـك=ولا يابعد منهـو قريـبٍ يحاكيـك
لا يابعد منهـو يناديـك بأسمـك=ولا يابعد منهو على أسمك مسميك
قام القلم يارد على غـزر جمـك=وهوجاس فكري بالمشاعر يناديك
الطيف والحرمـان قامـت تلمـك=ولميتها مثـل الجواهـر بأياديـك
واوجد حالي وجد من شال همـك=كنه صويـبٍ صوبتـه البلاجيـك
الله يذم اللي يـا روحـي يذمـك=والله يكسر حظ من لامنـي فيـك
أحترت في زينك وفي خف دمـك=مزيونةٍ من شافها يمسـك بريـك

[عبدالله الحليفي]

ابو بدر

لله درك

وصح لسانك لين ترضى يامبدع

[علي آل حسن العلوي]

الله الله عليك .. يا عابد العتيبي

لله درررك يا شيخ ..

مصافحة مميزة جدا ً .. سرني قرائتها

صح الله السانك ولالالالاهنت

وفقك الله

أخوك علي ....@@

[زبن القاضي]

عابد العتيبي

صح السانك وبيض الله وجهك

شاعر جزل ولله درك

[مشبب الاكلبي]

قصيدة حلوه ولا تنمل في قرائتها لأنها

لها قابليه صح السانك والله يلحق كل غالي بغاليه وعشت ياعابد والله يلحقك مرادك
الله يذم اللي يـا روحـي يذمـك
والله يكسر حظ من لامنـي فيـك
أحترت في زينك وفي خف دمـك
مزيونةٍ من شافها يمسـك بريـك

[حســين الحارثي]

عابد العتيبي
صح لسانك وبيض الله وجهك

لا يابعد من خلـف ابـوك وأمـك
ولا يابعد منهو قريـبٍ يحاكيـك
لا يابعد منهـو يناديـك بأسمـك
ولا يابعد منهو على أسمك مسميك
قام القلم يارد على غـزر جمـك
وهوجاس فكري بالمشاعر يناديك
الطيف والحرمـان قامـت تلمـك
ولميتها مثل الجواهـر بأياديـك
واوجد حالي وجد من شال همـك
كنه صويـبٍ صوبتـه البلاجيـك
الله يذم اللي يـا روحـي يذمـك
والله يكسر حظ من لامنـي فيـك
أحترت في زينك وفي خف دمـك
مزيونةٍ من شافها يمسـك بريـك

قصيده روعه روعه روعه
اشهد بالله انها لامسة جروحي الدفينه منذ عصور قديمه
ولكن هنا شطر تغيرت قافيته مدري سهو منك او خطا مطبعي؟؟!!
((لا يابعد منهـو يناديـك بأسمـك))لان القافيه الاولى مشدده على أمّك وهذا الشطر تركته مهمل اي بدون تشديد.
على العموم القصيده جزله جزله وقوافيها جزله وعسره ومن اصعب القوافي .

اخوك

حسين

[مشعل الروقي]

صح لسانك ياعابد وبيض الله وجهك قصيده لامست الجرح اي والله

[عابد العتيبي]

عابد العتيبي
صح لسانك وبيض الله وجهك

لا يابعد من خلـف ابـوك وأمـك
ولا يابعد منهو قريـبٍ يحاكيـك
لا يابعد منهـو يناديـك بأسمـك
ولا يابعد منهو على أسمك مسميك
قام القلم يارد على غـزر جمـك
وهوجاس فكري بالمشاعر يناديك
الطيف والحرمـان قامـت تلمـك
ولميتها مثل الجواهـر بأياديـك
واوجد حالي وجد من شال همـك
كنه صويـبٍ صوبتـه البلاجيـك
الله يذم اللي يـا روحـي يذمـك
والله يكسر حظ من لامنـي فيـك
أحترت في زينك وفي خف دمـك
مزيونةٍ من شافها يمسـك بريـك

قصيده روعه روعه روعه
اشهد بالله انها لامسة جروحي الدفينه منذ عصور قديمه
ولكن هنا شطر تغيرت قافيته مدري سهو منك او خطا مطبعي؟؟!!
((لا يابعد منهـو يناديـك بأسمـك))لان القافيه الاولى مشدده على أمّك وهذا الشطر تركته مهمل اي بدون تشديد.
على العموم القصيده جزله جزله وقوافيها جزله وعسره ومن اصعب القوافي .

اخوك

حسين


اعتذر من الاخوان السابيق لاخوي حسين

للتوضيح ليس الا

يقال اذا اتضح كسر الوزن او اختلاف القافيه بالقصيده

اما ضعف بالشاعر او ضعف بالقارئ

والشعر الشعبي لا يحتمل ادوات اللغه العربيه الفصحى

يقراء باللهجه العاميه بدون تشديد او غيره

ملاحظتك صحيحه ولكن ليس من ناحية القافيه

قد يكون ثقل بالنطق ولكن ليس اختلاف القافيه او اختلال الوزن

مجرد راي لا يفسد للود قضيه

اطيب المنى