الديرة اللي رمزها تخله وسيف

[نايف البراق]

السلام عليكم ورحمة الله وبركاته

سلام ياهل الديرة اللي رمزها نخله وسيف= لولا رضا عزّامها ماكان جينا صوبها
اليا لفى ضيف النشاما يحترم ويقال ضيف = ماينشدونه لين يقلط والعرب ووجوبها

[حســين الحارثي]

عليكم السلام ورحمة الله وبركاته
الله الله

يامرحبا ترحيبةٍ مقدارها تمرٍ وكيف
في حلةٍ تفرح بضيفٍ مايعكس ادروبها

حنا بلشنا فالاسامي فارس وراعي وطيف
ماعاد نعرف صادق العربان من مكذوبها

[بدر المغيري]

الله الله مبدى رائع ومرحبا يا راعي السيف بين أخوانك بالنيابه عن الأخوان وعلى راسهم صاحب الموقع الشاعر حسين الحارثي الذي سوف نستمتع بما يردعليك به

ياسلااااااام يابو بندر رد رائع وفي محله هذا النقض ياكبير

[حســين الحارثي]

مشرفنا الكريم / بدرالمغيري
لبى قلبك ايوالله
ابك وينك والله لو دريت انك هنا كان قلت رد لانك راعي محل وهذا ميدانك
على العموم لك يوم يالمغيري يجيك شاعر تدورالسلامه والفراع فيه ماتحصله هههههههه
الله يكثر من امثالك ياخوي بدروالله انك كفو وان معرفتك مكسب فديت راسك تراني احب امزح كثير كثير لاتزعل او تقول هذا علامه ههههههه

[بدر المغيري]

لا يا بو بندر عزيز وغالي

وأنا رهن الأشارة لأي شاعر و عليه معونةٍ بالله سبحانه

والعين ما تعلى على الحاجب

[حســين الحارثي]

لاهنت يابدر لاهنت
ابد اللي المنتدى منتداك والشعراء عندك شب فيه حتى نكسر الركود هذا

[منصور العصيمي]

ياسلاااااام عليكم ياسلاااام0

ابداع ابداع متابع لكم لا عدمناكم 00

[حســين الحارثي]

هلا وغلا
منصور
ارحب ارحب
متابعتك مكسب لاهنت

[فوزي المالكي]

ارحب ياراعي السيف

وحياك الله وحي ماجيت به


ماشاءالله تبارك الله

وان شاءالله نستمتع بطاروق مميز ,,,,,,,,,,,,,,,,,,,,,

[حســين الحارثي]

ابو سعيد / فوزي المالكي
ارحب ارحب ارحب
يالله حيه وجودك ومتابعتك شرف
والطاروق يزين بوجودك ووجود شرواك

[نايف البراق]

الله يبقيكم وكلا باسمه وبارك الله فيكم
والمعذرة على التأخر لاني بدعت وانتظرت مدة طويله
واضطريت للخروج
الآن نواصل ياحسين اذا ماعندك مانع

[نايف البراق]

خلووووووووووووووووووووووووووها

دام البقا ياللي ترحب والخبر ماهوكليف= وأهل المعالي ماتلبس ثوب ماهو ثوبها
الصبر يقفاه الفرج والصيف من عقب الخريف=والنفس يوم الحشر ماتجزى بغير ذنوبها

[بدر المغيري]

كلاااااااااااااااااااام يا راعي السيف صح لسانك

متابعين الليل يابوبندر الله يعينك ياراع يالسيف ابو بندرالليله مخمخ وبكره ربوع إنشاء الله

[نايف البراق]

ههههههههههههههههههههه
حياك الله يابدر وصح بدنك

[مشعل الروقي]

طيب طيب
راعي السيف وابو بندر ولعب كايف
صح لسانكم متابعين
تحيااتي ,,,

[نايف البراق]

أررررررحب يامشعل حياك الله

[حســين الحارثي]

الله الله

حنا على منهج نبي الله والدين الحنيف
وانته تبا الحريه ونفسك هذا عذروبها

ياللي توصي قايد الاسطول مخطي يالعريف
القايد اليا اعطى الاوامر نفذو مطلوبها

[حســين الحارثي]

هلا بدر ارحب اربح
متابعتك نوماااااس
فديت راسك

راعي السيف
نواصل نواصل باذن الله

[بدر المغيري]

