عرضه ومجال الرد فتوح

[ابراهيم المالكي]

اسمحوا لي بهذه المشاركه وهي اول مشاركه لي منذ تسجيلي في المنتدى
واذا فيه خطى بطريقه فتح الصفحه او لازم اخذ اذن لبدا اي محاوره علموني
تروني ماني ملم بقوانين المنتدى والرد مفتوح اللي بيرد يامرحبا به

البدع

سلام واكرر سلامي مية ســــــــلام
سلام ياهل الجود والعرف والقصيد
جينا وشرفنا معاكم في الميـــــــدان
من بعد كلمنا حسين امتــثــلنا لمره
رضى لبوبندر وتقــــــــدير ربعنـــــا

تحياتي

[عبدالله غازي السعير]

ارررررحب يالمالكي

وخذ راحتك


والمنتدى مافيه قيود ارحب

وحنا نفرح بك وامثالك


وصح لسانك ولاهنت بدعه طيبه

ونتظر من يكمل البدعه

وانت اخو وعزيز والمنتدى مفتوح للي يب

[ابراهيم المالكي]

الله يسلمك
وانا منكم وفيكم ولا اريد ان اخترق قوانين يضعها المشرفين للظبط المنتدى حتى لو كنت ضيف
وانتظر الرد من شعراء الميدان

[حمد الدحابيب]

مرحبا هيل عداد السيل في محلك وبين ربعك

وأسمحلي اتشرف بالرد عليك

الرد

يامرحبا والحرب في عيوننا سلام
كشفت للمقصود صدري وهو قصيد
جيتو وشرفتوا هل الخيل و الميـــــــدان
يامرحبا وحسين ربي يطول عمره
اللي دعاكم في محله و ربعنـــــا

[عبدالله الهميلي]

السلام عليكم ورحمة الله وبركاته

الشاعر/ ابراهيم المالكي
اولا مرحبابك في محلك وفي منتدى الجميع
ثانياً لله درك على البدعه الرائعه
سلام واكرر سلامي مية ســــــــلام
سلام ياهل الجود والعرف والقصيد
جينا وشرفنا معاكم في الميـــــــدان
من بعد كلمنا حسين امتــثــلنا لمره
رضى لبوبندر وتقــــــــدير ربعنـــــا



استاذناالكبير
حمد الدحابيب
رد وافي وكافي ولانحتاج جدل في وصف حجم شاعريتك


يامرحبا والحرب في عيوننا سلام
كشفت للمقصود صدري وهو قصيد
جيتو وشرفتوا هل الخيل و الميـــــــدان
يامرحبا وحسين ربي يطول عمره
اللي دعاكم في محله و ربعنـــــا


واصلوا يا ابطال متابعين لكم

[ابراهيم المالكي]

الله يسلمك يا حمد وانت وافي وشاعر مبدع


لك البقـــاء ياشاعــــر يحـــكم النظام
للمنتدى شفت العرب كلــــــــهم وريد
وجيت وانتم كلكم في الحساب اخوان
الكل منكم كفو ماني بجاهــــل قــــدره
بدعيك ياراعي المعاريف وادعـــــــنا

[حســين الحارثي]

الله الله الله
ياسلام عليك يابراهيم المالكي
بدعه رائعه رائعه
والله يحييك حساب الحيا
المنتدى منتداك يالغالي

[ابراهيم المالكي]

الف شكر على الترحيب اخي عبدالله وتراك تشرفنا بالمتابعه

والف شكر لك اخي ابوبندر وترانا نتشرف بالمنتدى واصحابه

[حمد الدحابيب]

ماعليك زود لا زلنا نتعلم مع المبدعين

الله يبارك فيك من جملة النظام
والطيب يجري فالنشامى مع الوريد
واهل الوفا والله ما منهم خوان
ولا عليكم زود يا هل الفخر والقدره
وأن ما عجبك الحال بنروح وادعنا

[ابراهيم المالكي]

الله الله


الونعم اللي يكــــــــــــسب الاولـــه تمام
واهل المثل يقلــــــون يد(ن)بتنـــــجد ايد
لاشي تردى في حيـــــــاتي ولا شي هان
واللي ورد في العلم لابد له من صــــدره
لا حــــــد يغيــــر في رقمنـــا ولا اسمنا

[حســين الحارثي]

الله الله
حمد الدحابيب

وابراهيم المالكي

ياسلام علكما

واصلا واصلا

[حمد الدحابيب]

الله الله

الرد

ياراعي الامثال مبدا وله تمام
لن طول الترديد ولا قصر الترديد
بعض الرجال أصقر شويه من الشيهان
حامي ظهره ومنتهض للوازم صدره
شروا بني مالك ولا هان واسمنا

[ابراهيم المالكي]

الله الله
افهم كلامي في جلوسك وفي المقام
ماكل شاعر يلتقي الحر والبــــــــريد
اعلم تراى ماني بجاهل ولا القيفـان
والمري اللي يعرف الادمي بالجــره
ماهو بداري عـــن خفايا علــــومنـا

[حمد الدحابيب]

طيب طيب

الرد
ماشي تغير فالمراتب ولا المقام
ليتك لبن حوقان تصبح كما البريد
وأحط في قلبك رساله لها قيفان
عنوانها لا شفت يا المالكي لك جره
لا تحسب ان فيها مجاميع لومنا

