((متى الله يلم الشمل)) مصافحه اولى لقلوبكم النيره

[زيد بن سلمي العضيله]

اعزائي شعراء الميدان ومتابعينه من الزوار
السلام عليكم ورحمة الله وبركاته
اولاً / احب ان اشكرصاحب هذا الموقع الجميل الاخ الشاعر/ حسين الحارثي
على مجهوده الرائع في سبيل الحفاظ على الشعر بجميع انواعه
وتقديمه للاجيال القادمه وهو في صوره تليق به وبمن حفظوه من الاندثار.كما اشكر كل طاقم ادارته الموقره .
وثانياً /اوجّه له تحيه خاصه من الاعماق على تقديمه الدعوى لي ولو اني تاخرت عليه في الاجابه بالانظمام الى موقعكم هذا.
هذه اول مصافحه اصافح بها قلوبكم الطاهر ه الطيبه ارجو قبولها والعذر في القصور ويعلم الله ان الوقت ليس ملكي للتواصل معكم ولكن سوف احاول جاهداً بالتواصل لو في الاسبوع مره او الشهر مره واحده لارضاءكم وارضاء ذوائقكم الرفيعه.




انا البارحه ونيت يوم العباد هجوع=سرى الليل عيني نومها ماتهنتبه

الا واعنا عينٍ جداها سهر ودموع=ليا اكتض ناظرها من الدمع هلتبه

على اللي شعا قلبي ومن شوفته ممنوع=بعد ماغلاه إعروق قلبي تغذتبه

سقاني بكاسٍ فيه سم الغلا مجموع=شربته وكل أعروق جسمي تساقتبه

صبورٍ على فرقاه غصبٍ بليا طوع=وسود الليالي غيبتبه ولاجتبه

وصبري قضى والوصل من بيننا مقطوع=ولاادري عن الايام وش عاد سوتبه

متى الله يلم الشمل يابو ثلاث اردوع=وتفرح بشوفك عين ماعاد فرحتبه

عيون الحزين العاشق الصابر المليوع=دروب الوسيعه عقب فرقاك ضاقتبه

تحملت صبر افراقكم والفراق يروع=وعزي لمن دورات الايام دارتبه

[زبن القاضي]

شاعرنا الغالي زيد بن سلمي صح السانك على هالابداع اولا ً ومرحبا فيك في منتداك الذي اشرق النور عليه بقدومك ياااااااااااااااااامرحبا تراحيب المطر يابو ممدوح******************

اخوك/زبن القاضي

[خليل المطيري]

بسم الله الرحمن الرحيم

زيد بن سلمي

السلام عليكم ورحمة الله وبركاته


صح الله لســـــــــــــــــــــانك وعلا شانك
قصيده جزله من شاعرٍ جــــــــــــــــــــــــزل
وحياك الله تحية المطـــــــــــــــــر في هذا المنتدى

بارك الله فيك وفي حروووووووفك

تقديري واحترامي

اخوك
خليل اليابسي

[مشاري الكرشمي]

زيد العضيله

لله درك وصح لسانك

قصيده جزله ولاغرابه فهي من شاعراً جزل في النظم والمحاوره

دمت بخير

[حســين الحارثي]

يامرحبا ترحيبةٍ ترفع الراس=عداد مالاحة بروق المخيله
بالشاعر اللي ذاع صيته مع الناس=بالعرف والحكمه وجلب الجزيله
شاعر خناذف يوم الارياق يباس= يوم ان كلٍ دون صيت القبيله
معَ شليويح وخليف ابن دواس=كلٍ عرف فالشعر زيد العضيله

ابو ممدوح
الشاعر / زيد العضيله
مرحبا ترحيب وافي لرجل وافي مع جل الناس
تلبيتك لدعوتي دليل على تواضعك ونبل خلقك وسمو فكرك
ويشهد الله ان وجودك وانظمامك الى منتديات شعراء الميدان
فخر ومكسب كبير اولاً لانك رجل وعرفك تجاره وثانياً لانك شاعر واسمك له وزنه ومقداره
السنه عيدين وانظمامك لنا عيد ثالث يابو ممدوح
نتمنى تواصلك معنااااااااااااااااااا بقدر ماتسطيع يالوفي
والله يحييك اليوم ودوم

