فايز الشدادي & حسين الحارثي

[عبدالله الهميلي]

فـــايـــز الـــشـــدادي=
الليله الملعبـه بنـت تفـل الجعـود=ان ما هجدها حسين الليلـه بتهجـده
حسين لاجاه ضيف راح يذبح قعـود=لكن له عـام ثوبـه ليـه ماجـدده

حـســيــن الــحــارثــي=
الليله الثعل اشوفه في عرين الاسـود=يامقرده يوم جـا للمـوت يامقـرده
الرجل يقلط مع اللي للمراجل وفـود=مايقرب اهل الردا والحسد والمنقـده

فـــايـــز الـــشـــدادي=
الغابه ام الشجر لاصار اسدها شرود=كلن تجـرا عليـه ويقعـد بمقعـده
مدري بلا العقد من راعيه والا البنود=والا ظهـر للمقـاول واحـد هـدده

حـســيــن الــحــارثــي=
الياهرج بارد الخدين رخـو الزنـود=كلٍ يناوله قـدره بالوفـا مـن يـده
مادام منته منافس وش تبي بالعقـود=لاتمتحن صاحبك والصفر في مجنـده

فـــايـــز الـــشـــدادي=
ياحسين لاصار ماهو لارموح وهبود=ماهو بـلازم تحـط القيـد وتقيـده
ورعك وسماه غيرك يالحسيكي سعود=وراك ماتغير اسـم الـورع وتعيـده

حـســيــن الــحــارثــي=
لاوالله الا هبود ان شاف ناسٍ قـرود=ان جا سعيّد باسم صاحبته اسعيـده
الحمد لله ولدي فيـه نخـوه وجـود=اسمه مابيـن القبايـل كـلٍ يمجـده

فـــايـــز الـــشـــدادي=
خابرك لاشفت لك طرقي تطش الورود=وتسجد لربك سجود الشكر ثم تحمده
ياطول حسك وخايف لاتقوم الرقـود=لوترفع الصوت كل قام مـن مرقـده

حـســيــن الــحــارثــي=
اللي ليامن مشى فالمشي يرقا سنـود=افرح بشوفه واحارب من بنا يحسـده
ماني من اللي يبيح في بعيد السـدود=الا ان خصمي من الطرقه يقل اجهده