[ابراهيم المالكي]

الله الله ياحمد
حنا الذي وشـــــم جنوب العــــدى وشام
ان كنت ماتدري فهــــــــذا الخبر وكيـــد
انشد عن اهل الرمح من سابق الزمان
فارس بني مالك تخاف العرب من شره
وعلى الوفاء والطيب ربيـــــت ولــــــدنا

[حمد الدحابيب]

الله الله الله
الرد

وحنا فرضنا السيطره فاليمن وشام
واللي يكيد أنرد كيده بكيد وكيد
والمجرم العاصي حشرناه بالزمان
يومن فارسكم بحيد الجنوب اتشره
مافيه ديره ما اسلمت قصي ولدنا

[ابراهيم المالكي]

الله ياحمد وش ذالعلوم


سيربساقك واحذر احذر مــــــــــن العدام
ترى دروبك في خطر والخـــــــــطر شديد
ماكان ودي تعترض سكة الفرســــــــــان
ترى العرب تعرف شعير الحساء من بره
شي (ن)عليه القول الاصلي وشـــــي خنا

[حســين الحارثي]

الله الله وش هالملازم وش الفتل والنقض
معنى وشقر وحماس وجزاله من الطرفين
والله ان الجهاز مدري الاتصال خانني والا كنت معكم
واصالووووووووووووووووو واصلوووووووووووو

[حمد الدحابيب]

الله الله

الدعاوي تبادل خبرات وأنا المستفيد الاول من أبداعك

ياصاحبي للخير قولٍ وللعدام
واللي مقيم أرتاح باقي على الشديد
وأنت المخير دام فوق الصلف رسان
عنا نعرف الدار بحره ونعرف بره
وأنشد مشايخكم عن فعول شيخنا

[ابراهيم المالكي]

سعدت بالمحاوره معك ياحمد ومعرفة خير ان شاء الله وترى الليل سرى هذي ختاميه رد وتصبح على خير


كلا يموت وربي اللي لــــــــه الدوام
قلبك حجر صوان واقلـــــــــوبنا حديد
ودي تساعدنا ونظهر مــــن الشفيان
باقي تناقل علمنا اهل الصحافه بكره
واقول وشبك ياحمـــــد وانحن اشبنا

[زبن القاضي]

الله الله

وش هالابداع ياحمد انت وبراهيم

[حمد الدحابيب]

صح الله السانك يالقرم

وافي يالقرم ولاهنت وسامحنا على القصور
الرد

معذور لو ما الصبح عندك عمل دوام
لكن يا راع الوفا حدكم حديد
عساك من الوجاع يا صاحبي شفيان
أن جيتنا والله لا ذبح لطيبك بكره
وليا بغيت تعيش الابداع عش بنا

[ابراهيم المالكي]

الاخ زبن القاضي
متابعتك لنا شرف ومنكم نستفيد

[حســين الحارثي]

بيض الله وجيهكما
شعراء جزلين والله
ماينقص المحراف هذا
الا الجمهور والصفوف للتشجيع
بيض الله وجيهكما بياض يشع مع كل ريع
قارعه رائعه وتكافئ وحنكه من الطرفين
وجزاله وقوه وحرفنه وعناد عجيب عجيب
صح الله اللسنتما ولاهنتمااااااااااااااااا

اخوكما
سهيرالليل

[حمد الدحابيب]

أبوبندر مرورك يعني الكثير لاهنت يالقرم


زبن القاضي وماعليك زود وما أنا في هذا اللون الا تلميذ من تلاميذ الشعراء

لاهنت يالقرم

[ابراهيم المالكي]

الاخ العزيز على قلبي حسين الحارثي
دائمآ تحرجني بطيبك وانت صاحب الابداع الحقيقي وانت الذي رسم واسس هذا المنتدى لكي يبدع المبدعون امثال اخي حمد لك مني خالص الشكر والتقدير


الاخ العزيز والزميل الغالي حمد
لك خالص الشكر والتقدير وانت مبدع بمعنى الكلمه اعذرني لو جاء منى خطى وتقبل تحياتي

[زبن القاضي]

صحت السنتكم والله وافين

ياحمد

لله دركم

[سعود الروقي]

صح اااااالله

السنتكم يا شعاار

اخوي ابراهيم المالكي واخوي حمد الدحابيب

اخووكم سعود الروقي.

[حمد الدحابيب]

ماعليك زود يابونهار ولاهنت يالقرم

سعود الروقي صح بدنك يالقرم ويشرفني أن تكون أول مشاركاتك معنا في موضوعنا هذا



أشكر مرورك الكريم وفي أنتظار أبداعك

[عبدالله بن مستور الحارثي]

يا سلام يا سلام ابداع ابداع
ابراهيم المالكي و حمد الدحابيب
صحت السنتكم جميعاً
حمد كل يوم يزيد اعجابي بابداعاتك ولا يهون المالكي
تحياتي

[حمد الدحابيب]

عبدالله بن مستور الحارثي

لي الشرف طال عمرك وماعندي قليل بأنسبه لما عندكم

لاهنت على المرور يالقرم