جاكم دغيليب ياهل المنتدى جاكم دغيليب

[دغيليب بن خنيصر]

جاكم دغيليب ياهل المنتدى جاكم دغيليب
---------------- ضيفٍ يبا اللعب معكم والتعلل والاناسه
عساه يلقا هنيا عندكم قيمه وترحيب
---------------من عقب ما جا لكم يحداه للملعب حماسه

[حســين الحارثي]

ارحب ارحب ارحب يادغيليب بن خنيصر الله يحيك حساب الحيا
والله اني اشوف اسمك له ايام لكن مامن حركه ولاندري ويش ورا هالاسم
مرحبابك في منتديات وصوتية شعراء الميدان التي ترحب وتتشرف بشرواك.




يامرحبا يادغيليب الله يحييك يالذيب=ترحيب يجلا عن العمسان لاشافه عماسه

شرّف وعرّف وتبشر بالوفا عند المعازيب=مدري من اهل القنا والا انت حطابٍ بفاسه

[مشاري الكرشمي]

ياسلام يادغيليب وياحسين الليل الليل

[دغيليب بن خنيصر]

جينا هنيا نبا نرقا الطويل من المراقيب
-------------- ونزاحم اهل الفراسه فى ميادين الفراسه
والناس ياطيب السيره بهم غلطان ومصيب
--------------- والطيب اللى نهار المعمعه يظهر براسه

[حســين الحارثي]

ان كنت تاجر وبنكك ممتلي ومعبي الجيب=السوق غالي وكلٍ جاب مرجانه وماسه

مدري تجاهلتني من دون قصد او غطلة اكليب=يومه تجاهل لجساس المسمى لين حاسه

[متعب العتيبي]

مرحبا تراحيب المطر يادغيليب

والله يحييك

واصلوا سجلونا متابعين

الله لايهينكم

[حســين الحارثي]

ابو غازي ارحب ارحب
مشاري اسف على تخطي اسمك شاش راسي مع الطاروق

[حســين الحارثي]

ابو رشيد ارحب ارحب ارحب
متابعتك شرف ومكسب يالغالي
خلك بصفي والا صف دغيليب عامر بالجن؟؟!!

[دغيليب بن خنيصر]

اللى يعرف الجواهر يفرق الطيب من العيب
---------------- لكل شارب مقص وكل رجلٍ له مقاسه
تسال وانا ما حضرت الحق مشاهيب بمشاهيب
---------------------معنا قنادٍ يبعد عن مقابلنا عماسه

[حســين الحارثي]

الضيف مانلحقه قبل الكرامه شكٍ وريب=الا لياصد بعد انّا نشدنا ويش ساسه

يابن خنيصر عساك اترتب الابيات ترتيب=واللي سرا مايعاد ان كان تفهم فالسياسه

[دغيليب بن خنيصر]

الضيف على كلامك ما يلاقا فالمشاعيب
--------------ولا يعاتب على شٍ ما يساوىله نحاسه
لالا تقصا تعال العب ولك كل المقاضيب
-------------مع واحدٍ يعتزى ما شربوا الفريس كاسه

[زبن القاضي]

ارررررررررررررررررررررررررررررحب يادغيليب

ارررررررررررررررررررررررررررررحب اررررررررررررررررررررررررررررحب

[دغيليب بن خنيصر]

اخوى زبن
حياك ربى وبياك

[حســين الحارثي]

الضيف حقله ثلاث ايام وانت اسبوع تقريب=والضيف لاكان صادق علّم بربعه وناسه

ياللي تحب المقاضب يحضر الشر معك ويغيب=كم واحدٍ قبلك اتمدح وطلعنا عطاسه

[حســين الحارثي]

ابو نهاااااااااااااااااااااااااار
ارحب ارحب ارحب يالله حيه وبيه
مرورك اسعدني كثير والله

[زبن القاضي]

اليل اليل

يادغيليب

اليل اليل

[حســين الحارثي]

ابو نهاااااااااااااااااااار
ابك رد بن خنيصر جاي رده جاااااااااااااااااي الرجال عطس اكيد؟؟!!

