محمد رشيد وفايز الشدادي

[حســين الحارثي]

محمد بن رشيد



في محل اللي يكّمل في وجوب اضيوفه=
=ياسلام الله سلام ٍ من صميـم افـوادي
فالوعد مايمنع الرجال كثـر اضروفـه=
=جيت فالموعد ونادوا فايـز الشـدادي


فــايز الشدادي



في حلال اهل الوفاء اللي بالكرم معروفه=
=مرحبـا ترحيبـة ماتخلـف الميـعـادي
الوعد دونه وعد والعلم وسـط ظروفـه=
=ليه غبتوا ياعسـى مابـاس يالاجـوادي



محمد بن رشيد



استوى المسرى وزان القاف بين اصفوفه=
=سجل التاريـخ بالهجـري وبالميـلادي
انت غايب لك ثلاث اشهور مالك شوفه=
=والا انا والحمدلله فـي ربـوع ابـلادي




فــايز الشدادي



الذهب في كل دوله عملة مصروفـه=
=والتعامل كاش مايقبل ترى الاقصادي
عن لزومي مااتغيب والمراجل حوفه=
=من غزا فاد الكسوب ومن قعد مافادي





محمد بن رشيد


اكثر العالم يافايـز مالقـى مصروفـه=
=انتبـه للسالفـه سـدّ الشفـا نقـادي
رحلتك هذي تراها بالخطـر محفوفـه=
=والله اعلم .. وانت ماتعلم متى المعوادي



فــايز الشدادي




من يحط اسمه مع اسما العالم المحذوفه=
=ماحدٍ داري عنه نقصه على الاعـدادي
المدرب خطته صارت ترى مكشوفـه=
=والعرب ماعاد تقبل لعب هاك النـادي




محمد بن رشيد




الكلام اللي كتبته ماقريـت احروفـه=
=العرب فالضلع وانته مع مسيل الوادي
عندنا غالي .. ياراع الصوره المألوفه=
=غيبتك عنا ترى ماهي بشي ٍ عـادي



فــايز الشدادي


البلا ماهوب فاللي ياالعميل نشوفـه=
=البلا في حاجةٍ تخفى على النقـادي
لاتلومه لويغيب الوقت قصر شوفـه=
=ولالقى شخص يدله ياشعوب الضادي