برقا وروق وطاروق رائع

[حســين الحارثي]

هذه المحاوره جرت في صوتية منتديات شعراء الميدان
يوم الاربعاء ليلة الخميس الموافق 5/1/1428هــ
بين كلاً من الشاعر/عبدالله الحليفي والشاعر / عبدالله المقاطي
ضد الشاعر/ مساعد المورقي والشاعر/ متعب العتيبي

[
عبدالله الحليفي]
قبل لا يبدي النور غنوا يارياجيل=بطاروقٍ يطير عن النايم منامه

[المقاطي]
انا عيني تنااظر وترقب نجمة اسهيل=ونجم اسهيل معروف شكله بالعلامه

[مساعد المورقي]
نبا ناخذ ونعطى وندخل بتفاصيل = وكلن ياعميلى بقدره وحترامه

[متعب]
وانا عيني على العاليه وابذل لها حيل =ومارضى دونها والرجل يحمي كلامه

[عبدالله الحليفي]
ليا سيقت علينا دلال البن والهيل=نبا نشرب من الكيف ياراع الكرامه

[المقاطي]
كفوماقلت فيكم ياقوم الطيب ماقيل =هذه علمي وياصلك واسرمع السلامه

[مساعد المورقي]
تهبر دلتك ليه ماسقت الفناجيل = اضنى مضيف الناس ماكفا يدامه

[متعب]
لياقبلتو نقول ارحبوا ربع ومقابيل=وان اقفيتوا مانلحقك يالغالي ملامه

[عبدالله الحليفي]
ترا مافيه علمٍ مع العربان ماقيل=مساعد غاب يومين ثم شح بعلامه

[المقاطي]
رياجيل الشكاله نقول الهم مشاكيل =وراعى البشت يطنخ ببشته والعمامه

[مساعد المورقي]
بلا عنوان انا اقول ماتصل المراسيل = ترا الماموم سهوه سبب راع الامامه

[متعب]
رياجيل الشكاله رياجيل وحلاحيل =ويبقا صيتهم خالد ال يوم القيامه

[عبدالله الحليفي]
اجل يالمورقي ردها مع سكة الريل=اربك تارث اشداد ماتارث مسامه

[المقاطي]
كفوومكملين الوفا شرواك تكميل = وكل انسان يعرف حلاله من حرامه

[مساعد المورقي]
ليا شرعت بابك يجى للما مداخيل =ترا حلم الحليفى مايوصوله لمرامه

[متعب]
نميز فالصـواب ونعرف العدل والميل = وشهر الصوم ربي مميزه بصيامه

[عبدالله الحليفي]
مساعد واردٍ فوق نهرٍ كنه النيل=وعينه يم براق صيفٍ في تهامه

[المقاطي]
على قد المكاييل والكيال والكيل=لا تحسبها يابو زيد ضحكه وبتسامه

[مساعد المورقي]
انا من لابتن ضافرين الهجن والخيل = هذاك العام بعض العرب غص بطعامه

[متعب]
انا اسمع راعي الفيل جاه اطيور ابابيل = قضى حتفه على معصيه مادرك مرامه

[عبدالله الحليفي]
ونعم بربعنا كلنا اسيوفٍ مصاقيل=وبن عمي تراني على الماقف حزامه

[المقاطي]
سمعنا قصة الطير وسمع قصة الفيل=ابو زلقوم حطوا لزلقومه فدامه

[مساعد المورقي]
تقوله مير ماض العرب غربه هالجيل = ونعم ابكم والف نعم لاجت للخصامه

[متعب]
تمهل يالعتيبي ترى الدنيا تساهيل=والاشرم ابرهه مات من شيلت سهامه