حسين الحارثي & حسن الوطري

[عبدالله الهميلي]

حسين الحارثي
يامرحبا ياحسن من بعد ماجيت وتعنيت=للمنتدى اللي شمخ باعضاه واصبح فوق عالي
حنا ندور رجال العرف وهل الطيب والصيت=شرواك ياصاحبي نفرح بهم نعم الرجالي

حسن الوطري
دام البقا يالمرحب عد مـا حـيٍ ذكـر ميـت=واعداد ما لاح براق السما بعـرض الخيالـي
وانا ان دعاني مثل شرواك اله يا صاحبي جيت=تسوقني حشمـه وتقديـر يـا قـرم العيالـي

حسين الحارثي
تعبت اجامل يابو عبدالله ومليت مليت=ياهملالي من اللي قد جرا ياهملالي
ياليت ماتنفع الرجال لو هو قال ياليت=وايامنا البيض تقفاها محاليك الليالي

حسن الوطري
يا حسين دنياك ما تاتي حسب مانته تمنيت=ولا كل منهو برك للحمل يا بو زيد شالـي
دنياك كد شيبت من قبلنا ربـعٍ عناتيـت=والوقت من قبلنا ما بين مر وبين حالـي

حسين الحارثي
احدٍ يجاوب واحد مايلتفت لوكان ناديت=راح الحسب والنسب في هالزمن عند الريالي
من كثر مااقبلت مع هالناس يالعراف واقفيت=حصلت ماحصله بندر سرور اول وتالي

حسن الوطري
يا كثر ما شافت عيوني ولكن عنهم اغضيت=يعجبك بالزول وان فتشت تلقا الخرج خالي
لا تسري الليل بالظلما بموتر طافي الليـت=خلك مفتح وناظـر بالجنـوب وبالشمالـي

حسين الحارثي
ابشرك عن ديار الحسد والنمات شديت=واللي يبا خوتي يامرحبابه دوم غالي
فكر وميز وتلقى ماعنيته داخل البيت=واعرف تراني ماثبتها على الجرف الهيالي

حسن الوطري
الله يسمـح طريقـك كـان للقـدام حثـيـت=الرجل يتبع هـوى نفسـه ولا فيهـا جدالـي
افهم واميز وعارف مقصدك من حين ما ابديت=الطـرق مـن بيننـا كمـل ولله الكمـالـي