ابو نهار تعال بارك لي على البشت

[عبدالله الحليفي]

تعال يالقاضي وبارك لي على البشت الجديد=بشت الأماره للأمير اللي يقضّي شانها
مال اللوازم غار رجالٍ معه مال ورصيد=يرخي لها خشم الريال ان كان قالوا عانها

[عبدالله غازي السعير]

الله يابو فهد الله اكبر عليك

لله درررررررررررررررررك

وبانتظار القااااضي

حرمسه

[عبدالله الحليفي]

ابو غازي

ارررررررررررررررحب

لكن خلك قريب بالونيت ان جاء فالعلوم علوم هجانا خخخخخخخخخخ

[زبن القاضي]

ارررررررررررررررررررررررررحب يابو فهد ارحب

[زبن القاضي]

يابو فهد بشت السعد مايلبسه غير السعيد = يستاهله راع العلوم الي على برهانها

صحيح ماقلته ماضدن للحديد الا الحديد= والغاليه ماكل سوامن يسوق اثمانها

[حســين الحارثي]

الله الله الحليفي والقاضي

يالله وانا عبدك وعلى عهد ووعدك ماحييت انك تجعل القاضي من يد نشيط في يد نشيط لين يتوب؟؟!!

متابع في صف ابو فهد ومتعصب وبقوه بعدجاااااااااااااااااااااااااااااك الموت يالقاضي امتب وصاتك ههههههههههه.

[حســين الحارثي]

فيه لعب والا ماغير هالابيات العقيمه؟؟

[عبدالله الحليفي]

والله يبارك فالعميل اللي يفيد اويستفيد=اللي ليا طب المعارك يحتمي ميدانها
أدور التمر الرطب لكن من دونه ربيد=راع البضاعه لو جلبها ماعرف دكانها

[عبدالله الحليفي]

اررررررررررررررررررررررررحب يابو بندر

اللعب فيه مار خلك قريب اما فراع ولا فزاع

هههههههههههههههه

[زبن القاضي]

ابو بندر

انت ماعندك نيه تكب الدعى

وراك تدعي على رفيقك اثرك مالك خوه

[زبن القاضي]

الله ايبارك فيك ولايام تمشي في مزيد = والخيل فالميدان ماتعصى على فرسانها

ماكثراتمور اهل الحساء مار الحساءمافيه فيد= وبعض البضايع لاتدينها ولاتدانها

[عبدالله الحليفي]

أيامنا في زود مار الخير ماشوفه يزيد=يامكثر العيدان مار المشكله دخانها
بالله قلي وش تسوي وأنت منصوب وعقيد=بعض الجنايز يازبن ماتنستر بأكفانها

[زبن القاضي]

مايبلش استاذ اللغه ياصاحبي غير البليد= والا المدارس يالحليفي فاتحه بيبانها

قصة زبيد يحاربون السيل يامخبل ازبيد = بعض المجنن لوتعلمهايزيد اجنانها

[حســين الحارثي]

الله الله عليكما يابو بشاير ويابوفهد
طاروق ناري ولايخلو من المعنى المبطن
متابع لكما وعن كثب وبصمت عجيب

اخوكما
حسين

[عبدالله غازي السعير]

ياسلام ياسلام

اجرام في الطواريق لله دركم يها لثنين

ابدااااااااااااااااااااااع وكل شي

[عبدالله الحليفي]

ابو نهار اسف على التأخير ولكن بسبب ضروف الإتصال


انته معك سيف القضاه اضرب براس ام العصيد=أم العصيده يازبن جابت لنا قدحانها
اليا هرجة الحق قالوا حاسدٍ ملعون سيد=وليا سكتنا كبرت الدينه على ديانها

[فايز الشدادي]

الله الله

ابوفهد وابونهار

ابك انا وينني عن هالمفارس عزالله ماجاك لنا مادح ههههههههه

ابك واصلوا لو انه بس بيت خلوني اشيله

طارووووووووق اكثر من رائع لله درررررركم

[زبن القاضي]

اسمع مثل يابو فهد عسفان من حوله اقديد = وقديد ديره بنيها يشبه بنا عسفانها

عبد الصمد لاتزعله يزعل معه عبد الحميد = انص البيوت الي مبانيها على سيسانها

[حســين الحارثي]

الحليفي
انته معك سيف القضاه اضرب براس ام العصيد
أم العصيـده يازبـن جابـت لنـا قدحانـهـا
اليا هرجة الحق قالـوا حاسـدٍ ملعـون سيـد
وليـا سكتنـا كبـرت الدينـه علـى ديانهـا


ياسلام عليك اشهد بالله انك شاعر علم

القاضي
اسمع مثل يابو فهد عسفان من حوله اقديد
وقديد ديره بنيها يشبـه بنـا عسفانهـا

عبد الصمد لاتزعله يزعل معه عبد الحميد
انص البيوت الي مبانيها على سيسانهـا


لافض فوك ايوالله رد وافي وشافي وعلى مافالخاطر يابو نهار

[زبن القاضي]

ابو بندر

الله لايحرمني منك

متابعتك هي الي تعطي الدافع المعنوى

وشهادك فحر

لك من اجل الاحترام والتقدير

[عبدالله الحليفي]

يازبن لو غنت لك الورقا على خضر الجريد=ماهي سواة الحر لو رفة لكم جنحانها
من شان خاطر عين نتركها عساها ماتعيد=مار اذكروني كان بقعا رززت كرعانها

[زبن القاضي]

لو غردة يابو فهد بعض الطيور النا تغدريد= مانستمع تغريدها ولانجي من شانها

ماهوب انا الي يجحد الاصحاب لاتطر الجحيد = ماينسي راع الوفاء والناس اعرف الوانها

[زبن القاضي]

ابو فهد صح السانك وبيض الله وجهك

اشهد انك شاعر جزل والعب معك ينومس

[عبدالله الحليفي]

ابو نهار

صح بدنك

وأشهد بالله انك أيضاً من الشعار اللي اللعب معهم دروس

بيض الله وجهك

[منصور العصيمي]

ياسلااااااااااام عليكم ياسلااااااام
بيض الله وجيهكم

[حســين الحارثي]

الشاعر / عبدالله الحليفي
والشاعر / زبن القاضي
شي جميل ان يناقش الشعر بعض المشاكل التي تحصل بين الفينةِ والاخرا
وهذا هو الشعرالحقيقي وهذه هي المحاوره التي سمعنا عنها وعرفناها منذ عشرات السنين
هي عباره عن حوار بين شخصين في موضوعاً ما يتناقشون فيه وكلاً يحاول ان يقنع الثاني بما لديه من حجج وبراهين دامغه وتكون باسلوب راقي ونظيف وبرموز واصطلاحات خاصه بعضها يبين المعنى وبعضها يبعده.
صح الله اللسنتكما وبيض الله وجيهكما محاوره رائعه وكانت على هدف مرسوم والعجيب لا الغريب انكما بطنتوه.

اخوكما

حسين الحارثي

[عبدالله الحليفي]

ابو بندر

لاهنت على المرور الكريم

وانت استاذنا لاعدمناك

وإشادتك بهذه المحاوره تعني لي الشي الكثير

وأيضاً زادها روعه انها مع بحر من بحور الشعر وهو ابو نهار

[زبن القاضي]

ابو بندر

الله لايحرمنا منك وشادتك بهذه المحاوره

فخر لها ومتابعتك فخر لنا

تقديري لك