أتق الله يابو بندر

البيت هذا ....
ياللي توصي قايد الاسطول مخطي يالعريف
القـــايد اليا اعـطى الاوامر نفذو مـــطلوبها

ما هوب صاحي أنا ما قلت إنك امخمخ الليله

[حســين الحارثي]

مشعل الروقي
ارحب ارحب والله
مرورك من هنااااااااااااا مكسب

[نايف البراق]

طيب طيب

من فضل ربي ياحسين الحارثي ماني خفيف= أقيّس الهرجه قبل تطلع واعرف اسلوبها
مامداك حتى انك تحد القوم للدرب القصيف= والشمس في وسط السما ماحان وقت غروبها

[نايف البراق]

مشكور يابدرعلى المتابعه ولاهانوا الباقين

[حســين الحارثي]

ياسلام عليك
مادام راعي للشداد اش حدك تعود رديف
لو المطيه مالمحة الوسم فوق جنوبها

هذي قوانين الدول ظمن اتفاقية جنيف
تمشي على كل الدول ومنفذه مكتوبها

[بدر المغيري]

والله كلااااااااااااااااااام يا بو بندر درر

[حســين الحارثي]

بدر لبى قلبك
لاتنسى ان راعي السيف داهيه
ميرعليه معونةٍ من الله

[مشعل الروقي]

ياسلام عليك
مادام راعي للشداد اش حدك تعود رديف
لو المطيه مالمحة الوسم فوق جنوبها

هذي قوانين الدول ظمن اتفاقية جنيف
تمشي على كل الدول ومنفذه مكتوبها


طيب طيب يابو بندر واتفاقية جنيف لابد مانلقى فقره من قوانيها فيها استثنائات وان ماطاوعت مالنا الا الفيتوو هههههههه

[حســين الحارثي]

مشعل الروقي
هلا وغلا
انا من اول ابيك محامي واثريك خصم حيالله اقوى منك
اذا نقضة اتفاقية جنيف تقدر تسوي اللي في بالك اما فقره تدخل معها فهي حلم يالروقي هههههه

[حمد الدحابيب]

طيب طيب

كلام كبار ولعب كبار

[حســين الحارثي]

ابو جابر
ارحب ارحب يالدحابيب
الكبير الله سبحانه وتعالى
لاهنت على المرور والمتابعه

[منصور العصيمي]

ياسلام ياسلام عاشو الشعار والصفوف0
الليل الليل امسكو الصفوووووف ياربع الماء ياولد والشاهي الليل الليل00

[حســين الحارثي]

منصور العصيمي
ارحب ارحب يالشبابي
ايوالله الماء لو ان الجو برد لكن الصفوف عطشو
مشكورعلى المتابعه

[فوزي المالكي]

االله الله

ياسلالالالالالالالالالالالالالالالالالالالالام

طيب طيب

كلام كلام

واصلوا واصلوا

[حســين الحارثي]

فوزي المالكي
ارحب ارحب
حي الله الصوره وراعيهاااااااااا
ابو سعيد اثريك؟؟!! شكلي بدرج الطاروق يمك
سعيد بمتابعتك والله

[فوزي المالكي]

فوزي المالكي
ارحب ارحب
حي الله الصوره وراعيهاااااااااا
ابو سعيد اثريك؟؟!! شكلي بدرج الطاروق يمك
سعيد بمتابعتك والله


ابوبندر

اللهم حوالينا ولاعلينا
ههههههههههههههه

[حســين الحارثي]

ابو سعيد
امين اللهم اجعله على بطون الاوديه ومنابت الشجر

[نايف البراق]

طييييييييييييييييييب طيب

أحيان أوررى فالخبر ياحارثي واحيان أعيف= واللي يغر اجنوبها ماطالع لحردوبها
اجنيف ماتضمن قوي ولا تبا تضمن ضعيف = راجع محاورها وتطلع باقيات عيوبها

[فوزي المالكي]

ياسلالالالالالالالالالالالالالالالالام


ياراعي السيف

راجع محاورها وتطلع باقيات اعيوبها

[نايف البراق]

المعذرة على التأخير المتصفح مدري وش قصته

حيا الله الجميع كلا باسمه لاهنتوا

[حمد الدحابيب]

