المحكمه ماتعدل وشيخها للوجه عباد

[حســين الحارثي]

هذه المحاوره جرت يوم الجمعه ليلة السبت الموافق 22/1/1431هــ بالمجلس الصوتي الخاص بمنتديات شعراء الميدان الادبيه.
بين الشاعرين المبدعين الشاعر / فايز بن جزا الشدادي والشاعر / حمد بن زياد الشدادي وقد ابدعو ا وامتعوا الحاضرين.
http://www.shuaraa-almidan.com/vb/images/uploads/1_21495495cacdd40cd0.gif


فايز الشدادي=
يامرحبا بك عقب ماجيت ساري يابن زياد=ترحيبة باهل المواجيب من راع الجزيله
وش فيك تفرقنا وتشقر عصانا يابن الاجواد=وحنا من اول مع بعض كل يوم وكل ليله
حمد الشدادي=
دام البقا واعداد ما حن قدم خيال رعاد=ياراعي الجزله وراع المشاويح الطويله
لاعاد من فرق هل الطيب يا رجال لا عاد= لو انكم من قبل اجيكم تعنون الاصيله
فايز الشدادي=
ماعاد تسمع شورنا عقب صاحبت ابن عياد=وصرتوا على مله يقرب لك الحب وتكيله
حطوك فالمنصب وقولك تطيعه كل الاسياد=حط النظام اللي تحطه وشيل اللي تشيله
حمد الشدادي=
من طلع اسم الحارثي فالملاعب يابن شداد=ضد القبايل ياقف الحارثي ماقف قبيله
من غير منصب قدتهم فالمحافل يوم الاعياد=لكن بلشت اببايع التمر في سوق البليله
فايز الشدادي=
حنا سوى ماودنا ترجعون احزاب واضداد=ياقرب خشم الزند ياصاحبي عند الفتيله
صحيح لكن لاتخلون دل وسلم الاجداد=تعبوا ترى وجهودهم لاجلكم ماهي قليله
حمد الشدادي=
ترى الكلام الي تقوله يا فايز ماله اسناد=لا تلبس الجزله يا رجال من لبس الهزيله
الحرب محتاجه رجالن تشيل سيوفن حداد=ومحتاجه رجالن ليا ضاقت ارياها ثقيله
فايز الشدادي=
الناس تشهد كلبوها ترى وحسين شهاد=انك تبينا نلبس الثوب ماتحته فنيله
خضنا حروب قبل هذي ومرت سبع شداد=واللي نحر جمل ماهو عاجز يذبح حسيله
حمد الشدادي=
من لا تكافا كلمة الزور طاح بكلمة إلحاد=والمحكمه ما تحكم لشخص في غيبة قبيله
ما كل مره تسلم الجره وقافيك مهجاد=والي يحدك للردى ما يقطعك المسيله
فايز الشدادي=
المحكمه ماتعدل وشيخها للوجه عباد=لكن معاديل الرجال تعدل عن كل ميله
انته ماجيت الا بعد مااصبحت دله وبراد=وانا موحدها لحالي على ظهر الكحيله
حمد الشدادي=
ورثه تركها ميتن مات وانت اليوم جحاد=ما تذكر فعوله بعد صار من تحت النثيله
يا ليت لاهل الصدق والحق يا رجال تنقاد=من شان لا ضاعوا هل الجهل تبقا يا دليله
فايز الشدادي=
اكلت من كدي ولاني لزرع الغير حصاد=ولا انتظر مده يابوزيد من يمنى بخيله
السوق ماهو حكر لأهل قيا والا اهل حداد=بعصر الرخا لامن شريت بقيا بع في بجيله
حمد الشدادي=
ان ضاقت الدنيا على الرجل ما غير ارضه بلاد=لا بد يصبر ويتحمل عنا وقته وميله
برجع على طاري كلام البدايه لابن زياد=واقول لا هاج البحر خل غيري يرتكيله

[حســين الحارثي]

التعليق

المجلس الصوتي وضع لمناقشات القضايا الهامه المطروحه على جدول المفاوضات اليومي والاسبوعي والشهري والسنوي.
وهنا وجدت نقاش مفيد وهادف بين شاعرين مبدعين حيث كلٍ منهم استند في نقاشه على دلائل وبراهين مقنعه وتكافئ جميل في توظيفها.
رغم ذلك كان الهجوم من الشاعر /فايز الشدادي عنيف جداً وكان بيده اسلحه فتاكه ومدمره الا ان الشاعر / حمد الشدادي تصدى لها ودافع دفاع المستميت وحاول انه يشوش على فايز ويظهره من قصفه المستمر الا ان فايز ركز في القصف حتى ظهر النقاش بهذا المستوى الرائع والممتع ونحن نفخر بمثل هذه النقاشات والمحاورات الهادفه التي تناقش القضايا والمواضيع التي يحصل فيها اشكاليه بقصد او بدون قصد المهم انها تناقش بشكل جدي وحضاري بعيد عن الاسفاف والتوضيح الغير مجدي للموضوع وللشاعرين حيث انه يعتبر نقاش الشعراء الغير قادرين على تبطين المعنى.
نتمنى من الجميع ان يحذو حذو الشاعرين هذين الذين امتعونا بهذه المحاوره الجميله والرائعه بروعتهم وان شاء الله القادم اجمل..
صحت اللسنتكم يابو وديم ويابو معاذ.......

[حمد الشدادي]

اولا اشكر الاخ حسين على تنسيق المحاوره وادراجه

ثانيا سابقه رائعه تحسب لابو بندر التعليق بهذا الاسلوب الرائع

الذي يجعل من المتحاورين في المرات القادمه اكثر اهتماما

وان هناك من يتربص لهم بالتعليق

وحقيقه تعليق رائع وقراءة اروع من شخص متمكن

ثالثا اشكر زميلي واخي ابو وديم على هذا الامتاع

وحقيقه نجاح الطاروق جاء لجرأة فايز في طرح المعنى مبكرا

وبجرأة كبيرة ومن ثم المحافظة على السجال في صلب الموضوع

الى اخر المحاورة . وفايز شاعر كبير لا يترك الطرق تتشعب به

ولديه قدره كبيره على المشي في نفس الطريق حتى وان جنح الشاعر الاخر

يظل يماشي زميله في نفس الطريق ولا تتشعب عليهم محاور النقاش

حقيقة فايز مكسب واللعب معه مكسب وشهادتي فيه مجروحه

وختاما اشكر كل من حضر ذلك اللقاء وشارك في الامتاع ونقل البيوت

واضفوا على المحاوره جو حماسي رائع خاصة الاخ صالح مستور والاخ بندر والاخ ابراهيم المالكي

بالتوفيق للجميع والله لا يهينكم.

[فايز الشدادي]

ابوبندر

لاهنت على النقل والتعليق الاكثر من رائع

وصح لسانك يابومعاذ والحقيقه ان الشاعر مايحمسه للعب الابيوت خصمه وطريقة نقضه للبيوت

لانها تفتح له مجالات رحبه للابداع ولمعالجة الموضوع بطريقة الاخذ والعطاء

وابومعاذ شهادتي فيه مجروحه والحقيقه ان كان من سبب لنجاح هذا الطاروق فهو يرجع له بلا شك

[فالح الشلوي الحارثي]

سلمت يابوبندر وصحت السنت شعراءنا المبدعين على هذا الطااااااااروق الرائع


لا جديد في الصوتيه حسب المتفق عليه سابقا غير هذا الطاااااااااروق القوي وابو معاااااااذ اصاب الهدف ههههههههه



تحياتي للجميع

فااااااااالح