ذيب سلمى وحمد الدحابيب

[حمد الدحابيب]

ذيب سلمى
يا سلامي على روس الرجال الحضور=عد مالاح برق وهل وبل المطر
يالدحابيب معنا لاتلف وتدور=هات علمن يسلي يابعيد النظر

حمد الدحابيب
مرحبا بالنيابه عن طوال الشبور = عد سيلٍ عمر واظهر نبات وزهر
الدحابيب له وجهة نظر ومعذور = والنجوم أتقازم في حضور القمر

ذيب سلمى
البقا وانت صاحبنا القديم مخبور=والقمر يتضح نوره بنصف الشهر
ما يجيب المعاني مثل قطف الزهور=غير شاعر خطير ولا يهاب الخطر

حمد الدحابيب
كل وافي سواتك ما يسج النمور = غن وأطرب بوادي ربعنا والحضر
المعاني مباني كل مبنا بدور = غير شيد مبانيها بطين وحجر

ذيب سلمى
كيف اغني بعد ما صار بعض الامور=لد عينك تشوف عمير مدري عمر
اشهد ان الزمن جاير وشوفه يجور=ان حكينا مصيبه وان سكتنا قهر

حمد الدحابيب
خل صدرك وسيع أمع وساع الصدور = ولا تضايق من أحداث القضا والقدر
وهني الطيور اللي وزان الطيور = أعتمد جملتي لاهنت بالمختصر

ذيب سلمى
ما سرى بالمساري غير ذيبن جسور=والجزيره محطة بثها في قطر
خل عنك الطيور ولد صوب الصقور=كل حرن ليامنه تضايق شهر

حمد الدحابيب
قالوا أنخلقت الدنيا على قرن ثور = وانت تبغي تسريها وعلمك خطر
فيه قلبٍ حزين وفيه لفتة سرور = وأنت شاعر ولا يمكن يصيبك ضرر

ذيب سلمى
الله انك تكافينا الردا والقصور=يوم به ناس دون الطيب حظه قصر
انت شاعر ولكن ما ش عندك شعور=والعرب فيك لدت مير شف لك عذر

حمد الدحابيب
الليالي تراها يا السنافي عبور = وأنت حساس بعض أمرار مثل البشر