طاروق من الصويته عبدالله السعير وحمد الدحابيب

[حمد الدحابيب]

عبدالله السعير
ياحمد ياحمد لو كل ليله تغيب = كان ماتت عرب وانته سبب موتها
ويش سر السمن يبكي عليه الحليب=والعرب طيبه والطيب في قوتها

حمد الدحابيب
يا السعير ترا التوفيق حظ والنصيب = والعرب ما ترد الا على صوتها
مثل السر الغبيب اللي عليه الزبيب = جود أقطع ولك فيها قبل فوتها

عبدالله السعير
ياحمد لو يطيح الذيب وسط القليب = شفت كل الدداسن تسبق فروتها
لو تشوف البعيد ولو تشوف القريب = تعرف ان البحور اولى بها حوتها

حمد الدحابيب
المشاريع ماتخلق على راس ذيب = والمواتر تغير شكل كبوتها
أنت تمدح سمك بحرك ومدحك عجيب = والخواجات تمدح طعم بسكوتها

عبدالله السعير
المشاريع لو تضرب عليها صليب = كان تسكن جنون الأنس ببيوتها
كل جره تقص وكل مري يجيب = كورة ابليس تال الليل ويشوتها

حمد الدحابيب
كان علتك هذي ما قدرها الطبيب = أخر طب كيتها لمنعوتها
ما يصد المعاق ولا يشوت العطيب = كان حرب العزيزة فز عكروتها

عبدالله العسير
حرب مبطي لقاها فالنهار الصعيب = وجدة ابليس تطبع باقي كروته
ياحمد لو تشب اليوم بكره تشيب= ثم تزعل على الديره ومنبوتها

حمد الدحابيب
أثر صبوحه القشرا خطبها نصيب = وأطبقت نكتت الجده بمنكوتها
كل فعلٍ وله ردة تخيب وتصيب = مثل ما عزت بالبنان بيروتها

عبدالله السعير
ياحمد لو خطبها وانت صرت الخطيب= تاكل من العنب وتغص في توتها
كان جرحك بوسط الدار جرحٍ عطيب = كل ما شفت خطبه ياحمد فوتها

حمد الدحابيب
أنت هرجتك مقلوبه ونيتك عيب = ياحلايا الوصوف الي على نوتها
مير حربي وذا فالك وحالك رهيب = أشبع بسمنها اللي فوق مفتوتها