قاضي الميدان له قران لكن ما قرابه (القاضي+الحمي)

[حســين الحارثي]

هذه المحاوره جرت يوم السبت ليلة الاحد الموافق15/1/1428هــ بصوتية منتديات شعراء الميدان بين كلاً من الشاعر / زبن القاضي (القاضي) والشاعر / عوض القرني(الحميد)



القاضي
اسمحولي نص ساعه بالحميد اخذ جوابه = مرشد الطلاب والعرضه ومعها شي ثاني
كنت افكرفيه مادري ويشهي سبت غيابه= وان بغيته مالقيته ون بغاني مالقاني

الحميد
مرشدن لهل العلوم الطيبه مابه غرابه = والعرب ما فيهم اللي يجهل سهيل اليماني

فيه حاجاتن تشابه زين واشيا ما تشابه =حكمة من قلبي الصادق وخذها من لساني

القاضي
سامعلي عنك علم وجابتن في سد جابه = قالو انك تفهم التفسير والسبع المثاني

من يزور ابو سعد في ديرته يشكرجنابه = والعلوم يقولها عنهم فلان ابن الفلاني

الحميد
قاضين عنده علوم وقاضين خذها نهابه = مره ادرس حديث ومره ادرس معاني

ما نسينا اصحابنا كنا نرحب بالنيابه =يوم بعض اصحابنا عشره تعود للثماني

القاضي
المطوع لو تشوفونه يقصر في ثيابه = فاخر الايام ابو لحيه يعود قلباني

ياعوض قال المثل من طالبه سقمه غدابه = وانت فاتح لك مضيف ومن مكان اليا مكاني

الحميد
المطوع ما طرح سيفه ولا خلا كتابه =ما يوفر كل علمن طيبن والعمر فاني

ما نشينا طال عمرك في محلات الخرابه = نكرم الضيف العزيز ونطعمه سمن وسماني

القاضي
لسحابه خيلت لاكن وش وقع السحابه = خيلت فوق الجبال وخيلت فوق الطماني

اكرم اكرم يالكريم السيف عزه من نصابه = كل ماسنعتلك طرقي تقول الضيف جاني

الحميد
صاحبي يدري بعلم وعلم والله ما درابه = دوروا ياحسين للقاضي فقيه وترجماني

وانت بكره ضيفنا والضيف ما ينثر زهابه = لو تجينا ما تروح الا محمل بالصواني

القاضي
كل من يلقى جبل في ساعة الضيق التوابه = ياعوض قلتلك جاك الداب قلت العقرباني
دام هاذا طبعكم من زراكم يحسب حسابه = ياخذ البندق وياخذ معه دستت جبخاني

الحميد
كل خبتن فيه داب ادوس بالرجلين دابه = يوم عانا غيرنا يازبن حنا ما نعاني

لا تخاف ولاتهون ولا تشكل لك عصابه = نكرمك ونحشمك وتروح في حفل وتهاني

القاضي
الجبل سمي جبل ماكل من هازه رقابه = لايغرك ياعوض مازان لك من هالزماني

كل شين فيه شبهه ماقربه وش ينبغابه = ياكبر غلطتك لو لحيتك لاروس الاذاني

الحميد
لاتصارع هوك هوقن طول يا وزن الذبابه = لو قعدت بعيد ماحدن قال قاضينا جباني

قاضي الميدان له قران لكن ما قرابه=واما انا والحمد لله الكريم اقرا قراني

القاضي
اندريه مع القزم لو يمسكه يقصف شبابه = بكس واحد مايعيده رحت فيها في ثواني

كل من جده معر ب نصرته لو اعتزابه = وانت تقرا فالكتب وتقول يالالا ياداني

الحميد
نا كنت اداعبك وش لون تزعل مالدعابه = قالوا اصحابك زمان انك مزوح ودوعباني
الطلابه مالها يابو نهار الا الطلابه = ماش عود ولا كمنج ولا طبول ولاكماني