الله الله

اجنيف ماتضمن قوي ولا تبا تضمن ضعيف راجع محاورها وتطلـع باقيـات عيوبهـا

حرام أن راعي هالبيت يكون خلف أسم مستعار

[منصور العصيمي]

ياسلام عليكم محاوره قمه
وراعي السيف والله الضاهر اني عرفته0 اذا مهو راعي العنب والرمان في رمضان!!!!
ونعم فيه والله0
ونعم والله بالجميع

[حســين الحارثي]

منت بعدوٍ لي لياهالحينه ولانت بحليف
مادام ليلى العامريه في حكم محبوبها

ختامها شرف وعرف كان من لابه وقيف
قدام نتفارق ورجلك ينكسر عرقوبها

[زبن القاضي]

طيب طيب يابوبندر
عزالله طاروق ممتع ورايع وبيض الله وجيهكم

[حســين الحارثي]

منصور
ههههههههههههه
منهووووووو راعي العنب والرمان في رمضان

[حســين الحارثي]

ارحب ارحب يازبن القاضي ابو نهار
ماعليك زود ومتابعتك مكسب للجميع
ولكن ليلك باقي ليل شوي نخلص من هنا ونرجع نسهر معك في الطاروق اللي مطروح في هذا الميدان

[منصور العصيمي]

منصور
ههههههههههههه
منهووووووو راعي العنب والرمان في رمضان0
ياحسين يعطيك العافيه خله ونا بن عمك هو يعرف نفسه هههههههههه

[نايف البراق]

ههههههههههه قال عنب ورمان هههه
استلم ياحسين

ان حدّرت تحت الكفر واليا علت فوق الرصيف= نظرة قصير الشوف مدري وين وصف طبوبها
انا من عتيبه هل الهيجا مزبّنة المخيف = ماحدني وقتي لكاتبها ولا مندوبها

[حســين الحارثي]

منصوور
على راحتك يالغالي
لكن ترا له مده معينه وتنتهى ونلقي القبض عليه
اما حاكمناه او اطلقنا سراحه وجليناه ههههههههه

[حســين الحارثي]

الله الله
المشكله ماني خبير بسلم سكان القطيف
واللي بيا الجزلات لايندس عن من جوبها

والنعم بعتيبه من الطايف ليافيضة عفيف
من دون قاصر فالقبايل شامها وجنوبها



صح الله لسانك ياراعي السيف
وبيض الله وجهك
شاعر جزل وسعدت بمجاراتك واللعب معك
اتمنى مراسلتي فديت روحك
والمنتدى للجميع

[نايف البراق]

هههههههههههههههههههههههه
ليش ياحسين ؟لاحول ولاقوة
أشكر جميع الاخوان الذين تواجدوا في هذا المتصفح وبيض الله وجيهكم على المتابعة ونتقابل على الخير دوما
اما بالنسبه للدخول بالاسم المستعار فهو مجرد تجربه لااكثر ولااقل والشكر موصول لمن وجّه لي الدعوة
والاسم سيقى كما هو حتى الجلاء ههههههههه اوحتى إشعار آخر

[زبن القاضي]

ماعليك زود يابو بندر
وصح السانك وصراحه ابداع رايع

[حســين الحارثي]

ابو نهار
صح الله بدنك والله
حضورك كان حافز ودافع للابداع
والشكر موصول لكل من مر وتابعنااا من البدايه
والان نتوجه الى طاروقك يابو نهار واتمنى من الزوار والاعضاء متابعتنا

[مشعل الروقي]

صح لسانكم ابو بندر وراع السيف
وبيض الله وجيهكم

والفيتو رفعناه في وجهك ياحسين

تحياتي

[حســين الحارثي]

مشعل الروقي
خخخخخخخخخخخخخخخ في وجهي ياوحه الله ابك وش العلم
مرورك نوماس ديت راسك ولاتستعجل الامور في طريقها للبت في ماسبق ذكره

[عوض القرني]

ياسلالالالالالالالالام شعار كبار

[عبدالله الهميلي]

صح لسانك يابو بندر
وصح لسانك يالسيف

لي عودة للإبداع

سلمتوا ولا هنتواااا

[حســين الحارثي]

ابو سعد
سلمت ولاندمت
مرورك مكسب لاهنت

[حســين الحارثي]

