مرزوق العطاوي وفايز الشدادي

[فايز الشدادي]

مرزوق العطاوي=
قلت ياحسين فايز وينهو قال فايز=يختبر والله اعلم ويش لون اختباره
في صفوف الكبار اللي يبون العنايز=والعرب قبلهم كلٍ قدح ضو ناره
فايز الشدادي=
اختبرنا وجينا وايه يابيه عايز=من علوم التراث ومن علوم الحضاره
ماعليك المهم انا نجيب الجوايز=كل نار كبيره مبتداها شراره
مرزوق العطاوي=
يالعللك بعد جهدك تحوش الغزايز=لين كلٍ يقول الحارثي بعتباره
للمهمات ياساس الوفا والركايز=ناس تصعد وناسٍ تنحدر بنحداره
فايز الشدادي=
للمراجل يابوخالد وللطيب حايز=من قديم العصور الطيب حنا شعاره
الجبل راسي ماهز حيده هزايز=للصقر فيه وكر وللثعالب مغاره
مرزوق العطاوي=
فيه خطن عدال وفيه خطٍ مشايز=والمشايز يشطب من سجل الوزاره
السلع بعضها في سوق الاحرار بايز=ماتربح ودايم مصدرٍ للخساره
فايز الشدادي=
فيه خط الشباب وفيه خط العجايز=وكل واحد على خطه ويمسك مساره
اشهد انك جنازه والجنايز جنايز= تعمر القاف لكنك تسبب دماره
مرزوق العطاوي=
العجايز لهن بليس دايم متايز=تحت اومر بليس العود تاره وتاره
وفيه ناسٍ تلزز علمها بالزايز=وكل عودٍ يلزز فيه تبدا الاشاره
فايز الشدادي=
احذر احذر تطيع ابليس ماهو بجايز=ماورى النار يارجال غير الحراره
للبنادم عقل لكن عنده غرايز=احد مركابه الصندوق واحد غماره
مرزوق العطاوي=
فالجبال الطويله ويش حكم الجزايز=مثلها ناس يابن الناس فيها قصاره
ياعزيز الجناب الله يعز العزايز=انت مانته مهندس بس سواق طاره
فايز الشدادي=
فالرقاب الطويله ويش حكم الحزايز=في نهار يجيب الطير من راس قاره