يافايز الحارثي وين انت غايب يابن الاجواد

[حســين الحارثي]

ابو وديم اقرب جااااااااي

يافايز الحارثي وين انت غايب يابن الاجواد
فرحتبك فرحة الاعمى ليابان الصباحي

عزالله اني من اول كنت احسبك راعي شداد
واليوم لي بنت من كل الجوانب والنواحي

[بدر المغيري]

يا سلاااااااااااااااااااااااام يابو بندر لك يومين تهدد با الرؤوس الذرية

يافايز الحارثي وين انت غايب يابن الاجواد
فـــرحــتبك فــرحة الاعـمى ليا بان الصباحي

عزالله اني من اول كنت احسبك راعي شداد
واليـــوم لــي بنت من كل الجوانب والنواحي

بدايه ناريه وفي أنتظار البطل فايز الشدادي كفو و شاعر

[الرمـــح]

ياســـــــلام يابو بــــدر


ونتمنــى امسيـــة جميـــلة ومحــاور رااااااائــــعة يستمتــع بهــا جميع الاخوان

بين شــاعريــن عملاقيـــن

حسيـــــن الحارثي

وفايــز الحــارثي

وتقبـــــــل تحيـــــــاتيـــ ..

الرمــــح

[حســين الحارثي]

هلا وغلا يابدر المغيري

ارحب ارحب

فديت خشمك والله
عزالله انك راعي الاوله

[حســين الحارثي]

الرمح

هلا وغلا
ماعليك زود والله
هذا من طيبك يالغالي
بيض الله وجهك

[فايز الشدادي]

ان غبت فانا على قطع الخرايم دوم معتاد
وان جيت جبت الغنايم كلها والسعد لاحي

وانته بعد بنت ياللي عن خويك منت نشاد
وانا احسب انك نهار الشده اقرب من سلاحي

[فايز الشدادي]

بدر المغيري

الرمح

لاهنتوا وحياكم الله وخلوكم قريب ترى الحسيكي هذا مجرم هههههههههه

الله يخارجنا من ذا الليل

[حســين الحارثي]

ماقول فيكم قصوران جت لبدع القاف والزاد
وان جت مواقيف مافيكم ذرا حزمٍ براحي

لاتلبس حسين لبسك ماجيله يابن شداد
عسى فراقك مثل فرقا حبيب والرياحي

[فالح الشلوي الحارثي]

مساكم الله بالخير

فايز
حسين
بدر
مشاري
الاعضاء
الزوار
عساكم بخير ونعمه
صراحه انا الليله محايد تقدر تقولون حكم هههه
تدرون بشجع ابووديم وفي صف ابوبندر




تحياتي وسلامي للجميع

[عبدالله الهميلي]

السلام عليكم ورحمة الله وبركاته

مساكم الله بالخير جميع

فايز الشدادي + حسين الحارثي

حظنا طيب الليله
اكيد اننا على وعد مع الجزاله والمتعه

واصلواا متابعين لكم

[حســين الحارثي]

هلا وغلا يابو بدر
ارحب ارحب
وجودك مكسب معي ابو مع ابو وديم اهم شيالحضوووووور

[حســين الحارثي]

عبدالله الهميلي
عليكم السلام ورحمة اله وبركاته
اكيد حظك طيب وحنا حظنا طيب يوم جيت وحنا تو بادين
كم انا ممنون لك يالهميلي

[فايز الشدادي]

خل الفتيله يجي قدامها مقباس وزناد
حتى تميز فعول السيف من ضرب المساحي

المحزم اللي قصير شبوح فاللقوات مافاد
وشلون تبغى يطير الطير مكسور الجناحي

[فايز الشدادي]

ابوبدر

عبدالله الهميلي

ارررررررررررحبوا يالله حيهم

وجودكم مكسب ونوماس يالنشاما

[مشاري الكرشمي]

ياسلام ياسلام لله دركم ياثنيين محاوره غير

[فايز الشدادي]

مشاري الكرشمي

ارررررحب يالله حيه

اسعدنا مرورك يالقرم جعلك ماتهون

[حســين الحارثي]

صدام مع حزبه البعثي سبب تدمير بغداد
بغى يحارب دول عظمى خبل ماهو بصاحي

منت بحزامي يافايز كان صارت حرب واجهاد
الله يخلي بنى الحارث دوى كل الجراحي

[حســين الحارثي]

ابو غازي ارحب ارحب
متابعتك مهمه والله يحييك

[فايز الشدادي]

صدام حاكم ومن هو خالفه بالحبل ينقاد
في حكمه يذبَح الشيعه مثل ذبح الاضاحي

ياحسين اظنك عميل سري وعميل موساد
والا ممثل ومتعاون مع الكبتن مناحي

[حســين الحارثي]

اخذ جزا مافعل ياصاحبي في شعب الاكراد
واصبح لكل البشر عبره وطاح العز طاحي

لاعاد يومٍ عرفتك فيه يابو زيد لاعاد
يالشاعر اللي حياته كلها لعب ومزاحي

[فايز الشدادي]

