المساعد الشخصي الرقمي

مشاهدة النسخة كاملة : يهبط السوق رجلٍ يعرف اللي يسام

عبدالله الهميلي
15 - 11 - 2006, 00:00
السلام عليكم ورحمة الله وبركاته

ودي اجرب حظي معكم ياساتذه



من هجوس الهميلي للرجال الحشام= ياسلامي على اليمدان واللي بناه
يهبط السوق رجلٍ يعرف اللي يسام=دام سوق الجزاله غالي مشتراه
فوزي المالكي
15 - 11 - 2006, 00:04
الله الله ياسلالالالالالام

ياسلالالالالالالالالالالالالالالالام

ارحب ارحب



جزل جزل


في انتظار احد الشعراء للرد عليك
عبدالله الهميلي
15 - 11 - 2006, 00:05
مرحبا بك يافوزي

متابعتك شرف يالقرم

لاهنت لاهنت وماعليك زود
عوض القرني
15 - 11 - 2006, 00:34
الله هالله

استلم طال عمرك:


مرحبا هيل ومن اجلك نرد السلام=لان شرواك عالي عندنا مستواه
هات علمك وصلبّنا تراك الايمام=وانتبه ترتكب شي ٍ يخل الصلاه
حســين الحارثي
15 - 11 - 2006, 00:34
الله الله عليك يالهميلي
مبدع مبدع والله
اتمنى اني فاضي لكن اليوم احرقت كل طاقني البدنيه في هذا الميدان
ننتظرمن سوف يخاويك في هذه الرحله المكوكيه الممتعه باذن الله
حســين الحارثي
15 - 11 - 2006, 00:41
ابو سعد
ياسلام عليك رد وافي وشافي
والله اني رديت اولى ماشفت ردك لكن اكيد اني بعد ان قمت اكتب انت نشرت ردك
عبدالله الهميلي
و((الحميد)) عوض القرني
يعني وجبت المتابعه مافيها كلام باذن الله
عبدالله الهميلي
15 - 11 - 2006, 00:45
اكبر شرف اللعب معك استاذ عوض

استلم لاهنت


البقا يامرحب يارفيع المقام=وانت شاعر مع العراف حلو نباه
البحر عاتيٍ موجه وفيه الهيام=والمجاديف بيدين الرخوم العصاه
عبدالله الهميلي
15 - 11 - 2006, 00:47
ابو بندر

والله اكبر شرف متابعتك
واكبر شرف اللعب مع المستشار عوض القرني

اتمنى اني اجاريه ولو بالشي البيسط
الله يجملني منه
عوض القرني
15 - 11 - 2006, 00:56
الله يشرف مقدارك يالغالي :


ما على مثلك وشرواك زود وكلام = يالله يارب ترشدنا طريق النجاه
والسفينه تخبط بين شرق ٍ وشام = جنبت دربها اللي ما عليه اشتباه
عبدالله الهميلي
15 - 11 - 2006, 01:02
طيب طيب

استلم لاهنت


الوسم ماجي فـ لراس والا السنام=مير اشوف الجمل وسمه بدا في قفاه
والعرب ماتميز بين حل وحرام=تعبد الشجره اللي ماوراها جناه
حســين الحارثي
15 - 11 - 2006, 01:11
الله الله
ياسلام ياسلام ثنائي مبدع
والله ياخوي عبدالله انك مبدع وجزل
والاابو سعد عاد معروف وغني عن التعريف وهو استاذ الكل
لكن انت ماشاء الله عليك واصل واصل
ابو سعد شد عليه خله يطلع معك والا يبنشر هههههههههه
عبدالله الهميلي
15 - 11 - 2006, 01:14
خخخخخخخخخخخخ

يابو بندر

انا تلميذ بينكم
وابو سعد استاذ للجميع ومنه اتعلم واستفيد

الله يحفظك يابو بندر ويحفظ مستشارنا

ويعلم الله ان متابعتك اكبر شرف
عوض القرني
15 - 11 - 2006, 01:19
ما تشوف الجمل ملوي عليه الخطام = ياكل اللي يباه ويترك اللي يباه
العرب ما يحبون اتباع النظام = عالم فوضويه تعكس الاتجاه
عوض القرني
15 - 11 - 2006, 01:20
يابو بندر اهم شي انك متابعنا :)

هذا اكبر مكسب
عوض القرني
15 - 11 - 2006, 01:21
يا عبدالله لاتكبر راسي تراني اصدق :)
عبدالله الهميلي
15 - 11 - 2006, 01:27
طيب طيب

والله انك كفو
وشاعر مبدع

استلم لاهنت


يالحميد الذيابه صيدها فـ الظلام= وانت اشوفك تدور للسراج وسناه
العرب للخساير يلبسون الوسام=والخساره سببها ترك ركن الزكاه
حســين الحارثي
15 - 11 - 2006, 01:34
واصلووووووووووووووووووو قسم بالله ابداع
عبدالله الهميلي
15 - 11 - 2006, 01:41
تسلم يابو بندر
يعلم الله ان متابعة مثلك شرواك في المكسب وراس المال

الله يجعلني ما اعدمك
عوض القرني
15 - 11 - 2006, 01:42
ما عليك زووود :



كل بيتن تسجل فيه لغز ٍ تمام = يالله انك توفق من كتبه وقراه
فيه رجل ٍ شريف وراح يظهر قوام = ما لها يالهميلي عقب هذا سواه
عبدالله الهميلي
15 - 11 - 2006, 01:50
هههههههههههه
يابو سعد

استلم لاهنت


جعل راس الهقاوي المخطيه للرحام=وجعل ربا السما يغفر لعبدٍ نساه
بكرة الشيخ تابا من دروب الزحام=يامقدي القوافل يم ضلع السراه
عوض القرني
15 - 11 - 2006, 01:58
هههههههههههههههههههههههه


صاحبك ملتزم يرشدك للالتزام = والله ارحم بمن يخطي ويدمح خطاه
اقر الايات بعد مرور الالفين عام = تعرف انا نسينا كل شي في الوصاه
عبدالله الهميلي
15 - 11 - 2006, 02:11
طيب طيب


ماعليكم ملامه ولاعلينا ملام=من يقدم جنيه الزوم ياخذ كماه
وانت رجلٍ نعرفه من خيار الانام=والسلامه غنيمه والردى مانباه
عبدالله الهميلي
15 - 11 - 2006, 02:15
ختامها من عندك يابو سعد
وصح لسانك
وبيض الله وجههك

يعلم الله اني تشرفت باللعب مع شاعر مخظرم بحجم ابو سعد
والوقت متأخر وورانا دوامات والا والله العظيم تمنيت ان القاف يطول معاك

تقبل احترامي استاذ عوض القرني

اخوك الهميلي
عوض القرني
15 - 11 - 2006, 02:17
شف حسين ابتعد عنا وراه استلام = ما درى انا علشانه وفي منتداه
الردى جنبه والكفو غاية مرام = يسعد الله مساك ويسعد الله مساه



واسمحلي يالغالي وراي دوام وعزالله شاااااااعر جزل وطاروقنا خذا منتهاه
حســين الحارثي
15 - 11 - 2006, 02:35
صح الله السنتكم
بيض الله وجيهكم
لاهنتو الله
جزاله وبساله من الطرفين
بندر الحارثي
15 - 11 - 2006, 22:38
الشاعر الرايع عبدالله الهميلى صح لسانك وياسلام عليك

العلم الشاعر الاستاذ الحميد صح لسانك يامبدع