الوقت مقفي والليالي تغثرب فالمشاريب

[حســين الحارثي]

هذه المحاوره جمعتني مع الشاعر/ فايز الشدادي يوم الجمعه ليلة السبت الموافق 14/2/1431هــ بمجلس منتديات شعراء الميدان الصوتي.
آثرت نقلها لكم كي تعم المتعه ....



[فايزالشدادي]=
يامرحبا بحسين راع المواقف والمواجيب=اللي ليا جيناه نبغاه ماذب الخريمه
الكم مطاليب وعليكم يابوبندر مطاليب=ولاانته ترى بلحالك اللي ملكت شداد ريمه

[حسين الحارثي]=
دام البقا يالوافي اللي تميز بالتراحيب=يالشاعر اللي طول وقتك ونفسك مستقيمه
اللي يقدم طيب يجزا يابن شداد بالطيب=مير احسب احسابي وخلك على شحم وحشيمه


[فايزالشدادي] =
الوقت مقفي والليالي تغثرب فالمشاريب=والبدو فوق العد لو طولت ماهي مقيمه
انا مضى لي في زماني ترى عدة تجاريب=وانته علامك ماتعلم من دروس قديمه

[حسين الحارثي]=
ان كان جاكم من هل الذود يافايز مناديب=علّم خويك قبل ذود البدو تهلك محيمه
انته مجرب مير تحتاج لك للحين تدريب=لوكنت يافايز معلّم ورجالٍ صتيمه

[فايزالشدادي] =
شوف العيان اصدق من هروج تدخلها الاكاذيب=الارض شهبا والسماء مابها لو كان غيمه
انصحك وادري وش يبا يصير لكن مااعلم الغيب=واخاف عقب القصر ترجع وتسكن وسط خيمه

[حسين الحارثي]=
انا ادري انك صادق ولاقرب من علِّمك الريب=لكن طبيعي يعقب السيل يالمنعور ديمه
القصر مدري من ضيوفه ولاأدري بالمعازيب=كلٍ يقول معزب ويفرض أرياه العديمه

[فايزالشدادي] =
عامين تطلب ربك السيل لكن مالك مجيب=الله يستر ليت ماانته مسوي لك جريمه
اللي ماياخذ راي ابن عم والا راي لصحيب=كل بيطمع فيه ياصاحبي حتى حليمه

[حسين الحارثي] =
جريمتي هي يوم طعتك وطشيت المشاعيب=واصبح كثير الناس ماعاد به نخوه وشيمه
اللي يطيع سعيد وسعيّد ومسعود وضبيب=الاحسن انه يابن شداد مايعصى حريمه

[فايزالشدادي]=
مالك ترى وليه ولاتحكم طوال الاشانيب=مشعابك اللي معك ماله ترى ياحسين قيمه
بك عنجهيه ماتصلي سوى وسط المحاريب=والناس لاصليت صلوا ونيتهم سليمه

[حسين الحارثي] =
اشركتكم فالامر من عقب كان الامر فالجيب=لكن ماحصلت فيكم حماس ولاعزيمه
انا ماقلت انتم ثيابٍ تعلق فالدواليب=اقول غشم وصرت بلشان بالناس الغشيمه

[فايزالشدادي] =
اشركتنا فالامر من عقب اكل حلالك الذيب=جيناك وانته مامعك من غنمك ولاغنيمه
غشمان لامنا بدينا على روس المراقيب=ماعندنا الا الموت وقلوبنا ماهي رحيمه

[حسين الحارثي]=
تبا الحقيقه منتب قشر لكنك حادر اشعيب=اللي تقول انه غدا غفل مالي به بهيمه
ماقول فيك قصور لكن ليا جت للمناصيب=ماللمناصب غير اهل علمّ ورجالٍ فهيمه

[حســين الحارثي]

فايز الشدادي

مدري ويش اقول لك؟!

لكن انت الابداع

وانت الجزاله

وانت المعاني

وانت الفتل

وانت النقض

وانت السبك

وانت الحبك

وانت الصبر

وانت بعد النظر.

لذلك اقوووووووووووول صح لسانك لين ترضى

[فالح الشلوي الحارثي]

[فايزالشدادي] =
الوقت مقفي والليالي تغثرب فالمشاريب=والبدو فوق العد لو طولت ماهي مقيمه
انا مضى لي في زماني ترى عدة تجاريب=وانته علامك ماتعلم من دروس قديمه

[حسين الحارثي]=
ان كان جاكم من هل الذود يافايز مناديب=علّم خويك قبل ذود البدو تهلك محيمه
انته مجرب مير تحتاج لك للحين تدريب=لوكنت يافايز معلّم ورجالٍ صتيمه

[فايزالشدادي] =
شوف العيان اصدق من هروج تدخلها الاكاذيب=الارض شهبا والسماء مابها لو كان غيمه
انصحك وادري وش يبا يصير لكن مااعلم الغيب=واخاف عقب القصر ترجع وتسكن وسط خيمه

[حسين الحارثي]=
انا ادري انك صادق ولاقرب من علِّمك الريب=لكن طبيعي يعقب السيل يالمنعور ديمه
القصر مدري من ضيوفه ولاأدري بالمعازيب=كلٍ يقول معزب ويفرض أرياه العديمه

[فايزالشدادي] =
عامين تطلب ربك السيل لكن مالك مجيب=الله يستر ليت ماانته مسوي لك جريمه
اللي ماياخذ راي ابن عم والا راي لصحيب=كل بيطمع فيه ياصاحبي حتى حليمه



محاورة قمه قمه فتل ونقض عالي المستوى لاهنتم وصحت السنتكم جميعا ويابوبندر الحقيقة فايز الشدادي مافيه حيله ههههههههه


للجميع تحياتي ومتابعتي

فااااااالح

[احمد رده الحارثي]

صح لسانك يا حسين

وصح لسان فايز

فتل ونقض

وقوة معنى

بيض الله وجيهكم