يامرحبا ترحيبةٍ ترفعك ياسطام فوق

[سطام الجياشي]

هذه المحاوره جرت بين الشاعر/حسين بن داخل الحارثي

والشاعر/سطام بن محمد الجياشي


في يوم السبت 26/12/1430هــ


في المجلس الصوتي بمنتديات شعراء الميدان الأدبيه


حسين الحارثي=
يامرحبا ترحيبةٍ ترفعك ياسطام فوق=فوق الجبال السود والدنيا كفى الله شرها
حنا بلشنا تالي الايام في برقا وروق=كلٍ يريد ايسود والدنيا كفى الله شرها
سطام الجياشي=
دام البقى ياللي تخايل في السحاب وفي البروق=ياناعمين العود والدنيا كفى الله شرها
ياحسين شرع الله حكم قطع اليمين من السروق=والقبر فيه الدود والدنيا كفى الله شرها
حسين الحارثي=
من عقب بركت الجمال اللي مناظرها تشوق=عجزت تقل الفود والدنيا كفى الله شرها
اللي يقول اني خبير ولي ترا نظره وذوق=يشمشم البارود والدنيا كفى الله شرها
سطام الجياشي=
جمالنا ياحسين تاكل مع وسيعات الشدوق=تاكل وتطلب زود والدنيا كفى الله شرها
النايم اللي له ثلاث شهور عيا لايفوق=عايش على العجرود والدنيا كفى الله شرها
حسين الحارثي=
الكل منها قام يهدر لو جمل صار مخنوق=هرشٍ هزيل اعضود والدنيا كفى الله شرها
بعض المواقف توقف الدم ياولد وسط العروق=شباب والا عود والدنيا كفى الله شرها
سطام الجياشي=
اليا هدرتوا ياجمال حسين كويّنا الطروق=ترى النقى مردود والدنيا كفى الله شرها
ماكل شيء مستوي ياكود من بعض العذوق=حظك ترا مقرود والدنيا كفى الله شرها
حسين الحارثي=
ابشرك بان الكذوب وبيّن الوقت الصدوق=بامر الله المعبود والدنيا كفى الله شرها
يزعل لياجيت البخيل تدور صبوح وغبوق=البخل سم كبود والدنيا كفى الله شرها
سطام الجياشي=
اخبرك رجالٍ سبوق وتقدر الرجل السبوق=بعض الحمل مشدود والدنيا كفى الله شرها
اما يروق الوضع والا يالحسيكي لايروق=هبت هبوب النود والدنيا كفى الله شرها

[حســين الحارثي]

بيض الله وجهك ابو محمد

ابدعت في المحاوره ايما ابدااع.

وكذلك فالنقل والتنسيق.

صح لسانك واعتلا شااااااااااااااانك.

[سطام الجياشي]

صح بدنك يابو بندر وهذا واجبنا

[فارس صالح الحارثي]

يعطيك العافيه وصحت السنتكم

والحقيقة عودت سطام الجياشي للمنتدى مره أخرى لهي مكسب وفائدة عظمى

دمت بهذا الحضور الطاغي يا أخي سطام