يامرحبا ياهلا يازبن ياشاعر عتيبه

[حســين الحارثي]

ابو نهار ارحب ارحب

يامرحبا ياهلا يازبن ياشاعر عتيبه
شاعر عتيبه هل الحره ومن حول المواني

انتم من اول قضاه وصيتكم كلٍ يجيبه
واليوم ماعاد نسمع بالقضاه اهل المحاني

[فوزي المالكي]

ياسلالالالالالام يابوبندر

مبداء طيب مثل راعيه

في انتظار ابونهار

ان شاءالله نستمتع بمحاورة جزله كما عودتمونا

[حســين الحارثي]

ابو سعيد
الله يحييك ويصبحك بالخير
موعدنا بعد صلاة العشاء الليله باذن الله

[زبن القاضي]

صح الله السانك يابو بندر واستلم

دام البقا ياحسين وكل جرحن له طبيبه
انتم هل العرف واهل الطيب وطوال ايماني

وحنا على طبعنا نخلص طليبن من طليبه
والجدي ثابت محله مايغيره الزماني

[مشعل الروقي]

الله الله
ابو بندر وزبن القاضي
صح لسانكم وعلى القوه ياشعاار
تحياتي

[حســين الحارثي]

الله الله
حنا هل الدين واهل الجود وخيولٍ نجيبه
واهل الوفا والشجاعه والشعرواهل المعاني

من عقب ماكنت تامر والك مع لابتك هيبه
اليوم ماعاد لك مابينهم قدر ومكاني

[حســين الحارثي]

مشعل الروقي
ارحب ارحب
متابعتك نومااااس فديتك

[زبن القاضي]

الشك زايل عن الطيب ودنينا عجيبه

وانا مسميك ماقلنا فلان ابن الفلاني

وبعض السوالف على مثلك يابو بندر غريبه

تخطي وانا في محلي من يدورني لقاني

[زبن القاضي]

مشعل الروقي متابعت شرف وصح بدنك

[حســين الحارثي]

مالحقني من طرفكم يابن وق اليوم ريبه
لكن ابسرج هجوس الشعر واسرج لك حصاني

عجيب هالوضع والدنيا بعد والله عجيبه
وشلون الانسان عقب العز والهيبه يهاني

[عوض القرني]

الله الله

القاضي ............ وابو بندر

واصلوا ..... لاعدمناكم .... ممتعيييييييييين

[زبن القاضي]

من عادة الوقت والايام دورتها قريبه

تدور ياصاحبي بين الدقايق والثواني

مايغبن الرجل غير اخذت حلاله بالغصيبه

يالله ياحسين من ماصار فالوقت تحماني

[حســين الحارثي]

هلا ابو سعد ارحب ارحب
متابعتك شرف ومكسب
لاهنت لاهنت

[عبدالله الهميلي]

ابو بندر
القاضي

سجلوا متابعتي المتواضعه


واااصلواا لاهنتواا

[زبن القاضي]

الحميد لا عدمناك والله لا يهينك

ومتابعتك شرف كبير

[حســين الحارثي]

الله الله طيب استلم


كلٍ نصيبه وماقد كتب فالدنيا يصيبه
لكن من قدم السيات مايجزا حساني

ليتك مشاور رياجيلٍ لها عقولٍ لبيبه
من قبل تغزي على ربعك وتغزي لإقحطاني

[زبن القاضي]

اكبر مصيبه على العقال ماتحسب مصيبه

والداب عانه قريب منك ماهو عقرباني

والسيل سايل عليك ومن نزل قدمه غديبه

مار انتبه لسوالف لا تجي في عاج ثاني

[حســين الحارثي]

الله الله

يازبن ماني صحيبٍ للردي يعرف صحيبه
انا خوي الوفي بالقلب ماهو باللساني

الجن تجفل من المتحصن ولاتلتويبه
يوم انت تجهل في السنه وابا السبع المثاني

[زبن القاضي]

صحيح من قال راع السيف الادقم لايغزيبه

لا واحليلك تثنى ياعويد الخيزراني

انته تفرح يابن عمي عليه بالغليبه

والي تفرح على المسلم مصيره للهواني

[حســين الحارثي]

الله الله عليك

من سار مع درب مظلم موحشٍ ماينمشيبه
لابد يصبح ضحيه للعدا قا صي وداني

ماني بشمات يوم الله بلاكم بالغليبه
بالعكس مقهور مما صار لك تال الزماني

[زبن القاضي]

جيت اتعزوا اليا ماحولي احدن نعتزيبه

كلن على ماهوت نفسه يصومع بالاذاني

ايموت واحد شجيع اتعيش من بعده كتيبه

افضل اكتب شجيع ومات لاعاش الجباني

[حســين الحارثي]

الشاعر/ زبن القاضي
كان لي الشرف في اللعب معك
صح الله لسانك واعلا شانك وبيض الله وجهك
سعدت في صحبتك في هذا الطاروق
لنا لقاء ثاني باذ الله
اخوك ابو بندر

[زبن القاضي]

صح بدنك يابو بندر وبيض الله وجهك انت من الرياجيل الي معرفتهم تجاره والله العظيم

اخوك/زبن القاضي