فايز الشدادي ومساعد المورقي

[فايز الشدادي]

فايز الشدادي=
هلا بالمورقي مرحبابه يوم شفناه=وهو شاعر علم والمعاني ماتطوفه
اخيل البارق اللي على العارض نثر ماه=بروقه في سما نجد وحجازه يشوفه
مساعد المورقي=
يدوم بك البقا وانت شاعر لاعدمناه= عسا يفداك منهو يفرك فى كفوفه
تخيل البارق الى سريع اليوم ممشاه = وبعض الناس يرجى ترا منه النكوفه
فايز الشدادي=
لفاكم ضيف والضيف بيت الشيخ ملفاه=وكل قال انا معزب وذكى خروفه
ترى هذي كبيره على اهل العرف والجاه=سلوم اهل الوفا يارياجيل معروفه
مساعد المورقي=
تعرف المورقى وتعرف وش مد يمناه =مداهيل الوفا بلوفا دوم محفوفه
الا ياليت تقصر على صاحبك عنواه=مساعد مزعلك ياولد ولا ضيوفه
فايز الشدادي=
ونعم وليت راع الوفا معناي معناه=لاجل مايختلف حرف قافي عن حروفه
لاتنسى وابن عمك ترى مرماك مرماه=وحفله ماقف لك وقوفك مع وقوفه
مساعد المورقي=
تقدم للمامه مطوع والله اسهاه = خطيب المسجد اليوم مدرى وش ضروفه
ذكرت الحر والحر اله مخلاب عشاه=كريم المد مايلتفت ناسن ضعوفه
فايز الشدادي=
خطيب المسجد افتى وجتك اليوم فتواه=وفتوى الشيخ سهله ولا فيها كلوفه
تقاضبتوا على الناقه اول مدري الشاه=وكل قام يشهر على الثاني سيوفه
مساعد المورقي=
ولا كلن وصل ياعميلى ماتهقواه = ليما سقتها فى الشحم نفسى عيوفه
ولا يمنع على العد كلن يدلى ادلاه = وضد الخصم والله مافينا مروفه
فايز الشدادي=
مادام ان اوله زي كذيا نعرف اتلاه=نقيم وضع الافلام لاشفنا البروفه
ترى محد محاسب ياكود بشي سواه=وبرق مقفي ماه ما الحقته حسوفه
مساعد المورقي=
عسا عدن شحيح المطر لن جاه يملاه = ليا من ارعدت وابرقت مزنن شعوفه
وكلن حسب مايعمل ايحاسب ويلقاه = وصلو لين يجل القمر مره خسوفه