نكبة عتيبه؟!

[**المتميزه**]

طاروق جديد بين شعراءنا المبدعين.

الشاعر /حسين الحارثي والشاعر / مساعد المورقي

تابعوه وسوف تجدون المتعه والجزاله.


حسين
مرحبا باسم لابه جودها من قديـم
من قديم الليالي ما اختلف جودها
يامساعد نكبت اعتيبه اهل القصيم
قمت تخلط بياض اعلومك بسودها

مساعد
البقا من عتيبين جنابه حشيـم
ربعه الابه الي تعّرف جدودها
احمدالله في دربن سوّي مستقيم
سم في كبد قومن عدة احدودها

حسين
والنعم يامساعد مير شد البريـم
والضماير حذارا تكشف اسدودها
لاتقابل بنى الحارث وحرب وسليم
وانت بندقك فاسد كـل بارودهـا

مساعد
شد حيلك وقاسمني نهار الغنيـم
والتفت في ديارك وابرح احيودها
بين لحم وعظم يالحارثي فالصميم
رميتي مايخل اعيـار عبرودهـا

حسين
أحمد اللي بخلقه يامساعد عليم
مااسكن الديره اللي يطّرَد نودها
كم نصحناك ماتمشي بليلٍ بهيم
والقراد تفارقها يـا مقرودهـا


مساعد
تحمدالله وانا احّ مده ربـن عظيـم
مير حرب الوديعه دفنت اجنودهـا
ليت نصحك يوقي جنبك امن الجحيم
وشب يمناك قامت تجرح اخدودهـا


حسين
الشعر موهبه ويزيد عند الحكيـم
لاتحفر القبور وتسكن الحودهـا
ساكنٍ فالجحيم وتحسد اهل النعيم
والجنان الخضر ماتعرف اعدودها

مساعد
تعرف ان الزعامه من حظوظ الزعيم
وسمنا في قلـوب القـوم وكبودهـا
انت فالارض دايم يالحسيكـي مقيـم
فوق راسك سحابه تدوي ارعودهـا

حسين
من يجي وادي اهل الهيم معهم يهيم
وانا ماطب ديـره سـادة اقرودهـا
كان جت للدعاوي منت ضد و خصيم
مير خل الفتايـل تقـرب ازنودهـا

مساعد
امس فيها لكن اليوم مالك ظميـم
للعرب كيف نفسك بانت جحودها
الشراره تكفيكم بحـرق الهشيـم
مسّرع ان الشراره رمّدة عودها