فايز الشدادي والقاضي وطاروق مجنون

[حســين الحارثي]

زبن القاضي
يامرحبا يافايز الله يحييك = احسين ينشدعنك من مبتدا اليل

مره يناديني ومره يناديك = ومره يقول المنتدى فيه دعديل

فايز الشدادي
ياللي ترحب ياعسى الله يبقيك=وانا قريب والليالي مقابيل=

حسين حط يديه يازبن بيديك=وان جاب لك دله تجيب الفناجيل

زبن القاضي
اليل بدري والسعد فيه قافيك = وانا وبو بندر على قرح الخيل

ايحلها حلال عقد الشرابيك = انظر بعينك قدمك الجدي وسهيل

فايز الشدادي
جعل السعد يقفاك ويحل اراضيك=وان جيتني خطوه تقدمت لك ميل

الجدي ثابت لوتشوفه يباريك=وسهيل اعرفه واعرف النجم ابوذيل

زبن القاضي
انا مدحتك ميركبرت علابيك= اقدم وتلقالك من القوم حلحيل

لومانردك ياولدوين يمديك = يمديك ماتلقاك حتى الدرابيل

فايز الشدادي
انا وبامر الله لياجيت اسريك=واعطيك رد الصاع واوفي لك الكيل

عيديتك عندي وبملا مخابيك=واليا بركت لكايد الحمل بتشيل

زبن القاضي
يالعسكري ضابطك بكره ايجازيك = وانته على المايك تجر الموايل

المملكه بترولها مايكفيك= في كل يوم ايصدر الفين برميل

فايز الشدادي
ان ماهداك الله ماني بهاديك=منجوم والجره مسح رسمها السيل

الناس واجد والله اللي محليك=ولا كل غصن فيه ظل ومقاييل