فايز الشدادي
10 - 11 - 2009, 01:05
فايز الشدادي=
ياحسين لاصرت بايع وسط سوق العرف جاك الزبون=زبون للمعرفه يوم ان فرق الناس بافهامها
الناس شبعت ولا ذلحين وانتم يابدو تاكلون=فالخبزه اللي ثمان سنين ماحصلتوا ايدامها
حسين الحارثي=
ابيع واشري ليا حصلت مثلك مايذل ويخون=والعرف قسم الرجال اللي لها تاريخ قدامها
اشوف بطنك يابو وديم كابر ياعسى امرك يهون=والناس ماتاكل الا ماقسم من طيّب اقسامها
فايز الشدادي=
حنا بلشنا بناس فالبلد عميان والهم عيون=عيونها ماتقديها لو انه موضع اقدامها
لو ان شيباننا فالجيش يابوزيد يتقاعدون=يمديه وظف شباب المملكه كله على ارقامها
حسين الحارثي=
ياكثرهم مير يافايز بقي واجد بوسط السجون=للحين مارفرفت يابن جزا قدامك اعلامها
الناس لاسمعو التسجيل عند الباب يتهاوشون=واهل المكاتب يابو وديم خايفةٍ على اقلامها
فايز الشدادي=
اللي بجيبه بطاقه ماعلينا منه مير البدون=هو مبتدا المشكله ومخالف للدار واحكامها
مابه نزاهه ترى نص العرب بالواسطه يدخلون=والناس صارت يمنها ماتداني طاري لشامها
حسين الحارثي=
الله يعين الملك يابن جزا واللي معه يعملون=وشلون يرضي جميع الناس ثم يحقق احلامها
ترا كثير النقاش يوصل الهستيريه والجنون=واشوف بعض الخلايق كاثرات الليله اوهامها
فايز الشدادي=
ليت البشر حسب قدرتهم وحسب اجسامهم يلبسون=الناس ماعادت تفصل ملابسها على احجامها
الصف الاول عساهم ياحسين الحارثي يقعدون=اخذوا ذنوب الصفوف الثانيه ياحسين واثامها
حسين الحارثي=
لاتحسد اهل المعالي والسمو اللي لكم يسهرون=ترا العمالق كبار ولاتساوى دوم باقزامها
على يدينك مادام انك من اللي للعلا يعشقون=عسى تنزل كواكب سابحاتٍ فوقك اجرامها
فايز الشدادي=
ذي سنة الوقت ناس ينزلون وناس يغادرون=لولا التطور ماشفت البدو عافت مسكن خيامها
طاروا مثل غيرهم فالجو لكن غصب بيوقعون=وتشوف الامور بكره من يجي بيدينه زمامها
حسين الحارثي=
انته من اللي رحل والا من اللي دوب يتوافدون=عسى العرب ماتفرط فالكتاب وجوهر اسلامها
ان وقعو طير يافايز وجيب اللي عنه يعجزون=عساك تدخل بموسوعة جنس وتحطم ارقامها
فايز الشدادي=
انا من اللي تعرف الناس هيبتهم قبل ياصلون=قوم السطا فالمواقف كان جاء الارواح من سامها
طويق راسي وهبي ياهبوب وخيلي يامزون=ماطاولته الليال السود بالتغيير وايامها
حسين الحارثي=
من اول الكل له هيبه وفعل وللعدا تدحرون=واليوم سيارتك تجلس يافايز فوق صدامها
طويق غيره حضن والنير كان انتم لها تجهلون=يوم انت واربوعك مولع بمصر وتعشق اهرامها
ياحسين لاصرت بايع وسط سوق العرف جاك الزبون=زبون للمعرفه يوم ان فرق الناس بافهامها
الناس شبعت ولا ذلحين وانتم يابدو تاكلون=فالخبزه اللي ثمان سنين ماحصلتوا ايدامها
حسين الحارثي=
ابيع واشري ليا حصلت مثلك مايذل ويخون=والعرف قسم الرجال اللي لها تاريخ قدامها
اشوف بطنك يابو وديم كابر ياعسى امرك يهون=والناس ماتاكل الا ماقسم من طيّب اقسامها
فايز الشدادي=
حنا بلشنا بناس فالبلد عميان والهم عيون=عيونها ماتقديها لو انه موضع اقدامها
لو ان شيباننا فالجيش يابوزيد يتقاعدون=يمديه وظف شباب المملكه كله على ارقامها
حسين الحارثي=
ياكثرهم مير يافايز بقي واجد بوسط السجون=للحين مارفرفت يابن جزا قدامك اعلامها
الناس لاسمعو التسجيل عند الباب يتهاوشون=واهل المكاتب يابو وديم خايفةٍ على اقلامها
فايز الشدادي=
اللي بجيبه بطاقه ماعلينا منه مير البدون=هو مبتدا المشكله ومخالف للدار واحكامها
مابه نزاهه ترى نص العرب بالواسطه يدخلون=والناس صارت يمنها ماتداني طاري لشامها
حسين الحارثي=
الله يعين الملك يابن جزا واللي معه يعملون=وشلون يرضي جميع الناس ثم يحقق احلامها
ترا كثير النقاش يوصل الهستيريه والجنون=واشوف بعض الخلايق كاثرات الليله اوهامها
فايز الشدادي=
ليت البشر حسب قدرتهم وحسب اجسامهم يلبسون=الناس ماعادت تفصل ملابسها على احجامها
الصف الاول عساهم ياحسين الحارثي يقعدون=اخذوا ذنوب الصفوف الثانيه ياحسين واثامها
حسين الحارثي=
لاتحسد اهل المعالي والسمو اللي لكم يسهرون=ترا العمالق كبار ولاتساوى دوم باقزامها
على يدينك مادام انك من اللي للعلا يعشقون=عسى تنزل كواكب سابحاتٍ فوقك اجرامها
فايز الشدادي=
ذي سنة الوقت ناس ينزلون وناس يغادرون=لولا التطور ماشفت البدو عافت مسكن خيامها
طاروا مثل غيرهم فالجو لكن غصب بيوقعون=وتشوف الامور بكره من يجي بيدينه زمامها
حسين الحارثي=
انته من اللي رحل والا من اللي دوب يتوافدون=عسى العرب ماتفرط فالكتاب وجوهر اسلامها
ان وقعو طير يافايز وجيب اللي عنه يعجزون=عساك تدخل بموسوعة جنس وتحطم ارقامها
فايز الشدادي=
انا من اللي تعرف الناس هيبتهم قبل ياصلون=قوم السطا فالمواقف كان جاء الارواح من سامها
طويق راسي وهبي ياهبوب وخيلي يامزون=ماطاولته الليال السود بالتغيير وايامها
حسين الحارثي=
من اول الكل له هيبه وفعل وللعدا تدحرون=واليوم سيارتك تجلس يافايز فوق صدامها
طويق غيره حضن والنير كان انتم لها تجهلون=يوم انت واربوعك مولع بمصر وتعشق اهرامها