العرابي والقارحي

[حســين الحارثي]

العرابي :


مرحبا ترحيبةٍ تمشي على نهج وعقيده=بالنيابه عن رياجيلٍ وفانا مع وفاهـا


إتفقنا ما آفترقنا ثم جينا فى الوعيـده=والليال تدور والليله رفيعٍ مستواهـا


القارحي :


البقا بالصاحب اللي يا عسى ربي يزيده=راعي الماقف له المقدار مـا دور جزاهـا


سير البابور لين البحر يمرج في حديده=ما نبا كثر الثنا والمدح لين اتهل ماهـا


العرابي :



لاتعجّل لين مرسول العرب ياصل بريده=لك علومٍ طيّبه للحين تمشي في سراها

قابل أهل العيد يوم العيد بثيابٍ جديده=ثم عايدها مثل غيرك ولاتبحث خفاها


القارحي:


يا جماعة خير صياد العرب ما احدن يصيده=لو تقولون العرابي باعاهـا و إلا شراهـا

الهذيلي ما رمى نفسه على قاطع وريـده=ردها عن دربها و إلا ترى تغدي وراهـا



العرابي



الهذيلي كم يريـد ويفعـل الله مايريـده=والعرابي طول عمره يعرف البير وغطاهـا

آنت وش يفزعك من هالحين والرميه بعيده=ياعطاالله مايفك حروفها الا اللي قراهـا


القارحي :


أنت رجالٍ مفيد وجبت لك جمله مفيـده=أعرف أن اللي أبصر الجمره برجله ما وطاها

يا العرابي لو يطول الليل ما فكيـت قيـده=البعير الحر لو يرمحك مـا تلقـى دواهـا



العرابي



آنت رجالٍ تبى الرميه تجي ماهي سديده=ودك إن الناس تهرج من خلاها في خلاها

خلنا يالقارحي نقرب من بليس ونكيده=والروايه نعرف اللي جابها واللي رواهـا




القارحي :


رميتي يالحارثي راحت على الكبـد اللهيـده=خل هرج الناس هات اللي قفص صدرك حواها

يا بني الحارث غدى منكم حسب علمي فقيده=غاديـاً لـي ديـرةٍ ماكـل رجـالٍ غـداهـا





العرابي


لاتعرّيها وآنـا مانـي مسرّيهـا وحيـده=جاب نص الكف ماله شف وأعطيته ملاها

لن بغيت الصدق لاتبدي بها مده زهيـده=يالهذيلي قبل أشوف جنوبها يلمع طلاهـا





القارحي :

راجع أول قافك انكان الشعر تملك رصيده=خذ نصيبك و أترك الباقي وعينك ما تراها

يا زمان الشوم ياكيف الأبو ينكر وليـده=جيت أناديها بأساميهـا ولقتنـي قفاهـا





العرابي




لاترشّد ياعطاالله غير بالناس الرشيـده=ماحكم دولة سبا رمح وشبا غير أومراها

الكلام اللي نسيته من كثر ما آنته تعيده=لو نقلّك حفّظه طاحت سنونك من جماها




القارحي :


يا عبيد الله ترى هارون رشده من " زبيده "=ما حكم دولة سبا " غير إمراه ما احدٍ عصاها

ذكّر الناسي لعـل الله يبـارك فـي قصيـده=و الذياب اللي تحد اسنونها تلقـى عشاهـا