فايز الشدادي والقاضي زبن

[حســين الحارثي]

زبن القاضي
رد فايز يالحسيكي وزهل الطاروق عندي = ازهل الطاروق والي حاضرين ايلحنونه
ان بغيتو مزح وان قلتو نبا الموضوع جدي = كلبوها جايزه واعطيكم الي تطلبونه

فايز الشدادي
كيف تبغى ترد طابور السريه وانت جندي=لو يعلق في عمود الساريه مايصرفونه
هات علمك لو تبيح سدودكم ماباح سدي=بصفحة التاريخ نمسح كل شي تكتبونه

زبن القاضي
عسكري ياعسكري من عسكري ردوك افندي= الحسيكي قال افندي واصباح ايهرولونه
اكلكم فالصبح فول وفالغدى برمه ومندي = وكل شين فالخنادق يالعساكر تاكلونه

فايز الشدادي
قبل صحنك مابه الا الجوع واليوم متغدي=كلها راحت ثمن للحاشي اللي تبلعونه
السوالف فالسعه ماهي تجيب ولا تودي=وكل تاجر لاوقف فالسوق يعرف من زبونه

زبن القاضي
انت من خلقتك بطنك ممتلي من كل بندي= والله اعلم تاكلونه شوي ولا تطبخونه
باعشن مانافسه في تجرته ياكود سندي= والحضارم سوقهم معروف وانتم تدهلونه

فايز الشدادي
لاطفى السراج عندك مايشبه غير زندي=مدري انتم ودكم بالنور والا ماتبونه
بو يمن مانافسه في مطبخه ياكود هندي=واليماني راح بموال العرب ويعيرونه

زبن القاضي
جنبك الي من مشاعيب العرب عانه مهندى = ضربت المشعاب فيكم بينه لاتجحدونه؟؟
استلمها كاش يافايز وجاك العلم شندى = اليماني مانشدتك عنه يالي تحذفونه

فايز الشدادي
راح جدك مار اظنه مانسى مشعاب جدي=ولا انت ناسي فايز الليله ومشعابه وشونه
مرة تسرع بتكسيك ومرات تهدي=يمكن الركاب مره ثانيه مايركبونه