بدر المغيري وفايز الشدادي

[فايز الشدادي]

بدر المغيري=
مرحبا ترحيب وافي على المعنى يروح= من هجوس بالوفا ما تبيح سدودها
ليش فايز يالحسيكي ورى صوته بحوح= اتعبوه الحرث اليوم في مردودها
فايز الشدادي=


البقا ياشاعر منته بقاصر شبوح=والليالي بيضها قافيات لسودها

والله اني يابدر فاللقا سيف ذبوح=ماحسبت حساب طول الدير وحدودها
بدر المغيري=

جرحكم توه برى مير ابا زيد الجروح= ديرتن ما هيب الك ياولد لاترودها

أنت ودك باللبن مير فاطركم رموح=دفك المجرم على الطلقه وعبرودها
فايز الشدادي=


انت جرحك مابرى بس انا عندي مسوح=بمسحك وان طبت روح لاعاد تعودها
راسي ضلع الهدا لونطحته يالنطوح=ينكسر قرنك ترى ماتهز حيودها
بدر المغيري=

منت لاقي عندنا لا غبوق ولا صبوح=أكل حبك فالسعه والعرب من جودها

انت مشهابك ضعيف وقدرك مايفوح=لا تماريلك رماحن تجيك الهودها
فايز الشدادي=

ماوراك الا المجاعه وفي رزقك شحوح=ماتذك الشاه لو ينكسر عجرودها
ابك مشهابي كواياه في جلدك نجوح=ماانت منكر حجة حاضرين اشهودها
بدر المغيري=

كم ذبحت من الدبش كم ذبح شيخ الطللوح=وكم ذبح سلوم قوم ببطن لحودها
لو نذكر فايز العلم يوم انه ينوح=كل جثه هامده البلا من دودها
فايز الشدادي=

من يمين عجار مابين روقه والطفوح=كم وكم شيخان ذبحت وذبح جنودها

ابتلش سلوم بالسر ماوده يبوح=يوم ضوى بكرته منكر مفرودها