الدحابيب والحميد

[فايز الشدادي]

حمد الدحابيب=
يامرحبا ياعوض يابوسعد يا الحميد = يا القرني اللي خدم بيشه وضحى لها
أنكاك لا مت ماحدٍ قال حي الفقيد = لا بارك الله في بيشه ومنزالها
الحميد=

ابك البقا لاعدمتك يالرفيق السديد = والعيس لاحملت بحمول تشتالها
من يفعل الخير في اليوم العبوس الشديد = يلقى الجزا والخلايق تحسب اعمالها
حمد الدحابيب=

والله لو بطلوا له في حسابه رصيد = من مال أهل بيشه اللي درس أعيالها
جاتك تنافس ملايينه فلوس الوليد = وشره جميع أصدقاه وصلح أحوالها
الحميد=

ابشرك ربعنا تشكر وتلقى مزيد = اما هل الحسد فال الله ولا فالها
اصحابنا طال عمرك من قريب وبعيد = اريالنا في المواقف كنه اريالها
حمد الدحابيب=

أنا اطلب الخير لك لكن أشوفك عنيد = أو ماتبي تعطي أصحابك من أموالها؟
ماذمهم غير وش فرق الشقي والسعيد = الا يلا بان خير الناس وأعمالها

الحميد=

التاجر اللي يصر المال وش يستفيد = بكره يودع ويلقى الظلمه ابدالها
بو جابر اخطا وليته في الخطا ما يعيد = اخطا وسجلت كلمه مخطيه قالها
حمد الدحابيب=
الموت يجري مع الأنسان مجرا الوريد = وأثرك داري عن الايام وأهوالها
بالله لن كنت لي صاحب ورايك جويد = قلي وش اخطيت فيه أن كنت تصحى لها

الحميد=
لا اطاوع ابليس يمكن ما نروح المسيد = لكن حنا هل القالات وارجالها
من قبل مده تمشي ما على ايديك قيد = واليوم كلبشت نفسك داخل احبالها