حمد الدحابيب وماجد المسعودي وطاروق مثولث رائع من الصوتيه

[حســين الحارثي]

حمد الدحابيب
الدحابيب له نيه خطيره يبغي الحكم لكن ما حصل له = ماحصل له ولا لك ياعميله والدحابيب له نيه خطيره
كل مسعوديٍ عنده ذخيره وأن تعذر حزامه يا لعله = حملكم غيركم محدٍ يشيله كل مسعوديٍ عنده ذخيره


ماجد المسعودي
الدحابيب عبر عن ضميره والسوالف لها مذهب ومله = جيت أخيل الخيال اللي يخيله الدحابيب عبر عن ضميره
لا تحرك رحاة ٍ مستديره سيفك اللي تسله قوم سله = ما لنا حمل والطرقه طويله لا تحرك رحاة ٍ مستديره

حمد الدحابيب
الفلك جل خلاقٍ يديره والقمر في مدارة والأهله = وش يبرر غياب أهل الجميله والفلك جل خلاقٍ يديره
كل حكمه سوابقها كبيره والتجارب لها فالناس حله = ذمة الناس لصحاب الفضيله كل حكمه سوابقها كبيره

ماجد المسعودي
كل جمـّـال في ساقت بعيره لا تقلي طريقك ما تدله = كاسبين الهدف في كل ليله كل جمال في ساقة بعيره
كل حكمه لها عين وبصيره سجل اللي نقوله فالمجله = تعرف السيل دربه مع مسيله كل حكمه لها عين وبصيره

حمد الدحابيب
طيرنا العام معجبنا مطيره غير هذا السنه صابته عله = ويش معطلك يا شيخ القبيله طيرنا العام معجبنا مطيره
المسيره تكملها مسيره صبرنا شح والعراف قلّه = هل يكون الجفا منكم وسيله والمسيره تكملها مسيره

ماجد المسعودي
يالدحابيب في كل الجزيرة ماش صقر ٍ يطير يخاف ظله = لا تحايل ولا تنفعك حيله يالدحابيب في كل الجزيره
ما نسابقك بالساق القصيره لاحقينك ودمع العين هله = ما نبا منك نص الدرب ميله ما نسابقك بالساق القصيره

حمد الدحابيب
ماغترناك والناس الغتيره لابغت خير دونه صار زله = فالكفوف الكريمه والبخيله ماغترناك والناس الغتيره
مافهمت الكلام اللي سفيره ما يبي منك شر وخير لله = لكن أغواك شيطانك حليله مافهمت الكلام اللي سفيره

ماجد المسعودي
راسك تقربه شمس الظهيره كف يمناك في مخباك خله = دلة الكيف ماهي زنجبيله راسك تقربه شمس الظهيره
ما نوينا على كشف السريره حلقك الماء يبله روح بله = أعرف الدرب ما دور دليله ما نوينا على كشف السريره