حمد الدحابيب وفوزي المالكي

[حمد الدحابيب]

حمد الدحابيب
سلام والله يكرم أصحاب الفعول الطيبات = اللي مباديهم تشرفهم وهم كفوٍ لها
المالكي ما بيني وبينه غلا ومجاملات = أعرفه مجرم حرب ودورب العاانه كلها

فوزي المالكي
يامرحبا بك في محلك وانت راع الموجبات==فل السوالف ياحمد طالبك بالله فلها
المالكي ياخوك ماخلى العرب فرق وشتات=المالكي كب المطفق والمجنن فلها

حمد الدحايبب
دام البقا والليل مظلم والعيون مفتحات = أخلها لا شفت نظرة بغض ثم اخلها
ماضاع حق أصحابنا اللي مايجون الا بوصات = هذي عوايدهم وهذي ردة افعالٍ لها

فوزي المالكي
يالمري انا ادري بك انك من رجاجيل ثقات==ياكم نفوس ياحمد تجهل من اللي علها
هلحين ترجع تشتكي وانسيت واللي فات فات==وانت السبب فيما حصل لكن روح وقلها

حمد الدحابيب
يا مالكي من لا ملكه نفسه يلا راحت وجات = تخالفت فيه الظنون أدقاقها مع جلها
الطيب اللي لا درا أن صاحبه في لازمه بات = ماينتظر قولة تعال أيجي وهو طربٍ لها

فوزي المالكي
لا من وصلت للحلوق ان قول يالله الثبات=وش حاجتي بسيوف وسط الحرب يصعب سلها
ان كان مابه سيل يالمري ترى ما به نبات=المسئله عند ابو جابر مير يرفض حلها

حمد الدحابيب
يا بوسعيد الناس مهما كان ماتمنع غنات = وأنته تباطيت الرواتب قبل ياتي حلها
السيل قبل يعمر الديرة يدمرها وفات = وأكبر دليل الهند شف وصار قبل يزلها

فوزي المالكي
لا والله الا روحت بيع وشرى ومساومات==بعض البضايع فاسده والناس تعشق دلها
السيل قد جاء الهند دمر والذي قد مات مات==لكن به حيين تحيي الهند واللي حلها

حمد الدحابيب
حسبي على أخوان اليهود اللي تبيع مخدارات = اللي تغش الناس وكبود الشباب تغلها
مدري متى ربي يجيب الغيث بقدوم الولات = اللي يلا مرت بلاد بطيبها تحتلها

فوزي المالكي
ياخوف قلبي من اليهود ان كان حلت بالفرات=لكن خلك يالعراقي دونها وافطن لها
جاك الفرج جاك الفرج لكن يارجال هات=عطني سبب مقنع وتبشر بالذي يشتلها