الهميلي
ارحب ارحب
وجودك نوماااس
بشرني عنك عساك طيب وبشرني عن بندر وعياله عساهم طيبين
عودتك شرف لنا وللمحاوره

[عبدالله الهميلي]

الله يشرف مقدارك يابو بندر

ابشرك في خير وصاحبنا في خير
الله يبشرني بسلامتك يالقرم

[حســين الحارثي]

راعي السيف
سلام ياهل الديرة اللي رمزها نخله وسيف= لولا رضا عزّامها ماكان جينا صوبها
اليا لفى ضيف النشاما يحترم ويقال ضيف = ماينشدونه لين يقلط والعرب ووجوبها

حسين الحارثي
يامرحبا ترحيبةٍ مقدارها تمرٍ وكيف=في حلةٍ تفرح بضيفٍ مايعكس ادروبها

حنا بلشنا فالاسامي فارس وراعي وطيف=ماعاد نعرف صادق العربان من مكذوبها

راعي السيف
دام البقا ياللي ترحـب والخبـر ماهوكليـف= وأهل المعالي ماتلبس ثـوب ماهـو ثوبهـا
الصبر يقفاه الفرج والصيف من عقب الخريف= والنفس يوم الحشر ماتجزى بغيـر ذنوبهـا

حسين الحارثي
حنا على منهج نبي الله والدين الحنيف=وانته تبا الحريه ونفسك هذا عذروبها

ياللي توصي قايد الاسطول مخطي يالعريف=القايد اليا اعطى الاوامر نفذو مطلوبها

راعي السيف
من فضل ربي ياحسين الحارثي ماني خفيف =أقيّس الهرجه قبل تطلع واعـرف اسلوبهـا
مامداك حتى انك تحد القوم للدرب القصيـف =والشمس في وسط السما ماحان وقت غروبها

حسين الحارثي
مادام راعي للشداد اش حدك تعود رديف=لو المطيه مالمحة الوسم فوق جنوبها

هذي قوانين الدول ظمن اتفاقية جنيف=تمشي على كل الدول ومنفذه مكتوبها

راعي السيف
أحيان أوررى فالخبر ياحارثي واحيان أعيف=واللي يغـر اجنوبهـا ماطالـع لحردوبهـا
اجنيف ماتضمن قوي ولا تبا تضمن ضعيف=راجع محاورها وتطلـع باقيـات عيوبهـا

حسين الحارثي
منت بعدوٍ لي لياهالحينه ولانت بحليف=مادام ليلى العامريه في حكم محبوبها

ختامها شرف وعرف كان من لابه وقيف=قدام نتفارق ورجلك ينكسر عرقوبها

راعي السيف
ان حدّرت تحت الكفر واليا علت فوق الرصيف= نظرة قصير الشوف مدري وين وصف طبوبها
انا من عتيبه هل الهيجـا مزبّنـة المخيـف= ماحدنـي وقـتـي لكاتبـهـا ولا مندوبـهـا

حسين الحارثي
المشكله ماني خبير بسلم سكان القطيف=واللي يبا الجزلات لايندس عن من جوبها

والنعم بعتيبه من الطايف ليافيضة عفيف=من دون حقره فالقبايل شامها وجنوبها

[عبيدالله العرابي]

لله دركما من شاعرين .
راعي السيف الله يحييك ونعم فيك ومرحبابك تراحيب السيل
ابوبندر لله درك ياشاعرنا عز الله غنك ماقصرت كنت كما عهدناك وفي زود ماشاء الله

[حســين الحارثي]

ابو سعيد
مرورك من هنا يعني لي الشي الكثير فديت راسك
لاسيما انك استاذ الجميع في النظم والعرضه والقلطه
ربي يخليك ويحفظك يابو سعيد وهذه شهاده اعتز وافتخر فيها ماحييت
لك مني الشكر والتقدير اليوم ودوم.

[نايف البراق]

أبو سعيد : عبيدالله العرابي
ماعليك زود والله ابرك الحزات اني اشوفك في هذا المتصفح
نعم هذا المكان اسم على مسمى ( ميدان الشعراء )
والله يبيض وجهك ياحسين على الجهد اللي تبذله في خدمة الشعر
أما الاسم فنتفاهم عليه فيما بعد وانت طيب

[حســين الحارثي]

لعيون الحليفي ترفع المحاوره