مشاري الكرشمي وزبن القاضي وطاروق رائع رائع

[حســين الحارثي]

مشاري ا لكرشمي
سلام ردية وفا من هجوسي والهدف زان = والقاضي الي حرك المشكله لامر وادها
الليله الليله نباها لحود وموت واكفان = وانته تعرف العلم والعين يقزيها رمدها

زبن القاضي
يامرحبا في مرحبا يامشاري ياكحيلان= سحابةٍ ترعد وتبرق على راسك رعدها

الموت ماهو سهل ياصاحبي والعلم نيشان=علي اذكي وانت ياصاحبي تحصي عددها

مشاري الكرشمي
دام البقا بك يابيض الوجه ماج السيل بحصان = والنفس فيماتشتهي يارفيقي من نشدها

الموت يفتك وانت ماتنتهبه مع مرالازمان= تسرح وتضوي والمطيه مضيتعةٍ ولدها

زبن القاضي
الجنزبيله يامشاري ماتحسب كيف ضرمان= وامال الجنازه غير تكفينها داخل لحدها

من داغث الجربا على الحول يابن العم جربان= مدام هاذيه ابدايتك وش باقي بعدها

مشاري الكرشمي
مايستعز الراس لاصار ماعزته الامتان= وانته تحاسبني على زلةٍ شالو وتدها

بكره يجونك حرب تعصب عمايمها فالكوان= تبا تحثلها وترضى عليه من بعدها

زبن القاضي
شقرا عليها برد وانته دخلت الروم بردان=مسلم لكنك حجة الكفر في جيبك سندها

ترى الشجيع ايزيد عزمه لاجا للملح دندان=في ساعت الصفر العدى شكرها على جهدها

مشاري اللكرشمي
غلطت وانته مار كنك يابونهار فرحان= وعلى الخطيه جتك مطاياك جايبةٍ جهدها

والله لتونسها من حسين يارابح ياخسران= مار الجموح امسك رسنها قبل تكثر عقدها

زبن القاضي
الشكر لله والفرج عند رب البيت يافلان=وترى الوجيه القشر جاشرها لليلي عبدها

وحسين مع دربك نبانضربه بالسيف شامان= ولا الجموح انصحك جنب لاتقر ب من نصدها