سعيد بن مقبل الأكلبي
22 - 01 - 2007, 16:15
العقيد/عبدالله بن حمود العتيبي من منسوبي الحرس الوطني
اخ عزيز وصديق وفي ورجّالٍ لاوصله العِلم وقف
وهذه رسالة شكر لمن يستاهلها
انشرها هنا في محل الطيب
راكب اللي مابعد غِسّل من التغبيره= وارد اليابان واهل الماركه الاصليّه
داخلٍ فالمملكه يوم اكتمل تطويره= اخر انتاج العقول وفاكهة الالفيّه
انتهى فسح الجمارك واعلنوا تحريره= ودرّجوه من الوكاله تالي العصريّه
لاقفيته يالله انك تشوف حد اسبيره= قدم صدامه وتحت الشنطه الخلفيّه
لكزسٍ ماكل من حبه يجوّد قيره= كان ماعنده رصيدٍ قالوا اشتر زيّه
كل جيبٍ خلف صدامه ينوز عمَيره= غير ماكل الجيوب تنومس الطرقيّه
سلموه اللي تشرّب حبه وتقديره= من غلاه اقبل عليه وقال يالله حيّه
عارفٍ قدره ولاهوب ايتمنا غيره= كل ماغلّق موديلٍ قال هاتوا خيّه
مايكاسر فالثمن لازادوا التسعيره= مايبي ينزل من الموتر ولاله نيّه
قدمه الخط الطويل وفايتٍ اعصيره= يبي يوصل لازمه والشمس باقي حيّه
دق سلفه للمسير وكبّر التكبيره= من عيون الحاسدين مدوّرين السيّه
ثم عطا الخط السريع وأشر التأشيره= لين صار الخط الايسر منطقه محميّه
يوم زان الدرب قدمه وارتخى انبيره= من يشوفه يحِسبه نفاثةٍ حربيّه
صوب راعي مرحبا عذب النبا والسيره= الوفا والطيب ساسٍ له ماهو عاريّه
ابومشعل سِعد من ضاقت به ازاريره= من تعنا له يعوّد حاجته مقضيّه
هو ذخيرة من بغا له فالزمان ذخيره= دون ماجوب النشاما ركبته مثنيّه
فاتحٍ بيته عسى ربي يكثّر خيره= لين راحت فلته بين الفلل ماريّه
الكبيره عند ابومشعل تروح صغيره= لاعصب راسه يفك العقدة الملويّه
من سلايل روس قومٍ يحتمون الديره= كنهم يوم الحرايب قنبله ذريّه
من عتيبه حافظين الماقفه والجيره= صيتهم بين القبايل ماتموت ضويّه
ياحبيب الضيف ياشيخ الكرم واميره= صاحبك يهديلك المنظومة الشعريّه
شاعرٍ في مدحكم ماساعده تعبيره= غير حاول واجتهد بصياغة القافيه
لاكن والله العظيم ولا الهٍ غيره= ان كل اللي ذكرته في وفاك شويّه
اخ عزيز وصديق وفي ورجّالٍ لاوصله العِلم وقف
وهذه رسالة شكر لمن يستاهلها
انشرها هنا في محل الطيب
راكب اللي مابعد غِسّل من التغبيره= وارد اليابان واهل الماركه الاصليّه
داخلٍ فالمملكه يوم اكتمل تطويره= اخر انتاج العقول وفاكهة الالفيّه
انتهى فسح الجمارك واعلنوا تحريره= ودرّجوه من الوكاله تالي العصريّه
لاقفيته يالله انك تشوف حد اسبيره= قدم صدامه وتحت الشنطه الخلفيّه
لكزسٍ ماكل من حبه يجوّد قيره= كان ماعنده رصيدٍ قالوا اشتر زيّه
كل جيبٍ خلف صدامه ينوز عمَيره= غير ماكل الجيوب تنومس الطرقيّه
سلموه اللي تشرّب حبه وتقديره= من غلاه اقبل عليه وقال يالله حيّه
عارفٍ قدره ولاهوب ايتمنا غيره= كل ماغلّق موديلٍ قال هاتوا خيّه
مايكاسر فالثمن لازادوا التسعيره= مايبي ينزل من الموتر ولاله نيّه
قدمه الخط الطويل وفايتٍ اعصيره= يبي يوصل لازمه والشمس باقي حيّه
دق سلفه للمسير وكبّر التكبيره= من عيون الحاسدين مدوّرين السيّه
ثم عطا الخط السريع وأشر التأشيره= لين صار الخط الايسر منطقه محميّه
يوم زان الدرب قدمه وارتخى انبيره= من يشوفه يحِسبه نفاثةٍ حربيّه
صوب راعي مرحبا عذب النبا والسيره= الوفا والطيب ساسٍ له ماهو عاريّه
ابومشعل سِعد من ضاقت به ازاريره= من تعنا له يعوّد حاجته مقضيّه
هو ذخيرة من بغا له فالزمان ذخيره= دون ماجوب النشاما ركبته مثنيّه
فاتحٍ بيته عسى ربي يكثّر خيره= لين راحت فلته بين الفلل ماريّه
الكبيره عند ابومشعل تروح صغيره= لاعصب راسه يفك العقدة الملويّه
من سلايل روس قومٍ يحتمون الديره= كنهم يوم الحرايب قنبله ذريّه
من عتيبه حافظين الماقفه والجيره= صيتهم بين القبايل ماتموت ضويّه
ياحبيب الضيف ياشيخ الكرم واميره= صاحبك يهديلك المنظومة الشعريّه
شاعرٍ في مدحكم ماساعده تعبيره= غير حاول واجتهد بصياغة القافيه
لاكن والله العظيم ولا الهٍ غيره= ان كل اللي ذكرته في وفاك شويّه