اخوك
حسين الحارثي

[عبدالله الحليفي]

صح لسانك يابو ممدوح

وقصيده رائعه من روعة شاعرها

ومرحبا تراحيب المطر

[عبدالله الهميلي]

الشاعر العلم / زيد العضيله
مرحبا بك تراحيب الحيا
وصح لسانك وعلا شانك

قصيده رائعه من شاعر رائع

سجل اعجابي بقلمك

[حمد الدحابيب]

الشاعر الكبير / زيد بن سلمي العضيلة

مرحبا هيل عداد السيل


يشرفنا أنضمام عمالقة الشعراء أمثالك وتواصلهم مع محبينهم وجماهيرهم

صح الله السانك عزالله أنك أبدعت

تحياتي

[نايف المحينيش]

ابو ممدوح

زيد العضيله

صح لسانك مدد بلا عدد

ولاهنت


وجودي وحظوري هنا فقط لتسجيل حظور والا انت


فوووووووووق هام السحب يابو ممدوح



فائق تقديري واحترامي



نايف المحينيش

[متعب العتيبي]

ياهلا ويامرحبا بك يازيد

وصح الله لسانك على هالجزله الوافيه

ولاهنت

[بدر غــــازي]

ابو ممدوح

شاعر لايختلف على تقبّله أي ذائقه سواءآ في النظم أو المحآوره ...!


يابوممدوح أسعدت الشعر بحضورك في كل حين



تقبل الاحترام والتقدير ..!


بدر غازي

[عذبي بن دواس العازمي]

السلام عليكم ورحمة الله وبركاته

الشاعر الكبير : زيد بن سلمي العضيله

صح الله السانك ولاهنت قصيده جزله من راس جزل ولاهنت

لك الابداع ولنا التصفيق يابو ممدوح

[نديم الطيف]

الشاعر الكبير / زيد العضيله
================
الله يحييك وكلنا نتشرف بوجودك ونستفيد منك

وماقرأناه عقد من الجوهر مكتمل النظم

صح لسانك ملايين

[عبدالله غازي السعير]

ابو ممدوح ارحب حياك الله في منتداك

وابرك ساعه

وصح لسانك مدد بدون عدد علمآ بان زيد شاعر غني عن التعريف

ونبي ندعي معك ونقول الله يجيبه

ولله درك على هالقصيده الطيبه

[محمد الصاعدي]

أبو ممدوح
جميلٌ من هذا المنتدى والقائمين عليه ان يجمعنا بروائع زيد بن سلمي

أبو ممدوح ياللي بالوفاء والخلق الجم ممدوح ....... تواضعك يغرينا أن نرفع الكلفة بيننا
فأهلاً بك وبوعدك .......... الذي أسعد الروح وأستثلجت به الصدور العطشا لتذوق الشعر من مصادره.
قطعت الوعد يا زيد في شهر وألا أسبوع
وفرحنا بوعدك و الاجاويد شهدتبه

[زيد بن سلمي العضيله]

الاخوان الكرام الافاضل/

زبن القاضي
خليل المطيري
مشاري الكرشمي
حسين الحارثي
عبدالله الحليفي
عبدالله الهميلي
حمد الدحابيب
نايف المحينيش
متعب العتيبي
بدر غازي
عذبي العازمي
نديم الطيف
عبدالله غازي السعير
محمد الصاعدي


الف شكر لكم على المرور والاطراء ويعلم الله اني ممنون لكم
واطلبكم العذر والسموحه في التاخير في الرد عليكم لقلة فراغي وانشغالي عنكم
ليس تجاهل او سفه لكم يعلم الله
اتمنى ان اتواصل معكم لو في الشهر مره مثل مابلغت واخبرت الاخ حسين
ودعتكم الله

اخوكم
زيد العضيله