خواطر العشاق

[م-فيصل الحارثي]

ياويل قلبي كل مأشتقت لقياه ..

وشلون ماتشتاق عيني لعينه !!

أنا أدري إني حيل أحبه وأهواه ..

وأنا أدري إن القلب صار بيدينه !!

أموت انا به في غيابه وأحياه ..

وشلون أجل لو صافحتني يمينه !!

حاولت أنا أكتم عبرتي يوم فرقاه ..

وألملم جروح الزمان الطعينه !!

وأعطيه من قلب المعنى معناه ..

وآخذ من جروحه ولو هي دفينه !!

وأضيع به في زحمة الناس وانساه ..

وأنسى معه ذكرى السنين وحنينه !!

لقيت نفسي كل ماحل طرياه ..

عروق قلبي كلها تقول وينه !!

يامر على قلبي ولاشك ينهاه ..

كلي أنا تحت الإشاره رهينه !!

ماكل من يضحك سعيد بدنياه ..

وماكل من يبكي دموعه حزينه !!

أحدن بكى .. والكل يدري عن بكاه ..

وحدن مع الضحكه تحس بونينه !!

ياشين فرقى الحب وياشين بلواه ..

والمشكله دنيا بلا حب .. شينه !!

والزين مايكمل ولو كان ماحلاه ..

إلا حبيبي ماتغير بزينه !!

ماجيت أسولف عن حلاه ومزاياه ..

يكفي إحساسي وقلبي عارفينه !!

كن الفضا في غيبته ضاق مسعاه ..

وكني غريق ينتظر له سفينه !!

شف دنيتي ياصاحبي عقب فرقاه ..

مثل الظلام اللي حصل بالمدينه !!

بكتبه أنا في صفحة الشعر واقراه ..

وباذبحه بزود الغلا دون سكينه !!

وبارسمه في لوحة الشعر وانعاه ..

وبادفنه بين الضلوع الحنينه !!

بوسط الحشا داخل الصدر مشراه ..

إما يسار القلب وإلا يمينه !!

[**المتميزه**]

م// فيصل الحااارثي

يسلموووووووووووووو محاوله رائعه.

ان شاء الله نشوفك من الشعراء المحسوبين.!

يؤيؤ يمكن القصيده منقوله وانا جيتكم من اقصاي؟!

صح لسانك

[فارس صالح الحارثي]

أبو تركي وضح لنا لمن هذي القصيده لاهنت ؟

على شان اعرف ارد زين :)

[م-فيصل الحارثي]

يعطيكم العافية

وبالتوفيق

وبعدين تعرف الهواجيس تخلي الشخص يبحث في النت على الافضل اللي تناسب هواجيسة فتعجبه فيدرجها لكم مو شرط اني شاعر او انك شاعر وتجد اغلب الناس يجمع دوواين من شتى وهو مو بشاعر

امل ان اكون اوضحت الفكرة

تحياتي لك - فارس الحارثي

وللجميع

[فارس صالح الحارثي]

أهاااااااااا

بس برضو ما جاوبت على السؤال ...

القصيدة لك او لغيرك ؟ >>>>> نشبة صح ؟

[م-فيصل الحارثي]

اي والله النشبة

وش رايك هل عهدتني شاعرا وانما احب الشعر الذي يشرح النفس ويكون ذو صلة مع خيالي

انتظر منك قصيدة موجهة لي دامك شاعر ؟؟ نشبه صح

دمت بود يعجبني الانسان المتفاعل
الله يوفقك وهذا رائي قد يختلف وقد يصيب

[سناء الحافي]

http://files.fatakat.com/2009/8/1251206801.gif

تحياتي اخي و تسلم ايدك

[واثقة الخطى]

يسلمو علي الكلمات الرائعة
تقبل تحياتي

[مشعل السالم]

تقبل خالص التحايا وسلمت يـــــــــــــداك

[م-فيصل الحارثي]

سناء الحافي

واثقة الخطى

مشعل بن سالم

شكرا لمروركم ووضع بصماتكم على الموضوع