مشاري الكرشمي وفايز الشدادي

[فايز الشدادي]

مشاري الكرشمي=
سلام الله وابا فايز وفايز من صميم الروح = خوين كل ماذكر خوته تخنقني العبره
الايالله طلبتك ياكريم اعد ل سفينة نوح = الياخاويت واحد ينتهي ماكمل السفره
فايز الشدادي=
هلا يامرحبا يوم انت من ربعي وراك تروح=وانا صاحبك والصاحب يدور صاحبه بكره
سفينة نوح تمشي والبحر ياصاحبي مسبوح=ومن عاف الصحن يبغى يدور بكره السفره
مشاري الكرشمي=

عسا تبقا وانا امشي في مناكبها ولابغى ابوح = بسد (ن) لودرا القاضي عنه سوالكم حفره
سفينة نوح ماجبها القدر والغيب وسط اللوح = ونصيبك من طرفها تيس والا ياولد جفره
فايز الشدادي=

انا خابرك لاوردت سهمك تذبح المذبوح=واخاف ان طالت المده تضيع وتكشف الشفره
تعرضتوا طريق مالكم في مسلكه مصلوح=ترى ماقدمك الا من يحد السيف والشفره
مشاري الكرشمي=

ترا المذبوح ضربه مايجوز افطن ياه المشفوح = الا ياعسكري (ن) ناسي (ن) لاتلبس الستره
بلانا حب لليلى العامريه والسدود اصروح = وانا وياك نعرف ويش ليلى ودنا بعمره
فايز الشدادي=

مقابيل الليالي يامشاري سرها مفضوح=شروق الشمس بيجيك بعلومه مغرب الصفره
تغزي الديره اللي من كرمها بابها مفتوح=ولا احد جاب علمك يوم عندك سابق الخبره