تعال يانايب مدير المنتدى قرّب تعال

[حســين الحارثي]

سلام رديه بعد غبنا كم ايام وليال=عن منتدى الميدان وادري ماحصل بعدي قصور
تعال يانايب مدير المنتدى قرّب تعال=ابنشدك عن واجباتك في غيابي والحضور

[مشاري الكرشمي]

الله الله الله يابوبندر لله درك

علاك ابهم علاك ابهم

[حســين الحارثي]

ابو غاااااااااااااااااااااااااااااااازي
لبى قلبك ايوالله انت من يشجعني للمضي قدماً
والا هالمجرمين مالهم امان لكن الليله ناويهم نيه ورا نيه؟
هههههههه وينك ياحمد وينك ابي اشوف اسمك هنا في المتصفح

[حمد الدحابيب]

هههههههههههههههههههه

أنا داري أنك بعد لبن الصميل والمشاوي عندك علوم

أستلم أستلم


يامرحبا وأهلين يا غايب علشان الوصال = عيدك سعيد وعامك أسعد والمعرفه ماتبور
جيتك وجاك اللي يوالف بين قمات الجبال = وليا تلاقت قال ياربي لك الحمد الشكور

[حمد الدحابيب]

أبوغازي أرحب أرحب

وكل عام وأنت بخير

وجودك له نكهه خاصة<<<ركز على نكهه تراها متعوب عليها


خلك قريب ويهديك الله لصفي

[حســين الحارثي]

هههههههههههههه ابو جابر الزبده من العصر جاهزه
لكن مالك حظ فالطيب مير شد حيلك يمكن يجي زبده الان


دام البقا ياللي ترحب عقب ماجالك مجال=شاعر وماهر والرحا من عصر من شانك تدور

ماجا الجواب اللي طرحناله يابو جابر سوال=مدري تهرّب والا غشت القوافي والبحور

[حمد الدحابيب]

الخير واجد والرب فضيل العب يابوبندر


الله يبارك فيك قدامك وبعدك مايقال = الا الكلام الزين والدعوى على لنبه ونور
أن كان عندك علم علمناك والجرف الهيال = ما ينبنا فوقه قصور ولا يجيه الا معثور

[حســين الحارثي]

مدري تحب انت الاقامه والا تهوى الانتقال=والا في الثنتين مغرم والسراير فالصدور

يوم الامام مكلفك تذن وتخطب يابلال=وشلون ترقد عن صلاة العيد يالشيخ الوقور

[حمد الدحابيب]

نسل الحرار الحر ما يرضى بتكبيل الغلال = ومنين ما عنز جناحه طار من جيز الصقور
يوم الأمام أيسرح البهمان ويشوي صخال = وأنا مع عكس الظلام ندير ونحل الامور

[حســين الحارثي]

الاوله غلقت فيها مابقى فيها جدال=وابشرك ياكثر ما صدنا من امثالك صقور

كنت احسب اللي غاب يهدى ياحمد فكرٍ وبال=وثر القواعد لو تطيح اطيح هذيك الجسور

[حمد الدحابيب]

هههههههههه الله يرجك ياشيخ




لاتدّعي تبلش ولا تبلش وليلك طال طال = واللي يسندها يابوبندر ما يرضى بالحدور
أبشر بخير ولا تضيق ولا على مثلك خمال = مرسى جبل ميسان ثابت لاتلف ولا تدور

[حســين الحارثي]

ماني ببالش والدعاوي فال يقفاه العقال=واللي سواتك كيف الومه دام دمه مايفور

من ماضي الايام وانا من سجالٍ في سجال=واليا بغيت اغزي جنودي نص عمي ونص عور

ابو جاااااااااااااابر
صح لسانك الختام عندك والعذر والسموحه منك
مبطي منك ماتهاوشت معك وحقيقه اللعب معه متعه

[حمد الدحابيب]

ههههههههههههههههههههههههههههه

الله يرجك أبك أغز وماعليك من جنودك عمي ولا عور المهم النتيجه هههههههههههههه

صح الله السانك ولاهنت

[فالح الشلوي الحارثي]

ههههههههههههههههه

طيب طيب يابوبندر

انت شكلك تدور ضحية ادمي

ماعاد نستغرب صارت الاضاحي من بني البشر في ايام الاعياد المباركه


هجوم عنيف من سهير الليل وصد قوي وهجمه مرتده من شاعرنا المبدع ابو جابر

لاهنتم شعراء متميزين وجمهوركم واكثر الاعضاء مشغولين عن هذا اللقاء بارتباطات العيد السعيد!



تحياتي وتقديري

[فواز الحارثي]

ماااااااااااااااشاااااااااااااااااااااااء اللللللللللللللللللللللللللللللللللله
الاخ الاغالي ابوبندر
الاخ الغالي حمد
صح لسان المهاجمين جميعا والحقيقه محاوره جدا جميله ولكن ينقصها الصفوف المعتاد تواجدها وبالاخص اذا سبق المحاوره اعلان تنويهي ,,,
ولكن سعادة المدير العام يبدولي انه قاصد المحاوره مع سعادة النائب لوحدهما وذالك لمئاااااارب اخرى
وفي النهاااااااايه تحقق للطرفين النتيجه الايجابيه ولله الحمد
وبالتوفيق للجميع والى الامام باذن الله

[حســين الحارثي]

ابو بدر
هلا وغلا يالله حيه
هذي محاوره خطافيه على الطائر ولكن نوعدعكم بمحاوره مباشره
وانت لاتقعد تعقد في الشوش خلك سمح اقرا ها وتعد وكانك ماتشوف شي
لاهنت على المرور والمتابعه

[حســين الحارثي]

ابو عبدالعزيز
ارحب ارحب ارحب ارحب
مرورك شرف ومكسب لاعدمتك
عسى يمر ديرك وديرنا الحيا الهني
هذه المحاوره متواضعه وانفراديه
ولكن سوف يكون هناك محاورات ومفاجئات باذن الله
مشكور على المرورالغير المستغربمن شخصك الكريم

اخوك

سهيرالليل

[فايز الشدادي]

ابوبندر

ابوجابر

عيدكم مبارك وعساكم من عواده

وصحت السنتكم

وانا اجيز هذا الطاروق هههههههههههههههه

ابوبندر وش هالمغزا الله يجعل فالنا ماهو بفال جنودك ههههههههههههههه

[زبن القاضي]

لله دركم يامجرمين

اجرام يرى بالعين المجرده