عبدالله السعير وفايز الشدادي

[فايز الشدادي]

عبدالله السعير=
ياسلامي سلاامٍ فيه كل الفنون= ردةٍ طيبه ذا الليل نبدابها
ليت فايز يقوم ويمسك المكرفون= نبحث السالفه وندور اسبابها

فايز الشدادي=
مرحبا يالمسلم ياعسى ماتهون=ودايم الطيبه من حظ من جابها
امسك المكرفون وجر زين اللحون=والعلوم الجزيله ماانقفل بابها

عبدالله السعير=
كل راسٍ بوسط القوم يحم المتون=واللحا قدرها مربوط باشنابها
لويهب الهوى ليله وليله سكون=الخيام الرديه تومي اطنابها

فايز الشدادي=
مايقديك راسك كان مالك عيون=والمسافه طويله واحسب احسابها
كل مبنى على ساسه وقو الركون=والقوى الحاكمه من قوة احزابها

عبدالله السعير=
شفت لي شخص قرقع ياولد فالصحون=كل ديره ركع ركعه وصلاابها
الأمانه بحفظك ياولد لاتخون=امنتك العرب وانت اطيب اقرابها

فايز الشدادي=
قلت للناس بس الناس مايفهمون=ماتصح الصلاه الا بمحرابها
علة السن تثر في جميع السنون=والامانه ثقيله وانتم اصحابها

عبدالله السعير=
العرب لوتسدد دين تبقى ديون=واللعرب للخزى ماتتعب اركابها
لنمونه كثيره مار لو يسفهون= ماتت السالفه ثم مات طلاابها

فايز الشدادي=
لو بعض العرب من حجهم يسلمون=كان كل الذنوب خفاف بارقابها
وقفوا باقي الطلاب لايدرسون=المدارس هي النكبه لطلابها