[دغيليب بن خنيصر]

صح السانك وانا ممنون ان العب مع شاعر بحجمك
واستاذنك والختام عندك

ياطير ياللى بكفى لك على الهده مخاليب
----------------- كم واحد فى حثاث القاع سجلت افتراسه
اما انت يالمعتبر عند الجماعه والاجانيب
-----------------عدلت شطرك بعد ما جا بمبناك انهراسه

[حســين الحارثي]

تقولها وانته مودي مابين الناس ومجيب=لكن ودي علوم السيل ياراع العساسه

لي هيبةٍ فالعدا ولي قدر عند الاصاحيب=يومٍ بعض العرب من ذلته بين الحراسه

[حســين الحارثي]

الشاعر/ دغيليب بن خنيصر
صح بدنك وطاب معدنك
وسعدت بهذا الطاروق معك
واتمنى ان نعرف بعض اكثر
لاهنت
اخوك
حسين

[مشاري الكرشمي]

دغيليب وحسين بيض الله وجيهكم على هالعبه وعلى هالمحاوره الرائعه

لله دركم لعب رائع وشعراء رائعين سعدنا بمتابعتكم

دمتم بخير

[زبن القاضي]

صح الله السنتكم

وبيض الله وجيكم

طاروق رايع وبداع

لايعلى عليه

[مشعل الروقي]

صح لسانك يابو بندر وصح لسان دغيليب ووحياه الله

[حســين الحارثي]

ابو غازي

صح بدنك ولاهنت

والف شكر على المرور والمتابعه

اخوك

حسين

[حســين الحارثي]

ابو نهاااااااااااااااار

ارحب ارحب يالقرم

صح بدنك

ولاعليك زود

اخوك

حسين

[حســين الحارثي]

مشعل
صح بدنك
ولاهنت
وبيض الله وجهك

[حســين الحارثي]

دغيليب
جاكم دغيليب ياهل المنتدى جاكم دغيليب
ضيفٍ يبا اللعب معكم والتعلل والاناسه
عساه يلقا هنيا عندكم قيمه وترحيب
من عقب ما جا لكم يحداه للملعب حماسه

حسين
يامرحبا يادغيليـب الله يحييـك يالذيـب
ترحيب يجلا عن العمسان لاشافه عماسه
شرّف وعرّف وتبشر بالوفا عند المعازيب
مدري من اهل القنا والا انت حطابٍ بفاسه

دغيليب
جينا هنيا نبا نرقا الطويل من المراقيب
ونزاحم اهل الفراسه فى ميادين الفراسه
والناس ياطيب السيره بهم غلطان ومصيب
والطيب اللى نهار المعمعه يظهر براسه

حسين الحارثي
ان كنت تاجر وبنكك ممتلي ومعبـي الجيـب
السوق غالي وكلٍ جـاب مرجانـه وماسـه
مدري تجاهلتني من دون قصد او غطلة اكليب
يومه تجاهل لجساس المسمى ليـن حاسـه

دغيليب
اللى يعرف الجواهر يفرق الطيب من العيب
لكل شارب مقص وكل رجلٍ له مقاسه
تسال وانا ما حضرت الحق مشاهيب بمشاهيب
معنا قنادٍ يبعد عن مقابلنا عماسه

حسين الحارثي
الضيف مانلحقه قبل الكرامه شكٍ وريب
الا لياصد بعد انّا نشدنا ويـش ساسـه
يابن خنيصر عساك اترتب الابيات ترتيب
واللي سرا مايعاد ان كان تفهم فالسياسه

دغيليب
الضيف على كلامك ما يلاقا فالمشاعيب
ولا يعاتب على شٍ ما يساوىله نحاسه
لالا تقصا تعال العب ولك كل المقاضيب
مع واحدٍ يعتزى ما شربوا الفريس كاسه

حسين
الضيف حقله ثلاث ايام وانت اسبوع تقريـب
والضيف لاكان صادق علّـم بربعـه وناسـه
ياللي تحب المقاضب يحضر الشر معك ويغيب
كم واحـدٍ قبلـك اتمـدح وطلعنـا عطاسـه

دغيليب
ياطير ياللى بكفى لك على الهده مخاليب
كم واحد فى حثاث القاع سجلت افتراسه
اما انت يالمعتبر عند الجماعه والاجانيب
عدلت شطرك بعد ما جا بمبناك انهراسه

حسين
تقولها وانته مودي مابين الناس ومجيب
لكن ودي علوم السيل ياراع العساسـه
لي هيبةٍ فالعدا ولي قدر عند الاصاحيب
يومٍ بعض العرب من ذلته بين الحراسه

[عبدالله الحليفي]

دغيليب

اررررررررررررررررررحب تراحيب المطر

وبيض الله وجهك أنت وأبو بندر على هذه المحاوره الرائعه

[حســين الحارثي]

ابو فهد
ارحب ارحب ارحب
صح بدنك ابك انت وين عناااااااااااا
من اول الليل الله يصلحك

[عبدالله غازي السعير]

ياسلا م عليكم دغيليب

وابو بندر وطاااااااااروق طيب


ورائع رائع جدآآآآ


لله دركم

[حســين الحارثي]

ابو غازي
ارحب ارحب
يالله حيه وبيه ابك انت تشوف الدغيليب
مشكور على المتابعه