الشهيب والقاضي

[حســين الحارثي]

هذه المحاوره منقوله من صوتية شعراء الميدان
بين كلا من الشاعر/ سلمان الشهيب
والشاعر/ زبن القاضي
ةلكالك يوم الاربعاء ليلة الخميس الموافق 14/12/1427هـ

سلمان الشهيب
يازبن وش تحب ويازبن وش تريد = سلمت الأرض ماأهتزت براكينها
ميز اللي قديم وميز اللي جديد = وأنتبه لاتلد العين في عينها

زبن القاضي
يالشهيّب عسى عمرك طويل ومديد=الرساله تبينها عناوينها
دايم الجديبقى قدوةٍ للحفيد= وكل ناسٍ تفسرها على دينها

سلمان الشهيب
فآخر العمر تجلس طول عمرك وحيد = قسوة العمر جرتها على لينها
وإن توفيت ماأنته ياعميلي شهيد =زايد الجم جم وطينها طينها

زبن القاضي
اخر العمر اشوفك عودضمن العويد=واول العمر كل احججك قارينها
الثبيتي ليازعل احضر ام العبيد= لجنة السن غلطة وقت تسنينها

سلمان الشهيب
عندنا سيف أبونا خالد أبن الوليد =رمية ٍ تعترض من ضمن رامينها
القريّب قريّب والبعيد البعيد =حية الأرض تلعب مع نياشينها

زبن القاضي
عدنكم سيف طيب بس جعله حديد=والحضارم بضاعتها كراتينها
انت معروف اعرفك قبل وقت الرشيد=وحيّت الارض بالرجلين واطينها

سلمان الشهيب
ليت سموك يالقاضي بــ.عبد الحميد = أم قرنين تبحث عن سكاكينها
العيون السهارى يجهلون البريد=والبطون الجواع ألها مواعينها

زبن القاضي
انت سلمان وسمك فالحقيقه سعيد=والتواريخ محفوضه دواينها
كل ماقلت هون قلت هل من مزيد=سبت اعيونكم بالكحل معمينها


سلمان الشهيب
إن ذبحنا جمل ولا ذبحنا هريد = يازبن كل عمله من براهينها
الفرنسي يدور للهولندي رصيد = والجزيره تضيع في ملايينها

زبن القاضي
البدو يالشهيب الصبح تطر الشديد=والقبايل تفاخر في بعارينها
انتبه يالخفير اليا وصلك العميد=الكتيبه على الغلطه مجازينها