_-_&&)(غـيـمـة فـرح)(&&_-_

[ابراهيم المطيري]

بسم الله الرحمن الرحيم

السلام عليكم ورحمة الله وبركاته

لدي كامل القناعة بان النقد الهادف البناء

هو يرتقي بمستوى الذي ياخذه بعين الاعتبار

ومن لايتقبل النقد لن ولم وليس وجميع ادوات النفي يتطور من مستواه

عطوني نقدكم

فانا اتقبل النقد باشد لهجاته


اللي حصل ياصاحبي ماهو مديم=غيمة فرح لكن للاحزان ديمة
وش علتي تنشد وانا حالي هشيم=مدفون اوروحي بالحنايا مقيمة
مالي جدا كود الغنا والتقاسيم =اذنّ بوحي يعطي الحزن قيمة
عزي لحالي ياصحيبي من الضيم =العزم طايح رغم قوّ العزيمة
الحزن في قلبي هنا دايم يقيم=وخلا العلاقة معي جدا حميمة
كنه يواسيني وانا كني ايتيم=كنه من اصحاب القلوب الرحيمة
للحزن في حرفي اغان وترانيم=مثل البرد مع السحاب ورزيمه
وان صرت مرة ناسي الحزن وآهيم=جدّدت حزني بالجروح القديمة

تقبلوا تحياتي

ابراهيم الميموني << انسان لايهدف الى شهرة

[م-فيصل الحارثي]

بيض الله وجهك على هذه القصيدة

وانت انسان ذوقك عالي ورفيع

ولافيك حيلة

تقديري لك

[خلف نايف العتيبي]

صح لسانك وعتلا شانك== يا براهيم المطيري
وبيض الله وجهك على هذه القصيدة
انت انسان ذوقك عالي

[حســين الحارثي]

ابراهيم المطيري

حياك الله وبياك يالغالي

قصيده جميله وانت شاعر تطمح الا الاجمل .

لكن ارى ان بعض الابيات ينقصها وزن!؟

اتمنى منك متابعة كبار الشعراء وقراءة بحور الشعر جيداً.

واذا ودك اوضح الابيات التي بها خلل انا مستعد وحاضر.

يفضل نقل القصيده الى ميدان المواهب والمحاولات الشعريه.

[عمر بن سفر بن دويّس]

أخوي ابراهيم / صح لســـآنك ملايين ..



في البدايه أحييك على تقبلك للنقد وأنا في صف أخوي أبو بندر

أعجبتني بعض الأبيات كمعنى ولكنها افتقدت للوزن



تقبل خالص الود

[ابراهيم المطيري]

اختلاف اللهجات ياخوان له دور

القصيدة مافيها خلل لاكن يجوز من اللهجة بعض الحروف عندنا ياهل نجد نسكنها واهل الجنوب يحركونها

هذا هو بالتمام


تحيتي لكم

[حســين الحارثي]

ابراهيم المطيري

هلا وغلا وكل عام وانت بخير

انا معك اختلاف اللهجات لاتعيب الشعر بل القصيده تقراء بلهجة شاعرها.
ولكن هنا ليس اختلاف في اللهجات بل ثقل في بعض الابيات والبعض كسر ورايح اوضح لك الابيات التي ينقصها الوزن كلياً وجزئياً.

غيمة فرح لكن للاحزان ديمة
هنا كلمة لكن تدغم وتسرّع في النطق حتى يستقيم الوزن.
كنت اتمنى لو قلت (غيمة فرح صارت للاحزان ديمه)لكن افضل واجزل

وش علتي تنشد وانا حالي هشيم/هنا كلمه معسوفه ولاتنطق صحيحه بل بزيادة الف في البدايه وتبيّن اختلاف النطق فيها.
مدفون اوروحي بالحنايا مقيمة
او روحي هذي تنطق مسرعه وهي معسوفه جدا ولايتريح القارء في قراءتها ويحس بثقل او كسر.

من وين ماروح حزني معيه امقيم
هذا الشطر فيه خلخله وكنت اتمنى لو قلت /من وين ممشي حزني بقلبي مقيم حتى يستقيم الوزن والمعنى معاً.


هذه بعض الملاحظات البسيطه اردت ان اوضحها على عجاله من امري والله الموفق.

[ابراهيم المطيري]

جزااك الله خير


انا معك بان بعض الابيات انجبرت بكلمات معسوفة

غيمة فرح لكن للاحزان ديمة
هنا كلمة لكن تدغم وتسرّع في النطق حتى يستقيم الوزن.
كنت اتمنى لو قلت (غيمة فرح صارت للاحزان ديمه)لكن افضل واجزل
<<< راح اعلق على هذه النقطة

في اللغة نحن نطتب (لكن )
وننطقها لاكـن

مافيه فرق بين لاكن وصارت من ناحية الوزن

جزاااك الله خير

تقديري واحترامي لتفاعلك

اما البقية البيت اللي يقول من يون ماروح حزني معية امقيم <<< فانا بدلته وحاولت تعديله لاكن لم استطيع لان المنتدى لايسمح بالتعديل

بعد كذا رد

ولاكن هي

الحزن في قلبي هنا دايم يقيم


مشكووور ويعطيك العافية

[**المتميزه**]

ابراهيم المطيري

صح لسانك

وكل عام وانت بخير

وابشر رايح اضيف البيت الذي ذكرت!

[د0 سيف الروقي]

ابراهيم

صح لسااانك

[أميرة الورد]

ابراهيم المطيري

صح لسانك

وكل عام وانت بخير

[مشعل السالم]

--------------------------------------------------------------------------------
أخوي ابراهيم / صح لســـآنك ملايين ..



في البدايه أحييك على تقبلك للنقد وأنا في صف أخوي أبو بندر

أعجبتني بعض الأبيات كمعنى ولكنها افتقدت للوزن



تقبل خالص الود