لاتحسب انك على طول الدهر وثيابك جداد
نطح الجبل والصخر يكسرك ياقرن الوضاحي


اليا كسبتوا قلبتوها تهاني مثل الاعياد
واليا خسرتوا تضوون المشاكل فالمراحي

[حســين الحارثي]

مادام منته بعاشق ياولد لدروب الامجاد
خلك على نهجك المعهود في ليل وصباحي

حنا بفضل الولي رواد ومخاوين رواد
ولاحسبنا لمن فالارض فعله فالصياحي

[فايز الشدادي]

اصبح اللي يبا الصباح واهجد وقت مهجاد
والرزق مع ضربة الشلفا ومع زرق الرماحي


ماقلت فيكم قصور ومن بغى للزود يزداد
ولا انته محلل حرام ولا محرم للمباحي

[فراج القرقاح]

...

سلام عليكم


متابعين ياشعارنا

[عبدالله الهميلي]

حسين الحارثي

يافايز الحارثي وين انت غايب يابن الاجواد=فرحتبك فرحة الاعمى ليابان الصباحي
عزالله اني من اول كنت احسبك راعي شداد=واليوم لي بنت من كل الجوانب والنواحي

فايز الشدادي

ان غبت فانا على قطع الخرايم دوم معتاد=وان جيت جبت الغنايم كلها والسعد لاحي
وانته بعد بنت ياللي عن خويك منت نشاد=وانا احسب انك نهار الشده اقرب من سلاحي

حسين الحارثي


ماقول فيكم قصوران جت لبدع القاف والزاد=وان جت مواقيف مافيكم ذرا حزمٍ براحي
لاتلبس حسين لبسك ماجيله يابن شداد=عسى فراقك مثل فرقا حبيب والرياحي

فايز الشدادي


خل الفتيله يجي قدامها مقباس وزناد=حتى تميز فعول السيف من ضرب المساحي
المحزم اللي قصير شبوح فاللقوات مافاد=وشلون تبغى يطير الطير مكسور الجناحي

حسين الحارثي


صدام مع حزبه البعثي سبب تدمير بغداد=بغى يحارب دول عظمى خبل ماهو بصاحي
منت بحزامي يافايز كان صارت حرب واجهاد=الله يخلي بنى الحارث دوى كل الجراحي

فايز الشدادي


صدام حاكم ومن هو خالفه بالحبل ينقاد=في حكمه يذبَح الشيعه مثل ذبح الاضاحي
ياحسين اظنك عميل سري وعميل موساد=والا ممثل ومتعاون مع الكبتن مناحي

حسين الحارثي


اخذ جزا مافعل ياصاحبي في شعب الاكراد=واصبح لكل البشر عبره وطاح العز طاحي
لاعاد يومٍ عرفتك فيه يابو زيد لاعاد=يالشاعر اللي حياته كلها لعب ومزاحي

فايز الشدادي

لاتحسب انك على طول الدهر وثيابك جداد=نطح الجبل والصخر يكسرك ياقرن الوضاحي

اليا كسبتوا قلبتوها تهاني مثل الاعياد=واليا خسرتوا تضوون المشاكل فالمراحي

حسين الحارثي

مادام منته بعاشق ياولد لدروب الامجاد=خلك على نهجك المعهود في ليل وصباحي
حنا بفضل الولي رواد ومخاوين رواد=ولاحسبنا لمن فالارض فعله فالصياحي


فايز الشدادي

اصبح اللي يبا الصباح واهجد وقت مهجاد=والرزق مع ضربة الشلفا ومع زرق الرماحي
ماقلت فيكم قصور ومن بغى للزود يزداد=ولا انته محلل حرام ولا محرم للمباحي

[حســين الحارثي]

ابو وديم
بيض الله وجهك
اللعب معك له نكهه خاااااصه بدون قصور في الجميع
صح لسانك واعتلا شانك اليوم ودوم
والحمد لله على السلامه انا ماصدقت اشوف اسمك وقمت اتناوشك
ميركم غزوةٍ منها السلامه غنيمه ياغناتي
لك مني الشكروالتقديرالدايم

[فايز الشدادي]

ابوبندر

ووجهك ابيض وصح لسانك طال عمرك

وحنا تلاميذ في مدرستك والله اني صادق

لكن الله يهجدك مدري يصبحك وين صبحتني وتقول غزوه الا اخيذة ضحى ههههههههههه

والله ان اللعب معك مكسب ونوماس

الاخوه الاعزاء اللي شاركونا عساكم ماتهونون جميع

والاخ فراج القرقاح الله لايهينك على المرور

والشكر موصول لشاعرنا ومشرفنا عبدالله الهميلي على التنسيق والمتابعه

وتصبحون على خير جميع

[حســين الحارثي]

فراج القرقاح
حياك الله وبياك
متابعتك تهمنااااااااااااا

[حســين الحارثي]

مشرفنا الغالي/ عبدالله الهميلي
لبى قلبك ايوالله
انت حضورك لهم طعم خاص
فديت راسك
والف شكر على هذا التنسيق الجميل